The Kerala Story issue:வலுக்கும் கேரளா ஸ்டோரி சர்ச்சை.. 32,000 எப்படி 3-ஆக மாறியது? பல்டி அடித்த படக்குழு

“பிரச்சனை பெரிதாகிறது, திரைப்படத் தயாரிப்பாளர்கள் படத்தின் விளக்கத்தை யூடியூப்பில் புதுப்பித்து, '32,000 பெண்கள்' என்பதை '3 பெண்கள்' என்று மாற்றியுள்ளனர்... நான் என் வழக்கை நிறுத்துகிறேன்,"

தி கேரளா ஸ்டோரி

தி கேரளா ஸ்டோரி திரைப்படத்தின் டிரெய்லரில் 32,000க்கும் மேற்பட்ட கேரளப் பெண்களை இஸ்லாமிய மதத்திற்கு மாற்றியதாக இருந்த காட்சிகள் குறித்த சர்ச்சைகள் எழுந்து வந்த நிலையில், அதனை தற்போது 3 பெண்கள் என மாற்றியுள்ளனர்.

உண்மைக்கதை என்ற படக்குழு

இஸ்லாமிய அடிப்படைவாதிகளின் கதைகளை அடிப்படையாக வைத்து ட்ரெய்லர் எடுக்கப்பட்டதாக முதலில் ட்ரெய்லர் கூறினாலும், யூடியூப்பில் உள்ள டிரெய்லர் விளக்கத்தின் திருத்தப்பட்ட பதிப்பு, படம் “உண்மைக் கதைகளை அடிப்படையாகக் கொண்டது” என்று கூறுகிறது. கேரளாவின் வெவ்வேறு பகுதிகளில் இருந்து மூன்று இளம் பெண்கள் மதமாற்றம் செய்யப்படுவதை குறித்து பேசுவதாக தற்போது மாற்றப்பட்டுள்ளது. 

. The plot thickens. The filmmakers have updated the movie's description on YouTube and changed '32,000 women' to '3 women'. Earlier, they said the movie is about the "heartbreaking and gut-wrenching stories of 32,000 females in Kerala". Now it says: "The Kerala Story is a…

— Shashi Tharoor (@ShashiTharoor) May 2, 2023

சசி தரூர் ட்வீட்

திரைப்படம் மற்றும் அதன் திரைப்பட தயாரிப்பாளர்களான இயக்குனர் சுதிப்தோ சென் மற்றும் 'கிரியேட்டிவ் டைரக்டர்' மற்றும் தயாரிப்பாளரான விபுல் அம்ருத்லால் ஷா ஆகியோரால் கூறப்படும் பொய்கள் குறித்து எம்.பி. சசி தரூர் மற்றும் பலர் கேள்விகளை எழுப்பியதை அடுத்து இந்த மாற்றம் வந்துள்ளது. இந்த மாற்றத்திற்கு பதிலளித்த தரூர், ட்விட்டரில், “பிரச்சனை பெரிதாகிறது, திரைப்படத் தயாரிப்பாளர்கள் படத்தின் விளக்கத்தை யூடியூப்பில் புதுப்பித்து, '32,000 பெண்கள்' என்பதை '3 பெண்கள்' என்று மாற்றியுள்ளனர்.. மற்றவற்றை நீங்களே பார்த்துக்கொள்ளுங்கள்," என்று எழுதியுள்ளார்.

கேரளாவில் இருந்து எதிர்ப்புகள்

முன்னதாக, "கேரளாவில் உள்ள 32,000 பெண்களின் உள்ளத்தை உடைக்கும் கதைகளை" அடிப்படையாகக் கொண்ட படம் என்ற கூற்றுக்கள் குறித்து தரூர் கேள்வி எழுப்பியிருந்தார். இந்தப் படம் ஒரு அரசியல் சர்ச்சையையும் உருவாக்கியது, கேரள காங்கிரஸ் தலைவர் எம்.எம்.ஹாசன், மத நல்லிணக்கத்தை உருவாக்கலாம் என்ற அடிப்படையில் திரைப்படத்தை தடை செய்ய வேண்டும் என்று கோரிக்கை விடுத்தார். சினிமா தயாரிப்பாளர்கள் கருத்து சுதந்திரம் என்ற பெயரில் சங்பரிவார் கருத்துக்களை பிரசாரம் செய்வதாக முதல்வர் பினராயி விஜயன் குற்றம்சாட்டினார்.

மாற்றிப்பேசும் படக்குழு

இந்தத் திரைப்படம் ஆயிரக்கணக்கான காணாமல்போன பெண்களின் பிரச்சனையை அடிப்படையாகக் கொண்டது என்று ஆரம்பத்தில் கூறிய பிறகு, இந்த வார தொடக்கத்தில் திரைப்பட தயாரிப்பாளர்கள் புள்ளிவிவரங்கள் முக்கியம் அல்ல என்று பதில் அளித்தனர். ANI உடனான ஒரு உரையாடலில், 100 பெண்களுக்கு மட்டுமே நிலைமை மோசமாக இருக்குமா என்று கேட்டனர். நேற்று மாலை, புது தில்லியில் உள்ள ஜவஹர்லால் நேரு பல்கலைக்கழகத்தில் நடைபெற்ற இப்படத்தின் திரையிடலில் கலந்து கொண்ட சென், இது ‘மூன்று பெண்கள்’ கதையை அடிப்படையாகக் கொண்டது என்று கூறினார். இந்தத் திரையிடலுக்கு ஒரு குறிப்பிட்ட பிரிவு மாணவர்களின் எதிர்ப்பு தெரிவித்தது குறிப்பிடத்தக்கது.