TN Rain Alert: மக்களே உஷார்.. வங்கக்கடலில் உருவாகிறது புதிய புயல்..! 18 மாவட்டங்களில் இன்று வெளுக்கப்போகுது மழை..!

தென்கிழக்கு வங்கக்கடலில் நாளை மறுநாள் புதிய காற்றழுத்த தாழ்வு பகுதி உருவாகிறது. அது 9ஆம் தேதி காற்றழுத்த தாழ்வு மண்டலமாக வலுப்பெற்று மத்திய வங்கக்கடலில் புயலாக வலுப்பெற கூடும்.

தமிழகத்தில் மழை (கோப்பு புகைப்படம்)

 TN Rain Alert : தமிழ்நாட்டில் இன்று 18 மாவட்டங்களில் கனமழைக்கு வாய்ப்புள்ளதாக வானிலை ஆய்வு மையம் அறிவித்துள்ளது.

1. வடக்கு தமிழக கடலோரப்பகுதிகளின் மேல்  வளிமண்டல கீழடுக்கு சுழற்சி நிலவுகிறது.

2. தென்கிழக்கு வங்கக்கடல் பகுதிகளில் இன்று 6-ஆம் தேதி ஒரு வளிமண்டல கீழடுக்கு சுழற்சி உருவாகியது. இதன் காரணமாக அப்பகுதிகளில் 8-ஆம் தேதி வாக்கில் ஒரு காற்றழுத்த தாழ்வு பகுதி உருவாகக்கூடும். இது 9-ஆம் தேதி வாக்கில் காற்றழுத்த தாழ்வு மண்டலமாக வலுப்பெற்று வடக்கு திசையில் நகர்ந்து மத்திய வங்கக்கடல் பகுதிகளில் புயலாக வலுபெறக்கூடும்.

06.05.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும். இராணிப்பேட்டை, வேலூர், திருப்பத்தூர், திருவண்ணாமலை, கிருஷ்ணகிரி, தர்மபுரி, சேலம், நாமக்கல், கள்ளக்குறிச்சி, பெரம்பலூர், திருச்சிராப்பள்ளி, கரூர், தேனி, திண்டுக்கல், திருப்பூர், கோயம்புத்தூர், நீலகிரி மற்றும் ஈரோடு மாவட்டங்களில் ஓரிரு இடங்களில் கனமழை பெய்யவாய்ப்புள்ளது.

07.05.2023 மற்றும் 08.05.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும்.

09.05.2023 மற்றும் 10.05.2023: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை  பெய்யக்கூடும்.

அதிகபட்ச வெப்பநிலை : 

06.05.2023 முதல் 10.05.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் அதிகபட்ச வெப்பநிலை படிப்படியாக 2 - 4  டிகிரி செல்சியஸ் உயரக்கூடும். 

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஓரிரு இடங்களில் இடி மின்னலுடன் கூடிய லேசான / மிதமான மழை  பெய்யக்கூடும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 27 டிகிரி செல்சியஸை ஒட்டியே இருக்கும்.

கடந்த 24 மணி நேரத்தில் பதிவான மழை அளவு (சென்டிமீட்டரில்):  

