Watch Video: வித்தியாசமாக பிறந்தநாள் வாழ்த்து சொன்ன பேரன்: நெகிழ்ந்து வீடியோ வெளியிட்ட ஜெயக்குமார்

முன்னாள் அமைச்சர் ஜெயக்குமாரின் பேரன் வித்தியாசமான முறையில் அவரது பிறந்தநாளுக்கு வாழ்த்து தெரிவித்துள்ளார். 

முன்னாள் அமைச்சர் ஜெயக்குமார்

ஜெயக்குமார் இந்திய அரசியல்வாதியும், தமிழகத்தின் முன்னாள் அமைச்சரும் ஆவார். இவர் கடந்த 2016 ஆம் ஆண்டு நடந்த சட்டமன்றத் தேர்தலில், அதிமுக சார்பில் இராயபுரம் தொகுதியில் போட்டியிட்டு, தமிழ்நாடு சட்டமன்றத்திற்குத் தேர்ந்தெடுக்கப்பட்டார்.

அதிமுக கட்சியின் முக்கிய தலைவராகவும் இருந்து வருகிறார். இரட்டை தலைமை என்ற பிரச்சனை பூதாகரமாக வெடித்தபோது முன்னாள் முதலமைச்சர் ஈபிஎஸ் ஆதரவாக இருந்து வருகிறார். ஜெயக்குமார் என்றாலே நேருக்கு நேர் தான் கொண்ட கருத்துகளை பேசக்கூடியவர். அரசியல் களமே மீடியோக்கு பேட்டி கொடுக்க பயந்து ஒதுங்கினாலும் தங்கள் ஆட்சி காலத்திலோ அல்லது எதிர்க்கட்சியாக இருக்கும்போதோ துணிந்து பேட்டி கொடுப்பார். 

கடந்த அதிமுகவின் ஆட்சி காலத்தில் மீன்வளத்துறை அமைச்சராக இருந்தவர். இன்றளவு இவர் தொகுதியான ராயபுரத்தில் இவருக்கு பெரிய அளவில் செல்வாக்கு இருந்து வருகிறது. கடந்த 1960 ம் ஆண்டு செப்டம்பர் 18 ம் தேதி பிறந்த முன்னாள் அமைச்சர் ஜெயக்குமார் இன்று தனது 62 வது பிறந்தநாளை கொண்டாடி வருகிறார். 

புரட்சித்தலைவர் #எம்ஜிஆர், புரட்சித்தலைவி #அம்மா, மற்றும் #எடப்பாடியார் அவர்களின் வாழ்த்துக்களுடன், இன்று #பிறந்தநாள் காணும் அண்ணன் #DJ அவர்களுக்கு எனது பிறந்தநாள் வாழ்த்துக்கள்.💐💐💐#B_Nagarajan
TRICHY Junction IT-WING (JS) pic.twitter.com/UbdWx8SMV3

— ((((((NaGaRaJan. B)))))) (@NAGARAJ19322154) September 18, 2022

 

இந்த நிலையில், முன்னாள் அமைச்சர் ஜெயக்குமாரின் பிறந்தநாளுக்கு அதிமுக தொண்டர்கள் முதல் அனைத்து கட்சி தலைவர்கள் வாழ்த்து தெரிவித்து வரும் நிலையில், இவரின் பேரன் வித்தியாசமான முறையில் பிறந்தநாளுக்கு வாழ்த்து தெரிவித்துள்ளார். 

எத்தனையோ விதமான பிறந்தநாள் வாழ்த்துகள் என்னுடைய இத்தனை ஆண்டுகளில் வந்துள்ளது. அவற்றில் இது கூடுதல் ஸ்பெஷல்... என்னுடைய பேரனின் விரல்களின் வழியே எனக்கு இசைவாழ்த்து... pic.twitter.com/tFAikRYHxo

— DJayakumar (@offiofDJ) September 18, 2022

அதை முன்னாள் அமைச்சர் தனது ட்விட்டர் பக்கத்தில் வீடியோவாக பதிவிட்டுள்ளார். இதுகுறித்து அவர் வெளியிட்ட பதிவில், “எத்தனையோ விதமான பிறந்தநாள் வாழ்த்துகள் என்னுடைய இத்தனை ஆண்டுகளில் வந்துள்ளது. அவற்றில் இது கூடுதல் ஸ்பெஷல்... என்னுடைய பேரனின் விரல்களின் வழியே எனக்கு இசைவாழ்த்து...” என்று பதிவிட்டுள்ளார்.