கரூர் புத்தக திருவிழா 7ம் நாள் நிகழ்ச்சி; பாரதி பாஸ்கரின் "கதை கேளு--கதை கேளு--" என்ற தலைப்பில் சிறப்புரை..!

புத்தக அரங்குகளில் முற்போக்கு சிந்தனையாளர்களின் நூல்கள், ஆன்மீகம், ஜோதிடம், சமயம் சார்ந்த நூல்கள், மருத்துவம், விளையாட்டு, அரசியல் போன்ற நூல்கள் இடம்பெற்று இருக்கின்றன.

கரூர் புத்தகத் திருவிழா நிகழ்ச்சியில் பாரதி பாஸ்கர் சிறப்புரை ஆற்றிய காட்சி.

கரூர் புத்தக திருவிழா  –  2022 - 7ஆம் நாள் நிகழ்ச்சியில் சிந்தனை அரங்கத்தில் மகளிர் நல சிறப்பு திட்டங்கள் குறித்து “கரூரின் கண்மணிகள்” என்ற தலைப்பில் மரியாதைக்குரிய மாவட்ட ஆட்சித்தலைவர் த.பிரபுசங்கர் விளக்கவுரை மற்றும் பாரதி பாஸ்கர் “கதை கேளு ---   கதை கேளு---“  என்ற தலைப்பில் சிறப்புரை ஆற்றினார். கரூர் மாநகராட்சி திருமாநிலையூர் புதிய பேருந்து நிலையம் அமைவிடத்தில் அமைக்கப்பட்ட மாபெரும் புத்தக திருவிழாவின் 7 - ம் நாள் நிகழ்ச்சியில் மாவட்ட வருவாய் அலுவலர், காவேரி – வைகை – குண்டாறு இணைப்பு கால்வாய் திட்டம், ச.கவிதா தலைமை வகித்தார்கள். சிந்த சிஸ் ஹோம் டெக்ஸ்டைல்ஸ் பிரைவேட் லிட்., சுதாகர் பழனிச்சாமி முன்னிலை வகித்தார்கள்.

மாண்புமிகு தமிழ்நாடு முதலமைச்சர் ஆணைக்கிணங்க, கரூர் மாவட்டத்தில் மாவட்ட நிர்வாகம், தென்னிந்திய புத்தக விற்பனையாளர் மற்றும் பதிப்பாளர் சங்கம், நூலகம் மற்றும் வாசகர் வட்டம் இணைந்து மாபெரும் புத்தக திருவிழா - 2022  (19.08.2022  முதல்  29.08..2022  வரை )  நடைபெறுகிறது. இந்த புத்தக திருவிழாவினை மாண்புமிகு மின்சாரம், மதுவிலக்கு மற்றும் ஆயத்தீர்வைத்துறை அமைச்சர் V.செந்தில்பாலாஜி (19.08.2022) அன்று திறந்து வைத்து பார்வையிட்டார்கள். அதன் தொடர்ச்சியாக ஏழாம் நாள் நிகழ்ச்சியாக மகளிர் நல சிறப்பு திட்டங்கள் குறித்து “கரூரின் கண்மணிகள்” என்ற தலைப்பில் மரியாதைக்குரிய மாவட்ட ஆட்சித்தலைவர் த.பிரபுசங்கர் விளக்கவுரை ஆற்றினார்கள், “கதை கேளு …கதை கேளு” என்ற தலைப்பில் பாரதி பாஸ்கர் சிறப்புரை ஆற்றினார்கள். கரூர் மாவட்டத்தில் உள்ள அரசு பள்ளியில் பயிலக்கூடிய மாணவர்களில் சிறப்பான சாதனைகளை படைத்த மாணவ, மாணவியருக்கு சிறப்பு பரிசு வழங்கி அவர்களை உற்சாகப்படுத்த ஒரு முயற்சி முன்னெடுக்கப்பட்டுள்ளது.

அதில் இன்றைய நம்முடைய சிறப்பு விருந்தினர் பாரதி பாஸ்கர் மாணவ, மாணவியர்களுக்கு பரிசுகள் வழங்கினார்கள். முன்னதாக புத்தக அரங்கில் அமைக்கப்பட்டுள்ள புத்தக அரங்குகளில் குழந்தைகளுக்கான நூல்கள், இலக்கியம், போட்டித்தேர்வுகள், வரலாறு, முற்போக்கு சிந்தனையாளர்களின் நூல்கள், ஆன்மீகம், ஜோதிடம், சமயம் சார்ந்த நூல்கள், மருத்துவம், விளையாட்டு, அரசியல் போன்ற நூல்கள் இடம்பெற்று இருக்கின்றன. தொல்லியல் அருங்காட்சியகம், குறும்பட திரையரங்கம், கோளரங்கம், கலை நிகழ்ச்சிகள் ஆகியவற்றை அதிக அளவிலான மாணவ, மாணவிகள், பொதுமக்கள் பார்வையிட்டார்கள். மேலும்,  நாள்தோறும் மாலை 4 மணி முதல் 6 மணிவரை பள்ளி மாணவ, மாணவியர்களின் கலைநிகழ்ச்சிகள் நடைபெறுகிறது. அந்தவகையில் அரசு மகளிர்  மேல்நிலைப்பள்ளி - குளித்தலை,  பி.ஏ.வித்யா பவன்  மேல்நிலைப்பள்ளி, காக்காவாடி  மாணவ, மாணவியர்களின் கலைநிகழ்ச்சிகள் மற்றும் கலைக்கூத்தாடிகளின் கலை நிகழ்ச்சிகள் நடைபெற்றன.முன்னதாக செய்தி மக்கள் தொடர்பு அலுவலர்  பெ.சா.கருப்பணராஜவேல் வரவேற்றும், நிறைவாக மாவட்ட நூலக அலுவலர் இரா.சரவணக்குமார்  நன்றி  தெரிவித்து   பேசினார்கள். 

இந்நிகழ்ச்சியில் மாவட்ட வருவாய் அலுவலர் எம்லியாகத், சமுக பாதுகாப்புத்திட்ட  தனித்துணை  ஆட்சியர் சைபுதீன், வருவாய் கோட்டாட்சியர்கள் ரூபினா (கரூர்), க.புஷ்பாதேவி(குளித்தலை), மாவட்ட வழங்கல் வலுவலர் தட்சிணாமூர்த்தி, மாமன்ற உறுப்பினர் வசுமதி,  மாவட்ட புத்தகக் கண்காட்சி குழுவினர் தீபம் சங்கர், சிவக்குமார், தங்கராஜ் மற்றும் அரசு அலுவலர்கள் உட்பட பலர் கலந்து கொண்டனர்.