வாலாஜா (ராணிப்பேட்டை) 14, காஞ்சிபுரம் 13, அம்முண்டி (வேலூர்) 12, திருப்பத்தூர் PTO 11, திருப்பத்தூர் 10, கலசப்பாக்கம் (திருவண்ணாமலை) 9, அம்மூர் (ராணிப்பேட்டை) 8, ராணிப்பேட்டை  7, கலவாய் பொதுப்பணித்துறை (ராணிப்பேட்டை), செய்யார் (திருவண்ணாமலை), திரூர் KVK AWS (திருவள்ளூர்), தாமரைப்பாக்கம் (திருவள்ளூர்) தலா 6, வந்தவாசி (திருவண்ணாமலை) 5, வேலூர் 4, வரட்டுப்பள்ளம் (ஈரோடு), தாளவாடி (ஈரோடு), ஆற்காடு (ராணிப்பேட்டை), ஒகேனக்கல் (தர்மபுரி), போளூர் (திருவண்ணாமலை), வாணியம்பாடி (திருப்பத்தூர்), பொன்னை அணை (வேலூர்), பணப்பாக்கம் (ராணிப்பேட்டை), நாட்றம்பள்ளி (திருப்பத்தூர்) தலா 3, வாலாஜாபாத் (காஞ்சிபுரம்), மேலாளத்தூர் (வேலூர்), பாலார் அணைக்கட்டு (ராணிப்பேட்டை), TCS ஆலை கெத்தண்டப்பட்டி (திருப்பத்தூர்), ஜமுனாமரத்தூர் (திருவண்ணாமலை), ஆலங்காயம் (திருப்பத்தூர்), விரிஞ்சிபுரம் AWS (வேலூர்), பென்னாகரம் (தர்மபுரி), குடியாத்தம் (வேலூர்), சேத்துப்பட்டு (திருவண்ணாமலை), கிருஷ்ணகிரி), காட்பாடி (வேலூர்) தலா 2, திருவள்ளூர், மாரண்டஹள்ளி (தர்மபுரி), காவேரிப்பாக்கம் (ராணிப்பேட்டை), தர்மபுரி PTO, ஆவடி (திருவள்ளூர்), தர்மபுரி, ராயக்கோட்டா (கிருஷ்ணகிரி), நாவலூர் கொட்டப்பட்டு (திருச்சி), சின்னார் அணை (கிருஷ்ணகிரி), சூளகிரி (கிருஷ்ணகிரி) தலா 1 செ.மீ. மழை

மீனவர்களுக்கான எச்சரிக்கை:  

06.05.2023: தென்மேற்கு வங்கக்கடல் பகுதிகள் மற்றும் அதனை ஒட்டிய வட தமிழக கடலோரப்பகுதிகள், இலங்கை கடலோரப் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60  கிலோ மீட்டர் வேகத்தில் வீசக்கூடும்.

07.05.2023 மற்றும் 08.05.2023: தென்கிழக்கு வங்கக்கடல் பகுதிகள் மற்றும் தெற்கு அந்தமான் கடல் பகுதிகளின் தெற்கு பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60  கிலோ மீட்டர் வேகத்தில் வீசக்கூடும்.

09.05.2023: தென்கிழக்கு வங்கக்கடல் பகுதிகள் மற்றும் அதனை ஒட்டிய தென்மேற்கு வங்கக்கடல்,  மத்திய வங்கக்கடல் மற்றும்  அந்தமான் கடல் பகுதிகளில் சூறாவளிக்காற்று மணிக்கு 50 முதல் 60 கிலோ மீட்டர் வேகத்திலும் இடையிடையே 70  கிலோ மீட்டர் வேகத்தில் வீசக்கூடும்.

10.05.2023: தென்கிழக்கு வங்கக்கடல் பகுதிகளில் சூறாவளிக்காற்று மணிக்கு 60 முதல் 70 கிலோ மீட்டர் வேகத்திலும் இடையிடையே 80  கிலோ மீட்டர் வேகத்திலும்  மற்றும் அதனை ஒட்டிய தென்மேற்கு வங்கக்கடல்,  மத்திய வங்கக்கடல் மற்றும்  அந்தமான் கடல் பகுதிகளில் சூறாவளிக்காற்று மணிக்கு 50 முதல் 60 கிலோ மீட்டர் வேகத்திலும் இடையிடையே 70  கிலோ மீட்டர் வேகத்தில் வீசக்கூடும்.

மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்.

ஆழ்கடலிலுள்ள  மீனவர்கள் 07.05.2023 தேதிக்குள்   கரைக்கு திரும்புமாறு அறிவுறுத்தப்படுகிறார்கள்.