Train Ticket Offers: இனி ரயில் டிக்கெட்டுகளுக்கு 3% தள்ளுபடி.. பயணிகளுக்கு ஹேப்பி செய்தி; பெறுவது எப்படி?

ரயில் பயணங்களில் முன்பதிவில்லா டிக்கெட்டுகளுக்கு 3% தள்ளுபடி.. ஆப் மூலம் புக் செய்தால் செம ஆஃபர்!

Written By : க.சே.ரமணி பிரபா தேவி | Updated at : 13 Apr 2026 06:59 PM (IST)

Train Ticket Offers Indian Railways 3 Percent Discount Unreserved Tickets Become Cheaper Train Ticket Offers: இனி ரயில் டிக்கெட்டுகளுக்கு 3% தள்ளுபடி.. பயணிகளுக்கு ஹேப்பி செய்தி; பெறுவது எப்படி?

இந்திய ரயில்வே

Source : சிறப்பு ஏற்பாடு

ரயில் பயணங்களில் முன்பதிவில்லா டிக்கெட்டுகளுக்கு 3% தள்ளுபடியை இந்திய ரயில்வே அறிவித்துள்ளது. ரயில் ஒன் செயலி மூலம் புக் செய்து, ஆன்லைனில் கட்டணத்தைச் செலுத்தினால் இந்த தள்ளுபடி செல்லும் என்று தெரிவிக்கப்பட்டுள்ளது.

இந்திய ரயில்வே, தினசரி ரயில்களில் பயணிக்கும் லட்சக்கணக்கான பயணிகளுக்கு ஒரு சூப்பரான செய்தியை வெளியிட்டுள்ளது. அதன்படி, இனி முன்பதிவில்லா டிக்கெட்டுகளை செயலி மூலமாக புக் செய்தால் டிக்கெட் கட்டணத்தில் 3 சதவீத தள்ளுபடி வழங்கப்படும் என அறிவிக்கப்பட்டுள்ளது.

பொதுவாக முன்பதிவில்லா பெட்டிகளில் பயணிக்க, ரயில் நிலையங்களில் உள்ள டிக்கெட் கவுன்ட்டர்களில் பயணிகள் நீண்ட வரிசையில் காத்திருப்பது வழக்கம். இதனால் பீக் அவர்ஸ் எனப்படும் காலை மற்றும் மாலை நேரங்களில் இந்த நெரிசல் மிக அதிகமாக இருக்கும்.

ரயில்வே துறை நடவடிக்கை

இந்தக் கூட்ட நெரிசலைக் குறைக்கவும், ஆன்லைன் பரிவர்த்தனைகளை ஊக்குவிக்கவும் ரயில்வே துறை தொடர்ந்து பல நடவடிக்கைகளை எடுத்து வருகிறது.

அதன் ஒரு பகுதியாகவே, ரயில்வேயின் மொபைல் செயலியான ரயில் ஒன் (RailOne) மூலமாக முன்பதிவில்லா டிக்கெட்டுகளை எடுக்கும் பயணிகளுக்கு இந்த 3% சிறப்புத் தள்ளுபடி அறிவிக்கப்பட்டுள்ளது. எனினும் ஜூலை 14ஆம் தேதி வரை மட்டுமே இந்த தள்ளுபடி அளிக்கப்படும்.

சலுகையைப் பெறுவது எப்படி?

பயணிகள் தங்கள் ஸ்மார்ட்போனில் செயலியைப் பதிவிறக்கம் செய்து, அதில் டிக்கெட் பதிவு செய்ய வேண்டும். கட்டணத்தைச் செலுத்தும்போது வாலட், யுபிஐ நெட் பேங்கிங், டெபிட்/ கிரெடிட் கார்டு போன்ற டிஜிட்டல் முறைகளைப் பயன்படுத்திப் பணத்தைச் செலுத்தினால், உடனடியாக 3% தள்ளுபடி கிடைக்கும். மீதமுள்ள தொகையை மட்டும் செலுத்தினால் போதும்.

என்ன பயன்?

ரயில்வேயின் இந்தத் திட்டம், தினசரி வேலைக்குச் செல்வோர், கல்லூரி மாணவர்கள் மற்றும் சிறு வியாபாரிகளுக்குப் பெரும் உதவியாக இருக்கும் என்று எதிர்பார்க்கப்படுகிறது. ரயில் பயணிகள் இனி நீண்ட வரிசையில் நிற்பதைத் தவிர்த்து, ஆப் மூலமாகவே டிக்கெட் எடுத்து இந்தத் தள்ளுபடிச் சலுகையை முழுமையாகப் பயன்படுத்திக்கொள்ள வேண்டும் என்று ரயில்வே நிர்வாகம் கேட்டுக்கொண்டுள்ளது.

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.