'நமது அம்மா' நாளிதழ் நிறுவனர்கள்.. நீக்கப்பட்ட ஓபிஎஸ் பெயர்! தீவிரமாகும் ஒற்றைத்தலைமை விவகாரம்!
'நமது அம்மா' நிறுவனர்களின் பெயர் பட்டியலில் ஓபிஎஸ், ஈபிஎஸ் என குறிப்பிடப்பட்டு வந்த நிலையில் தற்போது ஈபிஎஸ் பெயர் மட்டுமே இடம்பெற்றுள்ளது.
பெரும் எதிர்பார்ப்புகளுக்கிடையே கடந்த ஜூன் 23 ஆம் தேதி வானகரத்தில் உள்ள ஸ்ரீவாரி மண்டபத்தில் நடைபெற்ற அதிமுக பொதுக்குழு கூட்டம் பல எதிர்பாராத திருப்பங்களுடன் நிறைவடைந்தது.
இக்கூட்டத்தில் 23 தீர்மானங்களை தவிர வேறு எந்த தீர்மானத்தையும் நிறைவேற்ற கூடாது என்று சென்னை உயர்நீதிமன்ற நீதிபதிகள் உத்தரவிட்டனர்.
பொதுக்குழுவில் அதிமுக ஒருங்கிணைப்பாளர் ஓ.பன்னீர்செல்வம் பொதுக்குழு தீர்மானங்களை முன்மொழிய, அதனை இணை ஒருங்கிணைப்பாளர் எடப்பாடி பழனிசாமி வழிமொழிவதாக தெரிவித்தார்.
இதையும் படிக்க: ஆதரவு தராவிட்டால் கட்சியில் இருந்து நீக்கம்.. மிரட்டியதா எடப்பாடி தரப்பு? : ஓபிஎஸ் ஆதரவாளர் பேச்சால் பரபரப்பு
ஆனால் அதன்பின் மேடையில் பேசிய முன்னாள் அமைச்சரும், எடப்பாடி பழனிசாமி ஆதரவாளருமான சி.வி.சண்முகம் அதிமுக பொதுக்குழுவில் நிறைவேற்றப்படவிருந்த 23 தீர்மானங்களை நிராகரிப்பதாக ஆவேசமாக தெரிவித்தார்.
அதனைத் தொடர்ந்து பேசிய கே.பி.முனுசாமி உள்ளிட்ட பலரும் ஒற்றை தலைமை தீர்மானம் நிறைவேறினால் மட்டுமே மற்ற தீர்மானங்கள் பொதுக்குழுவில் நிறைவேற்றப்படும் என தெரிவித்ததால் பெரும் பரபரப்பு ஏற்பட்டது. மேலும் ஓ.பன்னீர்செல்வம் கூட்டத்தில் இருந்து பாதியில் வெளியேறினார்.
இதையும் படிக்க: அதிமுக-வை அழிக்க நினைத்தால், அழிந்துபோவார்கள் என செல்லூர் ராஜூ பேச்சு
இதனை தொடர்ந்து நடைபெற்ற செய்தியாளர் சந்திப்பில் ஒருங்கிணைப்பாளர், இணை ஒருங்கிணைப்பாளர் பதவிகள் காலாவதியாகிவிட்டதாக அதிமுக மூத்த தலைவரும் முன்னாள் சட்டத்துறை அமைச்சர் சி.வி. சண்முகம் அறிவித்தார்.
மீண்டும் ஓபிஎஸ் - இபிஎஸ் இடையே மோதல் ஏற்பட்டுள்ளதால் கட்சி இரண்டாக உடையுமோ என்ற அச்சத்தில் தொண்டர்கள் உள்ளனர். இந்நிலையில், அதிமுகவின் அதிகாரப்பூர்வ நாளிதழான 'நமது அம்மா'வின் நிறுவனர் பெயரிலிருந்து முன்னாள் முதலமைச்சர் ஓ. பன்னீர்செல்வத்தின் பெயர் நீக்கப்பட்டுள்ளது.
'நமது அம்மா' நிறுவனர்களின் பெயர் பட்டியலில் ஓபிஎஸ், ஈபிஎஸ் என குறிப்பிடப்பட்டு வந்த நிலையில் தற்போது ஈபிஎஸ் பெயர் மட்டுமே இடம்பெற்றுள்ளது. அதிமுகவின் ஒற்றைத் தலைமை விவகாரம் உச்ச கட்டத்தை எட்டி உள்ள நிலையில், நாளிதழ் நிறுவனர் பெயரில் மாற்றம் செய்யப்பட்டுள்ளது.
இதையும் படிக்க: டிடிவி தினகரனோடு உறவு; குடும்பத்தை மட்டும் பார்க்கிறார் ஓபிஎஸ்: பரபரப்பை கிளப்பும் உதயகுமார்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Vanni Arasu Slams DMK :”எலும்பு எல்லாருக்கும் இருக்குஞாபகம் வச்சுக்கோங்க” இறங்கி அடித்த வன்னி அரசு
தலைப்பு செய்திகள்
ட்ரெண்டிங் செய்திகள்
