Ration Card : உடனே ரேஷன் கார்டு.! ஆன்லைனில் விண்ணப்பிக்கலாம்- எப்படி தெரியுமா.? இதோ ஸ்டெப் பை ஸ்டெப் வழிமுறை

Ration Card : ரேஷன் கார்டு முக்கிய அடையாள ஆவணமாக உள்ளது. இந்த நிலையில் ரேஷன் கார்டுக்காக விண்ணப்பித்தவர்களுக்கு உடனடியாக ஆவணங்கள் சரிபார்க்கப்பட்டு புதிய ரேஷன்கார்டுகள் வழங்கப்பட்டு வருகிறது. எனவே ஆன்லைனில் ரேஷன் கார்டுக்கு விண்ணப்பிப்பது எப்படி என்பதை தற்போது பார்க்கலாம். .

How to apply for a ration card Online

Source : ai

ரேஷன் அட்டையும்- அரசின் திட்டங்களும்

தமிழகத்தில் ரேஷன் கார்டு உணவுப்பொருட்கள் வாங்குவதற்கான அட்டையாக மட்டுமில்லாமல் அடையாள ஆவணமாகவும் ரேஷன் கார்டு உள்ளது. அந்த வகையில், தமிழகம் முழுவதும் சுமார் 2 கோடிக்கும் மேலான குடும்ப அட்டைகள் உள்ளது. இந்த அட்டைகளுக்கு அரிசி, பருப்பு, சக்கரை,கோதுமை உள்ளிட்ட உணவுப்பொருட்கள் மானிய விலையிலும், இலவசமாகவும் வழங்கப்பட்டு வருகிறது. இந்த நிலையில் ரேஷன் அட்டை இருந்தால் மட்டுமே பொங்கல் பரிசு தொகுப்பு, இயற்கை பேரிடரின் போது இழப்பீடும் வழங்கப்படும். அதே நேரம் அரசின் சார்பில் வழங்கப்படும் மகளிர் உரிமை தொகையான ஆயிரம் ரூபாய் பெறுவதற்கும் ரேஷன் அட்டை முக்கிய அடையாள ஆவணமாக உள்ளது.

காத்திருக்கும் 5 லட்சம் பேர்

எனவே ரேஷன் அட்டை வாங்குதற்காக பல லட்சம் பேர் விண்ணிப்பித்து காத்துள்ளனர். கடந்த டிசம்பர் மாதம் முதல் சுமார் 5 லட்சத்திற்கும் மேற்பட்டவர்கள் புதிய ரேஷன் அட்டை கேட்டு விண்ணப்பித்து காத்துள்ளன்னர். சட்டமன்ற தேர்தல் பணிகள் நடைபெற்றதால் புதிய ரேஷன் கார்டு அச்சிடும் பணியும், வழங்கும் பணியும் நிறுத்தப்பட்டது. தற்போது புதிதாக பொறுப்பேற்ற தவெக அரசு ரேஷன் வழங்கும் பணியை தீவிரப்படுத்தியுள்ளது. அந்த வகையில் முதற்கட்டமாக 73 ஆயிரம் பேருக்கு ரேஷன் அட்டைகள் வழங்கப்பட்டுள்ளது. மீதமுள்ளவர்களின் ஆவணங்கள் சரிபார்க்கப்பட்டு வருகிறது. விரைவில் அவர்களுக்கும் ரேஷன் அட்டையானது வழங்கப்படவுள்ளது.

ஆன்லைனில் ரேஷன் கார்டுக்கு விண்ணப்பம்

இந்த நிலையில், புதிதாக விண்ணப்பிப்பவர்களுக்கும் உடனடியாக ரேஷன் கார்டுகளை வழங்க தமிழக அரசு உத்தரவிட்டுள்ளது. எனவே ஆன்லைனில் விண்ணப்பிக்கப்பட்டவர்களின் உண்மை நிலை கண்டறித்து உடனே ரேஷன் கார்டுகள் வழங்கப்படுகிறது. எனவே ஆன்லைனில் ரேஷன் கார்டுக்காக ஈசியாக விண்ணப்பிக்கலாம். அந்த வழிமுறையை தற்போது பார்க்கலாம். அந்த வகையில் TNPDS தளத்தில் “புதிய மின்னணு அட்டை விண்ணப்பிக்க” மற்றும் விண்ணப்பத்தின் நிலையைப் பார்க்கும் வசதிகள் உள்ளன.

ஆன்லைனில் ரேஷன் கார்டு விண்ணப்பிப்பது எப்படி?

Step-1
TNPDS அதிகாரப்பூர்வ இணையதளத்திற்குச் செல்லுங்கள்.

Step- 2

இணையதளத்தில் முகப்புப் பக்கத்தில் “மின்னணு அட்டை சேவைகள்” என்ற பகுதியை கிளிக் செய்யவும்

 Step-3
அதில் “புதிய மின்னணு அட்டை விண்ணப்பிக்க” என்பதைத் தேர்வு செய்யவும்.

Step- 4
குடும்பத் தலைவரின் விவரங்கள், முகவரி, குடும்ப உறுப்பினர்களின் விவரங்கள், தொடர்பு எண் உள்ளிட்ட கேட்கப்படும் தகவல்களைச் சரியாக உள்ளிடவும்.

Step- 5
கேட்கப்படும் ஆதார ஆவணங்களைப் பதிவேற்றவும். பெயர், முகவரி உள்ளிட்ட விவரங்கள் ஆவணங்களில் இருப்பதுடன் பொருந்துகிறதா என்பதைச் சரிபார்க்கவும்.

Step- 6
விண்ணப்பத்தைச் சமர்ப்பிப்பதற்கு முன் அனைத்து தகவல்களையும் ஒருமுறை சரிபார்க்கவும்.

Step- 7
விண்ணப்பத்தை Submit செய்த பிறகு கிடைக்கும் விண்ணப்ப எண் அல்லது Reference Number-ஐ screenshot அல்லது குறிப்பாக சேமித்து வைத்துக்கொள்ளுங்கள்.

ரேஷன் கார்டு விண்ணப்பத்தின் நிலையை எப்படி சரி பார்ப்பது?

TNPDS இணையதளத்திற்குச் சென்று “மின்னணு அட்டை விண்ணப்பத்தின் நிலை” என்ற வசதியைத் கிளிக் செய்து, கேட்கப்படும் Reference Number பதிவிட்டு விண்ணப்ப விவரங்களை பதிவு செய்து நிலையைப் பார்க்கலாம்.