Ramadoss Election Plan: கதவை மூடிய திமுக.! 30 தொகுதிகளில் போட்டி போட ராமதாஸ் போடும் அடுத்த பிளான்- என்ன தெரியுமா.?

Ramadoss Election Plan: இரட்டை இலக்கத்தில் தொகுதிகளை கேட்டு திமுகவிடம் ராமதாஸ் தரப்பு பேச்சுவார்த்தை நடத்தி வந்த நிலையில், வாய்ப்பு இல்லையென திமுக தெரிவித்துவிட்டதாக தகவல் வெளியாகியுள்ளது. இதனையடுத்து 30 தொகுதிகளில் களம் இறங்க ராமதாஸ் தரப்பு திட்டமிட்டுள்ளது.

ramadoss election plan

தேர்தல் கூட்டணி- தொடரும் இழுபறி

தமிழக சட்டமன்ற தேர்தலுக்கு இன்னும் இரண்டு மாதங்கள் மட்டுமே உள்ள நிலையில், தேர்தலுக்கான கூட்டணியை திமுக, அதிமுக, தவெக தீவிரப்படுத்தியுள்ளது. அந்த வகையில், திமுக கூட்டணியில் காங்கிரஸ், விடுதலை சிறுத்தைகள், மதிமுக, கம்யூனிஸ்ட் உள்ளிட்ட பல கட்சிகள் இடம்பெற்றுள்ளது. அதிமுக கூட்டணியில் பாஜக, அன்புமணி தலைமையிலான பாமக, அமமுக, தமாகா உள்ளிட்ட கட்சிகள் இடம்பெற்றுள்ளது. இந்த நிலையில் கூட்டணி தொடர்பாக தேமுதிக இரண்டு தரப்பிலும் பேசிவருகிறது. ஆனால் இரட்டை இலக்கத்தில் தொகுதிகளை கேட்பதால் திமுக மற்றும் அதிமுக கை விரித்து விட்டது. 

இரட்டை இலக்கத்தில் தொகுதிகளை கேட்கும் ராமதாஸ்

அடுத்தாக பாமக இரண்டாக பிரிந்துள்ள நிலையில், அன்புமணி தலைமையிலான அணி அதிமுக கூட்டணியில் ஏற்கனவே இடம்பெற்றுள்ளது. அந்த கட்சிக்கு 15 தொகுதிகள் ஒதுக்க அதிமுக ஒத்துக்கொண்டுள்ளதாக தகவல் வெளியாகியுள்ளது. அதே நேரம் அன்புமணிக்கு எதிராக களம் இறங்கியுள்ள ராமதாஸ், திமுக கூட்டணியில் இணைய ஜெகத்ரட்சகன் மூலமாக பேச்சுவார்த்தை நடத்தி வந்தார். இதில் அன்புமணிக்கு போட்டியாக 15 இடங்களை ஒதுக்க வேண்டும் என ராமதாஸ் தரப்பில் கேட்டகப்பட்டது. ஆனால் அதிகபட்சமாக 4 முதல் 5 தொகுதிகளை மட்டுமே தரமுடியும் என திமுக தெரிவித்துவிட்டது. இதனால் திமுகவின் கூட்டணி கதவு மூடியதையடுத்து கடந்த சில மாதங்களாக திமுகவிற்கு ஆதரவான நிலைப்பாட்டை எடுத்திருந்த ராமதாஸ்,

 தவெகவிடம் கூட்டணி பேச்சுவார்த்தை

திடீரென திமுக அரசுக்கு எதிராக நேற்று அறிக்கையை வெளியிட்டார். இந்த நிலையில் ராமதாஸ் முன்பு அடுத்ததாக இரண்டு வாய்ப்புகள் உள்ளது. அதில் வட மாவட்டங்களில் செல்வாக்குள்ள தொகுதிகளில் போட்டியிடுவது. அல்லது தவெக கூட்டணியில் இணைந்து குறைந்தது 25 முதல் 30 தொகுதிகளில் களத்தில் இறங்குவதாகும். அந்த வகையில் ராமதாஸ் தரப்பு தவெக தரப்போடு பேச்சுவார்த்தையும் தொடங்கியுள்ளதாகவும் தகவல் வெளியாகியுள்ளது. இதனை தவெக மூத்த நிர்வாகி செங்கோட்டையனும் உறுதி செய்துள்ளார். கோவையில் செய்தியாளர்களிடம் பேசிய அவர், ராமதாஸ் உடன் பேச்சுவார்த்தை நடப்பதாக தகவல் தற்போது தான் வந்துள்ளது. நல்லது நடக்கும் என கூறியுள்ளார்.