சூரிய வீடு இலவச மின்சார திட்டத்தின் மூலம் மானியம் பெற விண்ணப்பிக்கலாம் !

சூரிய ஒளி மூலம் மின் உற்பத்தியை பெருக்கி, "பசுமையான, ஒளிமயமான எதிர்காலத்தை உருவாக்க வேண்டும்.

சோலார் எனர்ஜி

Source : PTI

பிரதம மந்திரி சூரிய வீடு இலவச மின்சார திட்டத்தின் மூலம் மானியம் பெற விண்ணப்பிக்கலாம் என மதுரை மாவட்ட ஆட்சித்தலைவர் மா.சௌ.சங்கீதா, தெரிவித்துள்ளார்.

 

பிரதம மந்திரி சூரிய வீடு இலவச மின்சார திட்டம்

 

பிரதமர் நரேந்திர மோடி 13.02.2024-அன்று "பிரதம மந்திரி சூரிய வீடு இலவச மின்சார திட்டம்" தொடங்கி வைத்தார்.  இந்த திட்டத்தின் மூலம்  சூரிய மின் தகடுகள் வினியோகஸ்தர்கள், அதை நிறுவும் நிறுவனங்கள் அதிகரிக்கும் என்பதால், புதிய தொழில் வாய்ப்புகளும், திறனுள்ள தொழிலாளர்களுக்கு  வேலை வாய்ப்பும் கிடைக்கும் எனவும் தெரிவிக்கப்பட்டது. ”பி.எம். சூர்ய கர் - முப்த் பிஜ்லி யோஜனா என்ற இந்த திட்டத்தின் மூலம் மாசு ஏற்படுத்தாத சூரிய மின்சக்தி உற்பத்தியை அதிகளவில் பயன்படுத்தும் வகையில், தொடர் வளர்ச்சியை உறுதி செய்யும் வகையில் இந்த திட்டம் துவங்கப்படுவதாவும் தெரிவிக்கப்பட்டது. மேலும் இந்த திட்டம் ,மூலம் ஒரு கோடி வீடுகளில் செயல் படுத்தப்படவுள்ளதாவும். நீடித்த வளர்ச்சி மற்றும் மக்கள் நலனுக்காக இந்த திட்டம் அமைந்ததாகவும் தெரிவிக்கப்பட்டது. இந்நிலையில் பிரதம மந்திரி சூரிய வீடு இலவச மின்சார திட்டத்தின் மூலம் மானியம் பெற விண்ணப்பிக்கலாம் என மதுரை மாவட்ட ஆட்சித்தலைவர் தெரிவித்துள்ளார்.

 

இத்திட்டத்தின் சிறப்பு அம்சங்கள்:

 

மானியம்:

 

1 கிலோவாட் - ரூபாய் 30,000,  2 கிலோவாட் ரூபாய் 60,000, 3 கிலோவாட் அதற்கு மேல் ரூ.78,000 இத்திட்டத்திற்கு வங்கிகள் மூலம் உடனடியாக கடன் வழங்கப்படும்.

 

இத்திட்டத்தில் மேற்கூறப்பட்ட மானியம் நுகர்வோரின் வங்கிக் கணக்கில் நேரடியாக சூரிய திட்ட பணிகள் முடிவுற்ற 7 நாட்களில் இருந்து 30 நாட்களுக்குள் செலுத்தப்படும்.

 

1 கிலோவாட் சூரிய தகடு, ஒரு நாளில், 4 முதல் 5 யூனிட்கள் வரை உற்பத்தி செய்யும், நுகர்வோர் செய்யும் முதலீடு குறுகிய காலத்தில் திரும்ப பெறலாம்.

 

இத்திட்டத்தில் (www.pmsuryaghar.gov.in) செய்யலாம், விண்ணப்பங்களை "Pmsuryaghar" என்ற இணையதளத்தில் பதிவு செய்யலாம்.

 

சூரிய ஒளி மூலம் மின் உற்பத்தியை பெருக்கி, "பசுமையான, ஒளிமயமான எதிர்காலத்தை உருவாக்க வேண்டும் என்று மாவட்ட ஆட்சித்தலைவர் தெரிவித்துள்ளார்.