TN Jobs: தமிழ்நாடு முழுவதும் 66 லட்சம் பேர் அரசு வேலைக்காக காத்திருப்பு...வெளியான ரிப்போர்ட்!
தமிழகம் முழுவதும் 66 லட்சத்திற்கும் மேற்பட்டோர் வேலைவாய்ப்புக்காக பதிவு செய்து காத்திருப்பதாக தமிழ்நாடு அரசு அறிவிப்பு வெளியிட்டுள்ளது.
TN Jobs: தமிழகம் முழுவதும் 66 லட்சத்திற்கும் மேற்பட்டோர் வேலைவாய்ப்புக்காக பதிவு செய்து காத்திருப்பதாக தமிழ்நாடு அரசு அறிவிப்பு வெளியிட்டுள்ளது.
66 லட்சம் பேர் காத்திருப்பு:
தமிழகத்தில் உயர் கல்வி படிப்பு முடிப்பவர்களின் எண்ணிக்கை நாளுக்கு நாள் அதிகரித்துக்கொண்டே வருகிறது. ஆண்டுக்கு லட்சக்கணக்கான மாணவர்கள் பள்ளி மற்றும் உயர்கல்வி முடித்து வெளியே வருகின்றனர். இவர்கள் அனைவரும் வருடன் தவறால் வேலைவாய்ப்பு அலுவலங்களில் தங்களின் பதிவை புதுப்பித்து வருகின்றனர். தமிழகத்தில் மாவட்டந்தோறும் வேலைவாய்ப்பு அலுவலகங்களும், சென்னை மற்றும் மதுரையில் மாநில தொழில் மற்றும் வேலைவாய்ப்பு அலுவலகங்களும் இயங்கிவருகின்றன. இதுதவிர சென்னையில் கூடுதலாக சிறப்பு வேலைவாய்ப்பு அலுவலகங்களும் உள்ளன.
பட்டப் படிப்பு வரையான கல்வித் தகுதியை அந்தந்த மாவட்ட வேலைவாய்ப்பு அலுவலகங்களிலும், முதுநிலை படிப்பு, பொறியியல், மருத்துவம் உட்பட தொழில் படிப்பின் தகுதியைசென்னை அல்லது மதுரையில் உள்ள மாநில வேலைவாய்ப்பு அலுவலகத்திலும் பதிவுசெய்ய வேண்டும். இந்தப் பதிவை 3 ஆண்டுகளுக்கு ஒருமுறை புதுப்பித்து வரவேண்டும். இந்நிலையில், தமிழகம் முழுவதும் மொத்தம் 66 லட்சத்து 55 ஆயிரத்து 766 பேர் அரசு வேலை வாய்ப்பிற்காக பதிவு செய்து காத்திருப்பதாக தமிழ்நாடு அரசு அறிவிப்பு வெளியிட்டுள்ளது.
ஆண்கள், பெண்கள் எத்தனை பேர்?
2023 ஜூலை 31ஆம் தேதி வரையிலான புள்ளிவிவரத்தின்படி, தமிழகத்தில் வேலை வேண்டி பதிவு செய்துள்ள ஆண்களின் எண்ணிக்கை 30,94,630 (30 லட்சத்து 94 ஆயிரத்து 630), பெண்களின் எண்ணிக்கை 35,60,846 (35 லட்சத்து 60 ஆயிரத்து 846), மூன்றாம் பாலினத்தவரின் எண்ணிக்கை 290. மொத்தம் 66 லட்சத்து 55 ஆயிரத்து 766 பேர் வேலைக்காக விண்ணப்பித்துக் காத்துக்கொண்டுள்ளனர்.
வயது வாரியாக ஏப்ரல் 30 2023 வரை வேலைக்காக விண்ணப்பித்திருப்போர் விவரம் வருமாறு:
18 வயதிற்கும் கீழ் உள்ளவர்கள் 16 லட்சத்து 87 ஆயிரத்து 537 பேர். 19 வயது முதல் 30 வயது வரையிலானவர்கள் 28 லட்சத்து 53 ஆயிரத்து 916 பேர். 31 முதல் 45 வயதிலானவர்கள் 18 லட்சத்து 51 ஆயிரத்து 474 பேர். 46 முதல் 60 வயதுடையவர்கள் 2 லட்சத்து 56 ஆயிரத்து 68 பேர் ஆவர். 60 வயதுக்கு மேற்பட்டவர்கள் 6,771 பேர் உள்ளனர். மாற்றுத்திறனாளிகளில் 1 லட்சத்து 47 ஆயிரத்து 284 பேர் அரசு வேலைக்காக பதிவு செய்து காத்திருக்கின்றனர் என்று தமிழ்நாடு அரசு தரப்பில் தெரிவிக்கப்பட்டுள்ளது.
இந்தியாவில் வேலையின்மை:
தமிழக நிலவரம் இவ்வாறாக இருக்க, கடந்த ஜூலை மாதத்தில் இந்தியாவின் வேலையின்மை விகிதத்தில் பெரிய சரிவு ஏற்பட்டுள்ளது. அதோடு முந்தைய 4 மாதங்களில் மிகக் குறைந்த அளவை வேலையின்மை விகிதம் எட்டியுள்ளது. கடந்த ஜூலை மாதத்தில் இந்தியாவின் வேலையின்மை விகிதம் 7.95 சதவீதமாகப் பதிவாகியுள்ளது. ஜூன் மாதத்தில் 8.45 சதவீதமாக இருந்த வேலைவாய்ப்பின்மை ஜூலை மாதத்தில் குறைந்துள்ளது என்று இந்தியப் பொருளாதார கண்காணிப்பு மையம் (CMIE) 2023 ஜூலை மாதத்துக்கான புள்ளிவிவரங்களை வெளியிட்டது.
மேலும் படிக்க
தலைப்பு செய்திகள்
ட்ரெண்டிங் செய்திகள்
