தஞ்சாவூரில் 21 வட்டாட்சியர்கள் அதிரடி இடமாற்றம்! காரணம் என்ன?

வருகிற சட்டப்பேரவைத் தேர்தல், நிர்வாக நலன் கருத்தில் கொண்டு வட்டாட்சியர் நிலையில் பணி மாறுதல் செய்யப்பட்டுள்ளது. கலெக்டர் பிரியங்கா பங்கஜம் அறிவிப்பு

தஞ்சாவூர் கலெக்டர் பிரியங்கா பங்கஜம்

Source : பைல் படம்

தஞ்சாவூர்: தஞ்சாவூர் மாவட்டத்தில் 21 வட்டாட்சியர்கள், வட்டாட்சியர் நிலை அலுவலர்கள் இடமாற்றம் செய்யப்பட்டனர்.

இதுகுறித்து மாவட்ட கலெக்டர் பா. பிரியங்கா பங்கஜம் வெளியிட்டுள்ள உத்தரவில் தெரிவித்துள்ளதாவது:  தஞ்சாவூர் மாவட்ட வருவாய் அலகில், வருகிற சட்டப்பேரவைத் தேர்தல், நிர்வாக நலன் கருத்தில் கொண்டு வட்டாட்சியர் நிலையில் பணி மாறுதல் செய்யப்பட்டுள்ளது. இதன்படி, பூதலூர் சமூகப் பாதுகாப்பு திட்ட தனி வட்டாட்சியர் டி.எஸ். சுந்தரசெல்வி தஞ்சாவூர் கோட்டாட்சியரின் நேர்முக உதவியாளராகவும், தஞ்சாவூர் ஆதிதிராவிடர் நல தனி வட்டாட்சியர் ஜி. சிவக்குமார் பாபநாசம் சமூகப் பாதுகாப்பு திட்ட தனி வட்டாட்சியராகவும், இப்பணியில் இருந்த வி. ஜானகிராமன் ஒரத்தநாடு சமூகப் பாதுகாப்பு திட்ட தனி வட்டாட்சியராகவும் மாற்றம் செய்யப்பட்டுள்ளனர். 

மேலும் இப்பணியில் இருந்த ஜி. ரகுராமன் பூதலூர் சமூகப் பாதுகாப்பு திட்ட தனி வட்டாட்சியராகவும், ஒரத்தநாடு வட்ட வழங்கல் அலுவலர் வி. பிரேமாவதி தஞ்சாவூர் நகர நிலவரித் திட்டத் தனி வட்டாட்சியராகவும் இடமாற்றம் செய்யப்பட்டனர். பட்டுக்கோட்டை கோட்ட கலால் அலுவலர் ஆர். தெய்வானை பேராவூரணி சமூகப் பாதுகாப்பு திட்ட தனி வட்டாட்சியராகவும், இப்பணியில் இருந்த என். கவிதா ஒரத்தநாடு வட்ட வழங்கல் அலுவராகவும், தஞ்சாவூர் கோட்ட கலால் அலுவலர் எம். அய்யம்பெருமாள் பட்டுக்கோட்டை கோட்ட கலால் அலுவலராகவும், திருவையாறு ஆதிதிராவிடர் நல தனி வட்டாட்சியர் என். பெர்சியா தஞ்சாவூர் கோட்ட கலால் அலுவலராகவும் மாற்றம் செய்யப்பட்டுள்ளனர்.

இதேபோல் தஞ்சாவூர் டாஸ்மாக் உதவி மேலாளர் சி. மணிகண்டன் கும்பகோணம் கோட்ட கலால் அலுவலராகவும், இப்பணியில் இருந்த து. மதுசூதனன் தஞ்சாவூர் டாஸ்மாக் உதவி மேலாளராகவும், திருவையாறு முன்னாள் தனி வட்டாட்சியர் ஆர். அனிதா தஞ்சாவூர் துணை ஆய்வுக்குழு அலுவலராகவும் இடமாற்றம் செய்யப்பட்டனர்.

தஞ்சாவூர் நகர நிலவரித் திட்டத் தனி வட்டாட்சியர் அ. தர்மராஜ் திருவையாறு ஆதிதிராவிடர் நல தனி வட்டாட்சியராகவும், தேசிய நெடுஞ்சாலைகள் பாபநாசம் அலகு தனி வட்டாட்சியர் (நில எடுப்பு) கே.பி. மல்லிகாதேவி தஞ்சாவூர் ஆதிதிராவிடர் நல தனி வட்டாட்சியராகவும், தஞ்சாவூர் கோட்டாட்சியரின் நேர்முக உதவியாளர் ஆர். பிரேம்குமார் கும்பகோணம் சமூகப் பாதுகாப்பு திட்டத் தனி வட்டாட்சியராகவும் இடமாற்றம் செய்யப்பட்டனர்.

பட்டுக்கோட்டை வட்டாட்சியர் கே. தர்மேந்திரா ஒரத்தநாடு வட்டாட்சியராகவும், ஒரத்தநாடு வட்டாட்சியர் எஸ். யுவராஜ் பட்டுக்கோட்டை வட்டாட்சியராகவும், தஞ்சாவூர் வக்பு வாரியம் தனி வட்டாட்சியர் ஆர். செல்வம் திருவோணம் வட்டாட்சியராகவும், திருவோணம் வட்டாட்சியர் எல். சுந்தரமூர்த்தி தஞ்சாவூர் டாஸ்மாக் கிடங்கு மேலாளராகவும், பேராவூரணி வட்டாட்சியர் என். சுப்பிரமணியன் பட்டுக்கோட்டை சமூகப் பாதுகாப்பு திட்ட தனி வட்டாட்சியராகவும், கும்பகோணம் தனி வட்டாட்சியர் சி. சண்முகம் தேசிய நெடுஞ்சாலைகள் பாபநாசம் அலகு தனி வட்டாட்சியராகவும் இடமாற்றம் செய்யப்பட்டனர்.