School Leave: தொடர் மழை..! செங்கல்பட்டில் பள்ளிகள், கல்லூரிகளுக்கு அரைநாள் விடுமுறை..!

தொடர்மழை காராணமாக தமிழ்நாட்டில் பல்வேறு மாவட்டங்களில் பள்ளிகளுக்கும், கல்லூரிகளுக்கும் விடுமுறை அளிக்கப்பட்டுள்ளது.

கோப்பு புகைப்படம்

தொடர்மழை காரணமாக தமிழ்நாட்டில் பல்வேறு மாவட்டங்களில் பள்ளிகளுக்கு விடுமுறை அளிக்கப்பட்டுள்ளது.

மாண்டஸ் புயல் கரையைக் கடந்த பின்னரும் தமிழ்நாட்டில் தொடர்ந்து மழை பரவலாக பெய்து வருகிறது. இதனால், இன்று ஒருநாள் மட்டும், காஞ்சிபுரம் தாலுகாவில் உள்ள பள்ளிகளுக்கு மட்டும் விடுமுறை அளிக்கப்பட்டுள்ளது. அதேபோல் திருவள்ளூர், ஊத்துக்கோட்டை பள்ளிகளுக்கும் விடுமுறை அளிக்கப்படுவதாக மாவட்ட ஆட்சியர் தெரிவித்துள்ளார். 

அதேபோல் விழுப்புரம் மாவட்டத்தில் உள்ள பள்ளிகளுக்கு மட்டும் விடுமுறை அளிக்கப்படுவதாக மாவட்ட நிர்வாகம் தெரிவித்துள்ளது. மேலும், அரக்கோணம், நெமிலி தாலுகாவிற்கு உட்பட்ட பள்ளிகளுக்கு மட்டும் இன்று விடுமுறை அளிக்கப்படுவதாக மாவட்ட நிர்வாகம் தெரிவித்துள்ளது.  மேலும் செங்கல்பட்டில் உள்ள அனைத்து பள்ளிகளுக்கும், கல்லூரிகளுக்கும் இன்று அரை நாள் விடுமுறை அளிக்க உத்தரவு பிறப்பிக்கப்பட்டுள்ளது. மேலும் மாணவர்கள் பாதுகாப்பாக வீடு திரும்ப போதிய பாதுகாப்பு ஏற்பாடுகளும் செய்ய அறிவுறுத்தப்பட்டுள்ளது.