Breaking Live: சென்னை போரூரில் மழை
தமிழ்நாடு உள்பட பல்வேறு பகுதிகளிலும் நடைபெறும் முக்கிய நிகழ்வுகள், குற்றங்கள் பற்றி செய்திகளை கீழே உடனுக்குடன் காணலாம்.
LIVE
Background
எம்.ஜி.ஆர் மருத்துவபல்கலை.சட்டத்திருத்த மசோதாவை இன்று சட்டப்பேரவையில் சுகாதாரத்துறை அமைச்சர் மா.சுப்பிரமணியன் தாக்கல் செய்கிறார்
ஊர் திருவிழாக்களில் ஆடல், பாடல் நிகழ்ச்சி : கட்டுப்பாடுகளை விதித்த உயர்நீதிமன்ற கிளை
கோயில் திருவிழாக்களில் ஆடல், பாடல் நிகழ்ச்சி நடத்தக்கோரி உயர்நீதிமன்ற மதுரைக் கிளையில் வழக்கு தொடரப்பட்டது. வழக்கை விசாரித்த உயர்நீதிமன்ற மதுரைக் கிளை கொரோனா பரவல் காரணமாக இரவு 8 மணி முதல் 11 மணி வரை நடத்த மட்டுமே அனுமதி அளித்துள்ளது.
+ 2 பொதுத்தேர்வில் 3 மாணவர்கள் முறைகேடு
இன்று நடைபெற்ற + 2 ஆங்கில பாட பொதுத்தேர்வில் 3 மாணவர்கள் முறைகேட்டில் ஈடுபட்டுள்ளனர். நாமக்கல், புதுக்கோட்டை, காஞ்சிபுரத்தில் தலா ஒருவர் என 3 பேர் ஒழுங்கீன செயல்களில் ஈடுப்பட்டு பிடிப்பட்டனர் என்று அரசு தேர்வுகள் இயக்ககம் தெரிவித்துள்ளது.
பதவி விலகினார் மகிந்த ராஜபக்சே..!
இலங்கை பிரதமர் பதவியில் இருந்து மகிந்த ராஜபக்சே விலகக்கோரி கடந்த சில வாரங்களாக அந்நாட்டில் போரட்டங்கள் நடைபெற்று வந்தன. இந்தநிலையில் இலங்கை பிரதமர் பதவியில் இருந்து மகிந்த ராஜபக்சே பதவி விலகினார்.
இலங்கையில் ஊரடங்கு உத்தரவு
இலங்கையில் ஊரடங்கு உத்தரவு பிறப்பிக்கப்பட்டுள்ளதாக அந்நாட்டு காவல்துறை அறிவித்துள்ளது. கொழும்பு வடக்கு, மத்திய, தெற்கு, பகுதிகளில் ஊரடங்கு பிறப்பிக்கப்பட்டிருந்தநிலையில் தற்போது நாடு முழுவதும் பிறப்பிக்கப்பட்டுள்ளது.
ஒழுங்கீனமாக நடக்கும் மாணவர்களுக்கு எச்சரிக்கை!
ஒழுக்ககேடாக நடந்து கொள்ளும் மாணவர்களின் சான்றிதழில் ஒழுங்கீனமாக நடந்து கொண்டீர்கள் என பதிவிடப்படும் என சட்டப்பேரவையில் அமைச்சர் அன்பில் மகேஷ் பொய்யாமொழி தகவல் தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
