மதுரையில் விஜய் பிறந்தநாள் நலத்திட்ட உதவிகள்: தள்ளுமுள்ளு, மக்கள் ஏமாற்றம்!

விஜய் பிறந்தநாள் நலத்திட்ட உதவிகள் வழங்கும் விழாவில் பிளாஸ்டிக் பக்கெட்டுகளை வாங்க முயன்ற பொதுமக்களிடையே தள்ளுமுள்ளு.

விஜய் பிறந்தநாள் விழா

Source : whatsapp

நலத்திட்ட உதவி பைகளில் பாதி சுரக்காய் ஒரு உருளைக்கிழங்கு 2 முள்ளங்கிகள் மட்டுமே இருந்ததால் பையை பார்த்து அப்செட் ஆன பெண்கள்.

பைகளை வாங்கி பார்த்த பெண்கள் அப்செட் ஆகினர்

 

மதுரை மாவட்டம் தெற்கு சட்டமன்ற தொகுதிக்கு உட்பட்ட இஸ்மாயில் புரம் 12வது தெருப்பகுதியில் தமிழக வெற்றிக் கழகத்தின் சார்பில் தமிழக முதலமைச்சர் விஜய் பிறந்தநாளை முன்னிட்டு கில்லி மணி ஏற்பாட்டில் நலத்திட்ட உதவிகள் மற்றும் மாற்றுக் கட்சியினர் இணையும் நிகழ்ச்சி சட்டமன்ற உறுப்பினர் கோபிசன் தலைமையில் நடைபெற்றது. இந்த நிகழ்ச்சியில் எம்எல்ஏ கோபிசன் பேசி முடித்தவுடன் நலத்திட்ட உதவிகளை வாங்குவதற்காக பொதுமக்கள் ஒரே நேரத்தில் மேடையை முன்பாக குவிந்ததால் சிறிது நேரம் பரபரப்பு ஏற்பட்டது. பின்னர் நலத்திட்ட உதவிகள் என வழங்கப்பட்ட பைகளில் சிலருக்கு பாதி சுரக்காய் ஒரு உருளைக்கிழங்கு 2 முள்ளங்கிகள் மட்டுமே இருந்த நிலையில் பைகளை வாங்கி பார்த்த பெண்கள் அப்செட் ஆகினர்.

 

பிளாஸ்டிக் பக்கெட்டுகளை பொது மக்களுக்கு நலத்திட்ட உதவி

 

மேலும் சரக்கு வாகனத்தில் நிரப்பிவந்த பிளாஸ்டிக் பக்கெட்டுகளை பொது மக்களுக்கு நலத்திட்ட உதவியாக வழங்கியபோது, உதவிகளை பெற வந்த பெண்கள் முதியவர்கள் என அனைவரும் வாகனத்தை சூழ்ந்ததால் கடும் நெருக்கடி ஏற்பட்டது. வெயிலோடு காத்திருந்த பெண்கள் குழந்தைகள் நலத்திட்ட உதவிகளை பெறுவதற்காக ஒன்றோடு ஒன்று நெரித்துகொண்டு சென்றதால் தள்ளுமுள்ளு ஏற்பட்டு அப்பகுதியில் சிறிது நேரம் பரபரப்பு ஏற்பட்டது. இதனால் பதற்றமடைந்த தவெகவினர் நலத்திட்ட உதவிகளை முழுமையாக வழங்காமல் பின்னர் தருவதாக கூறி புறப்பட்டுள்ளனர். நலத்திட்ட உதவிகள் வழங்கும் நிகழ்ச்சியில் உரிய ஏற்பாடுகள் இல்லாத நிலையில் நலத்திட்ட உதவிகளை பெற வந்த பொதுமக்களிடையே தள்ளுமுள்ளு ஏற்பட்டது. எனவே இனிவரும் காலங்களில் உரிய திட்டமிடலோடு நலத்திட்ட உதவிகள் வழங்கும் நிகழ்ச்சியை நடத்த வேண்டும் என பொதுமக்கள் கோரிக்கை விடுத்துள்ளனர்.

 

இதையும் படிக்க

மதுரை பட்டதாரி ஆசிரியர்களுக்கான சிறப்பு தகுதி தேர்வு: பலத்த சோதனைக்கு பின் நடைபெற்றது !

கட்டாகுஸ்தி 2: வீட்டு வேலை செய்யும் கணவன் லூசரா? விஷ்ணு விஷால் அதிரடி!