மாணவர்கள் கவனத்திற்கு: புதுச்சேரியில் பள்ளிகளுக்குத் தொடர் விடுமுறை அறிவிப்பு!
ஓணம் பண்டிகையை யொட்டி புதுச்சேரி யூனியன் பிரதேசத்தில் உள்ள மாஹே பிராந்தியத்தில் உள்ள பள்ளி மற்றும் கல்லூரிகளுக்கு இரண்டு நாள் அரசு விடுமுறை அறிவிக்கப்பட்டுள்ளது.
புதுச்சேரி Puducherry School Holiday: ஓணம் பண்டிகையை யொட்டி புதுச்சேரி யூனியன் பிரதேசத்தில் உள்ள மாஹே பிராந்தியத்தில் உள்ள பள்ளி மற்றும் கல்லூரிகளுக்கு இரண்டு நாள் அரசு விடுமுறை அறிவிக்கப்பட்டுள்ளது.
புதுச்சேரி யூனியன் பிரதேசத்தில் உள்ள கல்வி நிறுவனங்களுக்கு ஓணம் பண்டிகை மற்றும் ஒருங்கிணைந்த பட்டதாரி போட்டித் தேர்வுகளை முன்னிட்டு விடுமுறைகள் அறிவிக்கப்பட்டுள்ளன.
மாஹே பிராந்தியத்தில் ஓணம் பண்டிகை விடுமுறை:
புதுச்சேரி யூனியன் பிரதேசம் புதுச்சேரி, காரைக்கால், மாஹே மற்றும் ஏனாம் ஆகிய நான்கு மாறுபட்ட புவியியல் பகுதிகளைக் கொண்டுள்ளது. இதில் கேரளா மாநிலத்தை ஒட்டியுள்ள மாஹே பிராந்தியத்தில் மலையாள மொழி பேசும் மக்கள் அதிகம் வாழ்வதால், அங்குள்ள மக்கள் கேரள கலாச்சாரத்தைப் பின்பற்றி ஓணம் பண்டிகையை விமரிசையாகக் கொண்டாடுகின்றனர்.
இதனையொட்டி, மாஹே பிராந்தியத்தில் உள்ள அனைத்து அரசு, அரசு உதவிபெறும், தனியார் சுயநிதிப் பள்ளிகள் மற்றும் கல்லூரிகளுக்கு ஆகஸ்ட் 25 (செவ்வாய்க்கிழமை) மற்றும் ஆகஸ்ட் 26 (புதன்கிழமை) ஆகிய இரண்டு நாட்கள் அரசுப் பொது விடுமுறை அறிவிக்கப்பட்டுள்ளது. இந்த விடுமுறை உத்தரவு மாஹே பிராந்தியத்திற்கு மட்டுமே செல்லுபடியாகும் என்றும்; புதுச்சேரி, காரைக்கால், ஏனாம் ஆகிய பிற பிராந்தியங்களில் கல்வி நிறுவனங்கள் வழக்கம்போல் இயங்கும் என்றும் தெளிவுபடுத்தப்பட்டுள்ளது.
போட்டித் தேர்வுக்கான மையங்கள் - 69 பள்ளிகளுக்கு விடுமுறை:
புதுச்சேரியில் நடைபெறவுள்ள ஒருங்கிணைந்த பட்டதாரி போட்டித் தேர்வுகளை முன்னிட்டு, தேர்வு மையங்களாகத் தேர்ந்தெடுக்கப்பட்டுள்ள 69 பள்ளிகளுக்கு ஆகஸ்ட் 21 மற்றும் ஆகஸ்ட் 22, 2026 (வெள்ளி மற்றும் சனி) ஆகிய இரண்டு நாட்கள் விடுமுறை அறிவிக்கப்பட்டுள்ளது. தேர்வுகளுக்கான முன்ஏற்பாடுகள் செய்யப்படுவதால் இந்த விடுமுறை வழங்கப்படுகிறது. இதன் மூலம் அப்பள்ளிகளுக்கு ஞாயிற்றுக்கிழமையையும் சேர்த்து தொடர்ந்து 3 நாட்கள் விடுமுறை கிடைக்கிறது.
யூனியன் பிரதேசம் முழுவதும் தேர்வு மையங்களாக அமைக்கப்பட்டுள்ள 69 பள்ளிகளின் விவரம்:
புதுச்சேரி பிராந்தியம்: 53 பள்ளிகள்
காரைக்கால் பிராந்தியம்: 8 பள்ளிகள்
ஏனாம் பிராந்தியம்: 5 பள்ளிகள்
மாஹே பிராந்தியம்: 3 பள்ளிகள்
புதுச்சேரி பிராந்தியத்தில் அன்னை சிவகாமி அரசுப் பள்ளி, வ.உ.சி. அரசுப் பள்ளி, கால்வே செல்லன் பள்ளி, உழவர்கரை அரசு ஆண்கள் மேல்நிலைப் பள்ளி, இளங்கோவடிகள் பள்ளி, ஜீவானந்தம் பள்ளி, மணிமேகலை பள்ளி, நாவலர் பள்ளி, பண்டிட் துரைசாமி அரசு உயர்நிலைப் பள்ளி, சவரிராயலு நாயக்கர் பள்ளி, சின்னத்தா அரசுப் பள்ளி, திருவள்ளுவர் பள்ளி மற்றும் முருகம்பாக்கம் அரசுப் பள்ளி உள்ளிட்ட முக்கியமான அரசு மற்றும் தனியார் பள்ளிகள் தேர்வு மையங்களாகச் செயல்படவுள்ளன.
தலைப்பு செய்திகள்
ட்ரெண்டிங் செய்திகள்
