Rajya Sabha Election: ராஜ்யசபா எம்.பி. பதவிக்கான தி.மு.க. வேட்பாளர்கள் அறிவிப்பு - காங்கிரசுக்கு ஒரு இடம் ஒதுக்கீடு
மாநிலங்களவை உறுப்பினர்கள் பதவிக்கான தி.மு.க. வேட்பாளர்கள் 3 பேரை கட்சித் தலைமை அறிவித்துள்ளது.
நாடாளுமன்றத்தின் மாநிலங்களவை உறுப்பினர்கள் பலருடைய பதவிக்காலம் விரைவில் நிறைவு பெற உள்ளது. தமிழ்நாட்டில் உள்ள 6 ராஜ்யசபா மாநிலங்களவை உறுப்பினர்கள் காலியிடங்கள் ஆகிறது. தமிழ்நாட்டில் காலியாகியுள்ள 6 இடங்களில் 4 இடங்கள் தி.மு.க. கூட்டணிக்கு ஒதுக்கீடு செய்யப்பட்டுள்ளது.
இதன்படி, தி.மு.க. கூட்டணி 4 இடங்களில் 3 இடங்களில் போட்டியிடுகிறது. ஒரு இடத்தை கூட்டணி கட்சியான காங்கிரசுக்கு ஒதுக்கீடு செய்துள்ளது. இதன்படி, வரும் ஜூன் 10-ந் தேதி நடைபெற உள்ள ராஜ்யசபா என்று அழைக்கப்படும் மாநிலங்களவை உறுப்பினர் பதவிக்கு தி.மு.க.வின் வேட்பாளர்களாக தஞ்சை கல்யாணசுந்தரம், கே.ஆர்.என்.ராஜேஷ்குமார், இரா.கிரிராஜன் ஆகியோர் அறிவிக்கப்பட்டுள்ளனர்.
காங்கிரஸ் கட்சியின் வேட்பாளராக முன்னாள் மத்திய அமைச்சர் ப.சிதம்பரம் அல்லது தமிழக காங்கிரஸ் தலைவர் கே.எஸ். அழகிரி ஆகியோரில் ஒருவர் போட்டியிடுவார்கள் என்று எதிர்பார்க்கப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
