Thirumavalavan - Vijay: முதலமைச்சர் விஜய்க்கு திருமாவளவன் திடீர் கோரிக்கை! என்ன தெரியுமா?

தமிழக முதலமைச்சர் விஜய்க்கு விசிக தலைவர் திருமாவளவன் கோரிக்கை வைத்துள்ளார்.

திருமாவளவன் - முதலமைச்சர் விஜய்

Source : twitter

சென்னையில்  நடந்த நிகழ்ச்சி ஒன்றில் பங்கேற்று பேசிய விசிக தலைவர் திருமாவளவன் பேசியதாவது, 

நீட் தேர்வு விலக்கு மசோதா:

புதியதாக ஆட்சியமைத்த தமிழ்நாடு அரசு தவெக அரசு கடந்த காலத்தில் நீட் தேர்வு வேண்டாம் என்று திமுக ஆட்சியின்போது சட்டமசோதா நிறைவேற்றப்பட்டு, ஆளுநரின் ஒப்புதலுக்கு அனுப்பி வைக்கப்பட்டதை நாடு அறியும். அவர் திருப்பி அனுப்பினார் ஆளுநர் ஆர்என்ரவி. மீண்டும் தமிழ்நாடு அரசு சட்ட மசோதாவை மறுபடியும் சட்டமன்றத்திலே நிறைவேற்றம் செய்து ஒப்புதலுக்கு திருப்பி அனுப்பியது. 

ஆர்என் ரவி நான் இதில் எந்த முடிவும் எடுக்கமாட்டேன். குடியரசுத் தலைவருக்கு அனுப்புகிறேன் என்று அனுப்பிவைத்தார். வழக்கம்போல குடியரசுத் தலைவர் இதை கிடப்பில் போட்டுவைத்தார். பின்னர், ஒப்புதல் அளிக்க முடியாது, சட்டமசோதாவை நிராகரிக்கிறோம் என் நிராகரித்துவிட்டார். அதனை எதிர்த்து தமிழ்நாடு அரசு உச்சநீதிமன்றத்தில் வழக்கு தொடர்ந்தது.

விஜய்க்கு கோரிக்கை:

இந்த நிலையில், தமிழ்நாடு அரசுக்கு கூடுதலாக வைத்திருக்கும் கோரிக்கை நீட் தேர்வை இந்தியா முழுவதும் ரத்து செய்யும் அதிகாரம் தமிழ்நாடு அரசுக்கு இல்லை. அது இந்திய ஆட்சியாளர்களிடம் உள்ளது. ஒன்றிய ஆட்சியாளர்களிடம் உள்ளது. அந்த அரசுக்கு நாம் கோரிக்கை இந்தியா முழுவதும் நீட் தேர்வு கூடாது என்பதுதான். தமிழ்நாடு அரசுக்கு நாம் வைக்கும் கோரிக்கை இந்திய ஒன்றிய அரசு எப்போது இந்த கோரிக்கையை ஏற்கும் என்று நமக்குத் தெரியாது. ஏற்பதற்கு வாய்ப்பு இல்லை என்ற நிலையில், தமிழ்நாட்டிற்கு நீட் விலக்கு இன்றியமையாதது என்பதை உறுதிப்படுத்தும் வகையில் இந்த கூட்டத்தொடரில் மசோதாவை அறிமுகப்படுத்தி, நிறைவேற்றி ஆளுநருக்கு அனுப்ப வேண்டும்.

இவ்வாறு அவர் பேசினார்.

நீட் தேர்வு கூடாது என்பதே தமிழ்நாட்டில் பாஜக தவிர மற்ற அனைத்து கட்சிகளின் நிலைப்பாடாக உள்ளது. நீட் தேர்வால் அரசுப்பள்ளி மற்றும் கிராமப்புற மாணவ, மாணவிகள் மிக அதிகளவு பாதிக்கப்படுவதால் நீட் தேர்விற்கு தமிழ்நாட்டில் எதிர்ப்பு உள்ளது.

பட்ஜெட் கூட்டத்தொடர்:

தவெக அரசும், அதன் கூட்டணியில் உள்ள கட்சிகளும் நீட் தேர்விற்கு மிக கடுமையான எதிர்ப்பைத் தெரிவித்து வருகின்றனர். வரும் ஆகஸ்ட் 5ம் தேதி சட்டசபை கூட்டத்தொடர் தொடங்குகிறது. அன்றைய நாளில் பட்ஜெட் தாக்கல் செய்யப்பட உள்ளது.  இந்த கூட்டத்தொடரில் நீட் தேர்வு குறித்தும், தமிழ்நாட்டில் நடந்த போராட்டம் குறித்தும் விவாதிக்கப்படும் என்று கூறப்படுகிறது.