Watch Video: “விடைபெற விரும்பவில்லை” - இணையத்தில் வைரலாகும் விமானப் பணிப்பெண்ணின் உருக்கமான பேச்சு

பொதுவாகவே நீண்ட நாள் ஒரு பணியில் அல்லது ஒரு நிறுவனத்தில் இருந்துவிடு அங்கிருந்து விடைபெறுவது என்றால் அது உருக்கமான தருணமாக அமைந்துவிடும்.

சுரபி

பொதுவாகவே நீண்ட நாள் ஒரு பணியில் அல்லது ஒரு நிறுவனத்தில் இருந்துவிடு அங்கிருந்து விடைபெறுவது என்றால் அது உருக்கமான தருணமாக அமைந்துவிடும். அப்படித்தான் இந்த ஏர் ஹோஸ்டஸுக்கும் பணியில் இருந்து விடைபெறும் நாள் உருக்கமாக அமைந்துவிட்டது. 

இண்டிகோ ஏர்லைன்ஸ் பணிப்பெண் சுரபி நாயர். இவர் அந்த விமான நிறுவனத்தில் தனது கடைசி பணிநாளின் போது மிக உருக்கமாகப் பேசினார். அவரது பேச்சு அடங்கிய வீடியோ இணையத்தில் வைரலாகி வருகிறது.
அந்த வீடியோவைப் பார்த்துவிட்டு நிறைய பேர் தங்கள் பயணத்தின்போது சுரபியை தாங்கள் சந்தித்துள்ளதாகவும், சுரபி அவ்வளவு இனிமையான பெண் என்றும், எப்போதும் புன்னகையுடனேயே இருப்பார் என்று பதிவிட்டுள்ளனர். இன்னுமொரு பதிவர், நீங்கள் எப்போதும் பாசிடிவ் லுக் உடன் இருப்பீர்கள். உங்களுடன் இண்டிகோ விமானத்தில் பயணித்த அழகான தருணம் என் மனதில் என்றும் பசுமையாக இருக்கும். நல்வாழ்த்துகள் என்று பதிவிட்டுள்ளார். இவ்வாறாக நெட்டிசன்கள் பலரும் சுரபி நாயருக்கு கசிந்து உருகி வாழ்த்துகளைப் பதிவிட்டுள்ளனர். 

அப்படி என்னதான் பேசியிருந்தார் சுரபி நாயர்..

ஹலோ என்று நடுங்கும் குரலில் ஆரம்பிக்கும் சுரபி. இன்று நான் இந்த நிறுவனத்திலிருந்து விடைபெறுகிறேன். இது தான் இந்நிறுவனத்தில் எனது கடைசி நாள். இந்த நிறுவனம் அவ்வளவு சிறப்பான நிறுவனம். ஊழியர்களின் நலனில் அவ்வளவு அக்கறை கொண்ட நிறுவனம். அதுவும் என்னைப் போன்ற பெண் ஊழியர்களை அத்தனை கவனமாகப் பேணும் நிறுவனம். இங்கிருந்து நான் விடைபெற விரும்பவில்லை. ஆனால் விடைபெற வேண்டிய சூழலில் உள்ளேன். உங்கள் அனைவருடனும் பயணித்ததில் எனக்குப் பெரும் மகிழ்ச்சி. உங்கள் பயணங்களால் தான் நான் சம்பளம் வாங்கினேன். எங்களுக்கான ஊதியம் சரியான நேரத்தில் இல்லையேல் அதற்கும் முன்னதாகவே வழங்கப்பட்டுவிடும். எங்கள் விமானங்கள் வருகையைப் போன்றுதான் சம்பளமும் அவ்வளவு துல்லியமாக இருக்கும். உங்கள் அனைவருக்கும் எனது நன்றியைத் தெரிவித்துக் கொள்கிறேன்.

 

 

 

 

 

View this post on Instagram

 

 

 

 

 

 

 

 

 

 

 

A post shared by AMRITHA SURESSH (@amruthasuresh)

இது தான் சுரபி கூறியது.

சுரபியின் இந்த பேச்சு இணையத்தில் வைரலாகி வருகிறது. அம்ருதா சுரேஷ் என்ற பாடகி இதைத் தனது இன்ஸ்டாகிராம் பக்கத்தில் பகிர அது இப்போது வைரலாகி வருகிறது.