Madurai: போர்க்களமான மதுரை பஸ் ஸ்டாண்ட்! பள்ளி மாணவிகள் குடுமிப்பிடி சண்டை! அதிர்ச்சி வீடியோ!!

பொது இடம் என்று பார்க்காமல் மாணவிகள் தலைமுடியை பிடித்து ஒருவரை ஒருவர் தாக்கி கொண்ட வீடியோ பரபரப்பை ஏற்படுத்தியுள்ளது.

மதுரை

மதுரையில் முக்கியமான பேருந்து நிலையங்களில் மாட்டுத்தாவணி, பெரியார், ஆரப்பாளையம், அண்ணா உள்ளிட்ட பேருந்துநிலையங்கள் முக்கியமானவை. இதில் பெரியார் பேருந்து நிலையத்தில் நகர் மற்றும் கிராமப்புறங்களில் இருந்து பள்ளிக்கு செல்லும் மாணவ மாணவிகள் அதிகளவு பேருந்தில் பயணிப்பார்கள்.

 

#Abpnadu | மதுரை பெரியார் பேருந்து நிலையத்தில் பள்ளி மாணவிகள் கோஷ்டி மோதல் காரணமாக அடித்துக்கொண்டு சண்டை போடும் வீடியோ ஒன்று வைரலாக பரவிவருகிறது. #madurai | #periyaar | #bus | @UpdatesMadurai | @mducollector
| @rajanchellppavv | @SellurKRajuoffl | @SSluwing | @SuVe4Madurai | ... pic.twitter.com/jQQkXOkVu5

— Arunchinna (@iamarunchinna) May 1, 2022

இந்நிலையில் நேற்று இரண்டு மாணவிகள்   கோஷ்டி மத்தியில் போட்டி மோதல் தொடர்ந்து வந்த நிலையில் பள்ளியின் இறுதி நாட்கள் என்பதால் கடும் மோதல் ஏற்பட்டுள்ளது. இதனால் பொது இடம் என்று பார்க்காமல் மாணவிகள் தலைமுடியை பிடித்து ஒருவரை ஒருவர் தாக்கி கொண்டனர்.

 

இதனை சகமாணவர்கள் அவர்கள் சண்டை போடுவதை ரசித்து வேடிக்கைப் பார்த்து மகிழ்ந்தனர், இந்தக் காட்சி தற்போது சமூக வலைதளங்களில் அதிகமாக பரவி வருகிறது. சமீப காலங்களாக பள்ளி மாணவ-மாணவிகளின் அட்டூழியங்கள் தாங்க முடியாமல் பெற்றோர்கள் மற்றும் ஆசிரியர்கள் மன உளைச்சலுக்கு ஆளாகி வரும் நிலையில் தற்போது மதுரையில் மாணவிகளின் இத்தகைய சம்பவங்கள் அனைவரையும் வேதனை அளிக்கிறது. மாணவிகள் சண்டையிட்டது ஏன் என பள்ளி நிர்வாகம் விசாரணை நடத்தி வருகிறது.

 

தமிழ்நாட்டில் பல்வேறு பகுதிகளில் ஆசிரியரை மிரட்டுவது, மேசைகளை உடைப்பது, செல்போன்களைப் பயன்படுத்துவது, மாணவர்களை ராகிங் செய்து நடனம் ஆட வைப்பது,  மது அருந்துவது, சிகரெட் பிடிப்பது என நாளொரு மேனியும் பொழுதொரு வண்ணமுமாக அரசுப் பள்ளி மாணவர்களின் காணொளிகள்  தினந்தோறும் வெளியாகிக் கொண்டே இருக்கின்றன. காணொளிகளில் செங்கல்பட்டு, திண்டிவனம் வேப்பேரி, திருச்செங்கோடு, வேலூர் தொரப்பாடி, திருவண்ணாமலை எனப் பள்ளிகளின் பெயர் மட்டும் மாறிக் கொண்டே இருக்கிறது.

சென்னையில் கல்லூரி மாணவிகள் சாலையில் இரு தரப்பினராக பிரிந்து மோதிக்கொள்ளும் சம்பவங்களும் தொடர்ந்து நடந்து வருகின்றன. அதே போல் கோவையில் பள்ளி மாணவர்கள் சாலையில் இரு தரப்பினராக பிரிந்து மோதிக்கொண்ட சம்பவம் நடந்தது பரபரப்பை ஏற்படுத்தியது. இந்நிலையில் மதுரையில் மாணவிகள் தாக்கிக் கொள்ளும் சம்பவம் நடைபெற்றுள்ளது. இத்தகைய சம்பங்கள் பெற்றோர்கள் மற்றும் பொது மக்கள் இடையே வேதனையையும், அதிர்ச்சியையும் ஏற்படுத்தியுள்ளது.

 

இதை படிக்க மிஸ் பண்ணாதீங்க பாஸ் - தமிழ்நாட்டில் நிலவும் மத நல்லிணக்கத்தை ஒரு சதவீதம் கூட அசைக்க முடியாது - இப்தார் நோன்பு திறப்பு நிகழ்ச்சியில் குல்லா அணிந்து பிடிஆர் பழனிவேல் தியாகராஜன் பேச்சு