TANGEDCO: உங்க வீட்டில் மின்சார பிரச்னையா? ஏரியாவே இருளில் மூழ்குகிறதா? இதை செய்யுங்க - அரசு அறிவிப்பு
TANGEDCO: மின்சார பிரச்னைகளுக்கு தீர்வு காணும் விதமாக சென்னை உட்பட தமிழ்நாடு முழுவதும் இன்று, மின்சார வாரியம் சார்பில் சிறப்பு முகாம் நடத்தப்படுகிறது.
TANGEDCO: மின்சார பிரச்னைகளுக்கு தீர்வு காணும் சிறப்பு முகாம், காலை 11 மணிக்கு தொடங்கி மாலை 5 மணி வரை நடைபெற உள்ளது.
மின்சார வாரிய சிறப்பு முகாம்:
தமிழ்நாடு மின்சார வாரியம் தொடர்பான புகார்களை நிவர்த்தி செய்யும் பொருட்டு இன்று காலை 11.00 மணி முதல் மாலை 05.00 மணி வரை தமிழகத்தில் உள்ள அனைத்து மின்வாரிய செயற்பொறியாளர்கள்/இ&ப (Executive Engineer/O&M Office) அலுவலங்களிலும் ஒருநாள் சிறப்பு முகாம் நடத்த ஏற்பாடு செய்யப்பட்டுள்ளது. இதில் பங்கேற்று, பொதுமக்கள் தங்கள் பிரச்னைகளை முன்வைத்து தீர்வு காண கோரிக்கை விடுக்கப்படுகிறது.
என்ன பிரச்னைகளுக்கு தீர்வு?
இந்த முகாம் மூலம், மின் கட்டண புகார், மின் மீட்டர் பழுது, குறைந்த மின்னழுத்தம், சேதமடைந்த மின்கம்பங்களை மாற்றுதல் மற்றும் அனைத்து மின்சாரம் தொடர்பான புகார்களையும் தெரிவித்து தீர்வு காணலாம். உங்களின் வீட்டில் உள்ள மின்சார பிரச்னைகள் தொடங்கி, உங்கள் பகுதியில் உள்ள மின்சார பிரச்னைகள் குறித்து புகாரளித்து தீர்வு காணலாம்.
சென்னை மக்களுக்கான முகாம்:
இந்த முகாமில் சென்னை மண்டலத்திற்குட்பட்ட மின் நுகர்வோர்கள் மற்றும் பொதுமக்கள் கீழ்கண்ட முகவரியில் உள்ள செயற்பொறியாளர்கள் அலுவலகத்தை அணுகி பயனடையுமாறு கேட்டுக்கொள்ளப்படுகிறார்கள்.
- மயிலாப்பூர் கோட்டம் : 110 கி.வோ. வள்ளுவர் கோட்டம் துணைமின் நிலைய வளாகம். எண்.97. எம்ஜி.ஆர். சாலை, (கோடம்பாக்கம் உயர் சாலை), சென்னை 34.
- எழும்பூர் கோட்டம் : எண்.53.1-வது தளம். 33 கி.வோ. எழும்பூர் துணைமின் நிலைய வளாகம், ஈ.வி.கே. சம்பத் சாலை, வேப்பேரி. பெரியமேட், சென்னை -07
- அண்ணா சாலை கோட்டம் : எண். 6. லபாண்ட் ரோடு, சிந்தாதிரிபேட்டை சென்னை - 2, தி.நகர் கோட்டம்: 33/11 கி.வோ. மாம்பலம் துணைமின் நிலைய வளாகம், எண்.41, தணிகாசலம் ரோடு, தி.நகர், சென்னை - 17
- பெரம்பூர் கோட்டம் : 110 கி.வோ. செம்பியம் துணைமின் நிலைய வளாகம், ஈ.பி. சாலை, (சிம்ப்சன் எதிரில்), சென்னை 11
- தண்டையார்பேட்டை கோட்டம் : எண்.805. டி.எச். ரோடு (மணிக்கூண்டு எதிரில்). தண்டையார்பேட்டை, சென்னை - 21
- வியாசர்பாடி கோட்டம்: 33 கி.வோ. வியாசர்பாடி தொழிற்பேட்டை துணைமின் நிலைய வளாகம். எருக்கஞ்சேரி நெடுஞ்சாலை, வியாசர்பாடி, சென்னை 39.
- பொன்னேரி கோட்டம் : 33 கிலோ துணைமின் நிலைய வளாகம், டி.எச். சாலை, வெண்பாக்கம், பொன்னேரி 601204
- அம்பத்தூர் கோட்டம் : 110 கி.வோ. 3வது பிரதான சாலை துணைமின் நிலைய வளாகம், அம்பத்தூர் எஸ்டேட் சென்னை 58
- ஆவடி கோட்டம்: 1வது தளம், எண்.229. என்.எம்.ஆைாடி சென்னை 54
- அண்ணா நகர் கோட்டம்: எண் 1100. எச் பிளாக், 5வது தெரு, 11வது பிரதான சாலை, அண்ணாநகர். சென்னை - 40
- கிண்டி கோட்டம் : எண்.1, அண்ணா பிரதான சாலை, (110 கி.வோ. கே.கே.நகர் எஸ்எஸ் வளாகம்), கே.கே.நகர், சென்னை -78
- போரூர் கோட்டம் : 110 கி.வோ.எஸ்.ஆர்.எம்.சி. துணைமின் நிலைய வளாகம், செட்டியார் அகரம் சாலை, போரூர். சென்னை 11
- கே.கே.நகர் கோட்டம் : எண்.1, அண்ணா மெயின் ரோடு. (110 கி.வோ. துணைமின் நிலைய வளாகம், கே.கே. நகர், சென்னை 78
- அடையாறு கோட்டம் : 110 கி.வோ. துணைமின் நிலைய வளாகம், (தரை தளம்), வேளச்சேரி மெயின் ரோடு, வேளச்சேரி சென்னை - 42
- தாம்பரம் கோட்டம் : 110 கி.வோ. புதுத்தாங்கல் துணைமின் நிலைய வளாகம் முல்லை நகர், தாம்பரம் மேற்கு, சென்னை 45
- சோழிங்கநல்லூர் கோட்டம்: 110 கி.வோ. துணை மின் நிலைய வளாகம், குளோபல் மருத்துவமனை அருகில், சேரன் நகர், பெரும்பாக்கம், சென்னை -100
- பல்லாவரம் கோட்டம் : 110 கி.வோ. துணைமின் நிலைய வளாகம், ஆபிசர்ஸ் லேன், பல்லாவரம், சென்னை 43
- ஐ.டி.காரிடார் கோட்டம் : 110 கி.வோ. டைடல் பார்க் துணைமின் நிலைய வளாகம், சி.எஸ்.ஐ.ஆர். சாலை, தரமணி, சென்னை-113.
தலைப்பு செய்திகள்
ட்ரெண்டிங் செய்திகள்
