Power Cut: கவனம் தூத்துக்குடி மக்களே! நாளை மின்தடை – எந்த பகுதிகளுக்கு தெரியுமா.?

மாதாந்திர பராமரிப்பு பணிகள் காரணமாக துத்துக்குடி மாநகரில் நாளை மின் நிறுத்தம் அறிவிப்பு.

துத்துக்குடி மாநகரில் நாளை மின் நிறுத்தம்

Source : abp nadu

தூத்துக்குடி நகர் துணை மின் நிலையத்தில் மேற்கொள்ளப்பட உள்ள மாதாந்திர பராமரிப்பு பணிகள் காரணமாக, நாளை (07.02.2026 – சனிக்கிழமை) துத்துக்குடி மாநகரின் பல்வேறு பகுதிகளில் மின் விநியோகம் தற்காலிகமாக நிறுத்தப்படும் என மின்வாரியத்தினர் அதிகாரப்பூர்வமாக அறிவித்துள்ளனர்.

மின்விநியோக அமைப்புகளை மேலும் சீராகவும், பாதுகாப்பாகவும் செயல்படுத்தும் நோக்கில் இந்த பராமரிப்பு பணிகள் மேற்கொள்ளப்படுவதாக மின்வாரிய அதிகாரிகள் தெரிவித்துள்ளனர். இந்த பணிகள் நடைபெறும் நேரத்தில் விபத்துகளை தவிர்க்கும் வகையிலும், தொழில்நுட்ப மேம்பாட்டிற்காகவும் மின் விநியோகம் நிறுத்தப்படுவது அவசியம் என விளக்கமளிக்கப்பட்டுள்ளது.

மின்தடை பகுதிகள்:

இந்த மின் நிறுத்தம் காரணமாக போல்பேட்டை, ஆண்டாள் தெரு, சத்திரம் தெரு, முதல் கேட், இரண்டாம் கேட், மட்டக்கடை, எட்டயாபுரம் ரோடு, தெப்பக்குளம் தெரு, முனியசாமிபுரம், ரத்தினாபுரம், சிவன் கோவில் தெரு, வ.உ.சி. ரோடு, மீனாட்சிபுரம் மற்றும் வி.இ. ரோடு உள்ளிட்ட பகுதிகளில் மின் விநியோகம் இருக்காது என அறிவிக்கப்பட்டுள்ளது.

மேலும் பங்களா தெரு, பாலவிநாயகர் கோவில் தெரு, டூவிபுரம், ஜெயராஜ் ரோடு, தாமோதர நகர், ஸ்டேட் பேங்க் காலனி, கந்தசாமிபுரம், இன்னாசியார் புரம், எழில் நகர் மற்றும் அழகேசபுரம் பகுதிகளும் இந்த திட்டமிட்ட மின் நிறுத்தத்தால் பாதிக்கப்படும் பகுதிகளாக குறிப்பிடப்பட்டுள்ளன.

இதோடு மட்டுமல்லாமல் திரவியபுரம், முத்துகிருஷ்ணாபுரம், சுந்தரவேல் புரம், அம்பேத்கார் நகர், குறிஞ்சி நகர், அண்ணா நகர், வி.வி.டி. மெயின் ரோடு, போல்டன்புரம், சுப்பையாபுரம், பாளையங்கோட்டை ரோடு மற்றும் சிதம்பர நகர் உள்ளிட்ட பகுதிகளிலும் மின் விநியோகம் தற்காலிகமாக நிறுத்தப்படும் என மின்வாரியம் தெரிவித்துள்ளது.

அதேபோல் பிரையன்ட் நகர், முத்தம்மாள் காலனி, கே.டி.சி. நகர், ஹவுசிங் போர்டு காலனி மற்றும் அதனைச் சுற்றியுள்ள பகுதிகளிலும் நாளை முழுவதும் மின் விநியோகம் இருக்காது என்பதால், பொதுமக்கள் முன்கூட்டியே தேவையான முன்னேற்பாடுகளை செய்து கொள்ளுமாறு மின்வாரியத்தினர் கேட்டுக் கொண்டுள்ளனர்.

குறிப்பாக வணிக நிறுவனங்கள், மருத்துவமனைகள், குடியிருப்புகள் மற்றும் பொதுமக்கள் அனைவரும் மின் சாதனங்களை பாதுகாப்பாக வைத்துக்கொள்வதோடு, மின் தடை நேரத்தை கருத்தில் கொண்டு தங்களின் தினசரி பணிகளை திட்டமிட்டுக் கொள்ள வேண்டும் எனவும் மின்வாரியம் அறிவுறுத்தியுள்ளது.