Tamilnadu Roundup: திமுக மொபைல் செயலி இன்று அறிமுகம், வாக்காளர் சிறப்பு முகாம், தங்கம் விலை குறைவு - 10 மணி செய்திகள்

Tamilnadu Roundup: தமிழ்நாட்டில் இன்று காலை முதல் தற்போது வரை நடந்த பல்வேறு முக்கிய நிகழ்வுகளை தலைப்புச் செய்திகளாக கீழே காணலாம்.

10 மணி தலைப்புச் செய்திகள்

Source : X

• திமுக தேர்தல் அறிக்கை தயாரிப்பு குழுவின் மொபைல் செயலி, வாட்ஸ்அப் எண், சமூக வலைதள கணக்குகளை இன்று அறிமுகம் செய்கிறார் முதலமைச்சர் மு.க. ஸ்டாலின்.
• “இடைநிலை ஆசிரியர்கள் என்னுடைய குடும்ப உறுப்பினர்கள், அவர்களை கைவிட மாட்டோம்“ எனவும் நல்ல முடிவை எடுப்போம் என்ற நம்பிக்கை உள்ளதாகவும் அமைச்சர் அன்பில் மகேஸ் கூறியுள்ளார்.
• திமுக, அதிமுகவை தாக்கும் ஒரே கட்சி தவெக தான் என்றும், அந்த அளவிற்கு வளர்ந்துள்ளதாகவும் தவெக மாநில தலைமை ஒருங்கிணைப்பாளர் செங்கோட்டையன் பேச்சு.
• வாக்காளர் பட்டியலில் பெயர் சேர்க்க தமிழ்நாடு முழுவதும் இன்றும், நாளையும் 75,000 வாக்குச் சாவடிகளில் சிறப்பு முகாம்.
• பொங்கல் பண்டிகையை முன்னிட்டு தென் மாவட்டங்களுக்கு 8 சிறப்பு ரயில்களை ரயில்வே அறிவித்துள்ளது.
• சென்னையில் ஆபரணத் தங்கத்தின் விலை சவரனுக்கு ரூ.480 குறைவு. ஒரு கிராம் ரூ.12,520-க்கும், ஒரு சவரன் ரூ.1,00,160-க்கும் விற்பனை.
• எல்லை தாண்டி மீன் பிடித்ததாகக் கூறி, கச்சத்தீவு அருகே மீன்பிடித்துக்கொண்டிருந்த ராமேஸ்வரம் மீனவர்கள் 9 பேரை சிறைபிடித்து இலங்கை கடற்படை அட்டூழியம்.
• புதுக்கோட்டை தச்சங்குறிச்சியில் புனித விண்ணேற்பு அன்னை ஆலய புத்தாண்டு மற்றும் அந்தோணியார் பொங்கல் விழாவை முன்னிட்டு நடப்பாண்டிற்கான முதல் ஜல்லிக்கட்டு போட்டி தொடக்கம்.
• நீலகிரி மாவட்டத்தில் பெய்த கன மழை காரணமாக மேட்டுப்பாளையம் - உதகை மலை ரயில் பாதையில் மண் மற்றும் பாறைகள் விழுந்துள்ளதால் 2-வது நாளாக இன்றும் மலை ரயில் போக்குவரத்து ரத்து.
• தென்காசி குற்றால அருவியில் வெள்ளப் பெருக்கு குறைந்ததால், மெயின் அருவியில் குளிக்க விதிக்கப்பட்டிருந்த தடை நீக்கம்.