சென்னை தனியார் மருத்துவமனையில் விஜயகாந்த் அனுமதி: தேமுதிக
தேமுதிக தலைவர் விஜயகாந்த் மருத்துவமனையில் அனுமதிக்கப்பட்டிருக்கிறார். சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.
தேமுதிக எனப்படுகிற தேசிய முற்போற்கு திராவிட கழகத்தின் நிறுவனர் மற்றும் தலைவர் மற்றும், முன்னாள் சட்டமன்ற எதிர்கட்சித் தலைவர் விஜயகாந்த் அவர்கள் சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். இது குறித்து தேமுதிக சார்பில், வழக்கமான பரிசோதனைக்காகத் தான் தேசிய முற்போற்கு திராவிட கழகத் தலைவர் விஜயகாந்த் மருத்துவமனையில் அனுமதிக்கப்பட்டுள்ளார். ஓரிரு நாளில் பரிசோதனைகள் முடிந்து வீடு திரும்புவார் எனத் தெரிவிக்கப்பட்டுள்ளது.
தேசிய முற்போற்கு திராவிட கழகத் தலைவர் விஜயகாந்தின் உடல்நலம் பாதிக்கப்பட்டுள்ளதால் நிகழ்ச்சிகளில் பங்கேற்பதை கடந்த சில ஆண்டுகளாகத் தவிர்த்து வருகிறார். தனது குடும்பத்தினருடன் விஜயகாந்த் இருக்கும் புகைப்படங்கள் மட்டுமே சமூக வலைதளத்தில் பதிவிடப்பட்டு வருகிறது. கட்சி தொடர்பான பணிகளிலும் அவர் பெரிதாக ஈடுபடுவதில்லை. குடும்பத்தினரே அதை கவனித்து வருகின்றனர்.
.
இந்நிலையில், தேசிய முற்போற்கு திராவிட கழகத் தலைவர் விஜயகாந்த் வழக்கமாக மேற்கொள்ளும் மருத்துவப் பரிசோதனைக்காக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார். சிகிச்சை மற்றும் பரிசோதனைகள் முடிந்து ஓரிரு நாட்களில் அவர் வீடு திரும்புவார் என்று தேமுதிக சார்பில் அறிவிக்கப்பட்டுள்ளது.
— Vijayakant (@iVijayakant) June 14, 2022
தேசிய முற்போற்கு திராவிட கழகத்தின் இந்த அறிவிப்பு கேப்டன் விஜயகாந்த் அவர்களின் ரசிகர்கள் மற்றும் தேசிய முற்போற்கு திராவிட கழகத் தொண்டர்களுக்கு நிம்மதியை அளித்துள்ளது. இருப்பினும் தலைவருக்கு அடிக்கடி உடல்நிலை சரியில்லாமல் போவது வருத்தத்தையும் தருகின்றது எனவும் தொண்டர்கள் மத்தியில் ஒரு கவலைப் பேச்சு சலசலக்கிறது.
தேமுதிக தலைவர் விஜயகாந்து கடந்த 2020ம் ஆண்டு வழக்கமான பரிசோதனைக்காக மருத்துவமனைக்கு சென்றார். அப்போது சில அறிகுறிகளை தொடர்ந்து கொரோனா பரிசோதனை எடுக்கப்பட்டது. அதில் அவருக்கு கொரோனா தொற்று இருப்பது உறுதி செய்யப்பட்டது.
இதைத்தொடர்ந்து 10 நாட்களாக மருத்துவமனையில் அனுமதிக்கப்பட்டு சிகிச்சைபெற்று வந்த நிலையில், அதன் பின் கொரோனாவிலிருந்து குணமாகி டிஸ்சார்ஜ் செய்யப்பட்டார். இந்நிலையில் விஜயகாந்திற்கு மீண்டும் பரிசோதனைகளுக்காக தனியார் மருத்துவமனையில் அனுமதிக்கப்பட்டுள்ளார்.
இயக்குனர் மில்டன் இயக்கத்தில் இசை அமைப்பாளார் விஜய் ஆண்டனி நடித்துள்ள இவனுக்கு மழை பிடிக்காது திரைப்படத்தில் நடிகர் மற்றும் தேமுதிக தலைவர் விஜயகாந்த் ஒரு சிறப்பு தோற்றத்தில் நடித்துள்ளதாக தகவல் பரவியது. இதனை சமீபத்திய போட்டியில் இயக்குனர் மில்டன் அவர்களும் உறுதிப்படுத்தினார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
