புத்தாண்டில் நடந்த சோகம்! ஜெர்மனி தீ விபத்தில் உயிரிழந்த தென்னிந்திய மாணவன்..கண்ணீரில் சொந்த ஊர்!
தெலுங்கானாவைச் சேர்ந்த 25 வயது மாணவர் ஹ்ருதிக் ரெட்டி, புத்தாண்டு தினத்தன்று பெர்லின் அடுக்குமாடி குடியிருப்பில் ஏற்பட்ட தீ விபத்தில் பரிதாபமாக உயிரிழந்தார்.
புத்தாண்டு தினத்தன்று ஜெர்மனியில் ஏற்பட்ட தீ விபத்தில் குடியிருப்பில் இருந்து தப்பிக்க முயன்ற தெலுங்கானா மாணவர் பரிதாபமாக உயிரிழந்த சம்பவம் சோகத்தை ஏற்ப்படுத்தியுள்ளது.
பெர்லின் குடியிருப்பில் தீ விபத்து
ஜெர்மனியின் பெர்லின் நகரத்தில் உள்ள அடுக்குமாடி குடியிருப்பில் திடீரென தீ விபத்தானது ஏற்பட்டது. அப்போது தெலுங்கானாவை 25 வயது மாணவர் ஹ்ருதிக் ரெட்டி தீ விபத்தில் சிக்கினார் அடுக்குமாடி குடியிருப்பில் வேகமாகப் பரவி, அந்த இடத்தை அடர்ந்த புகையால் நிரப்பியது.
தீப்பிழம்புகள் மற்றும் மூச்சுத் திணறலில் இருந்து தப்பிக்க முயன்ற ஹ்ருதிக் கட்டிடத்தின் மேல் தளத்திலிருந்து குதித்ததாக சொல்லப்படுகிறது. கீழே விழுந்ததில் தலையில் பலத்த காயம் ஏற்ப்பட்டது. அவரை அங்கிருந்து மீட்டு உடனடியாக மருத்துவமனையில் சேர்க்கப்பட்டார்., ஆனால் மருத்துவ முயற்சிகள் இருந்தபோதிலும், சிகிச்சையின் போது அவர் உயிரிழந்தார். இந்த சம்பவம் புத்தாண்டு தினத்தன்று நடந்தது, கொண்டாட வேண்டிய ஒரு தருணத்தை ஆழ்ந்த இழப்பாக மாற்றியது.
மீளாத் துயரத்தில் சொந்த கிராமம்
ஜல்கான் மாவட்டத்தின் மல்காபூர் கிராமம் இன்று மீளாத் துயரத்தில் ஆழ்ந்துள்ளது. அறுவடைத் திருவிழாவான சங்கராந்தியைக் கொண்டாடுவதற்காக, தங்கள் வீட்டுப் பிள்ளை ஹ்ருதிக் வரப்போகிறான் என்று ஆவலோடு காத்திருந்த அந்தக் கிராமம், இப்போது அவனது உடலை எதிர்பார்த்து கண்ணீருடன் நிற்கிறது.
படிப்பை தொடர்ந்தவருக்கு ஏற்பட்ட சோகம்
ஹ்ருதிக் தனது உயர் படிப்பிற்காக 2023 ஜூன் மாதம் ஜெர்மனியில் உள்ள மாக்ட்பர்க் நகருக்குச் சென்றார். 2022-ல் பொறியியல் படிப்பை முடித்த அவர், தனது எதிர்காலக் கனவுகளை நனவாக்க ஐரோப்பாவைத் தேர்ந்தெடுத்தார். கடந்த தசரா பண்டிகைக்கு அவர் ஊருக்கு வருவதாக இருந்தது; ஆனால், கல்விப் பணிகளுக்காக அந்தப் பயணத்தைத் தள்ளிப்போட்டு, இந்த ஜனவரி மாதத்தில் (சங்கராந்தி) நிச்சயம் வருவதாகத் தனது குடும்பத்தினருக்கு வாக்குறுதி அளித்திருந்தார்.துரதிர்ஷ்டவசமாக, அந்த மகிழ்ச்சியான சந்திப்புக்கு முன்பே விதியின் கோரப்பிடியில் சிக்கி அவர் உயிரிழந்தார். ஒரு தீ விபத்து அவரது உயிரைப் பறித்ததாகத் தகவல்கள் தெரிவிக்கின்றன.
தற்போதைய நிலை:
ஜெர்மன் அதிகாரிகள் இந்தத் தீ விபத்துக்கான பின்னணி குறித்து தீவிர விசாரணை நடத்தி வருகின்றனர்.ஹ்ருதிக்கின் உடலைத் தாயகம் கொண்டு வர அவரது நண்பர்களும் உறவினர்களும் மத்திய வெளியுறவு அமைச்சகம் மற்றும் ஜெர்மனியில் உள்ள இந்திய தூதரகத்தின் உதவியை நாடியுள்ளனர்.ஹ்ருதிக்கின் இறுதிச் சடங்குகள் அவரது சொந்த ஊரான மல்காபூரிலேயே நடத்தத் திட்டமிடப்பட்டுள்ளது.மகிழ்ச்சியை எதிர்பார்த்துக் காத்திருந்த ஒரு குடும்பத்திற்கு, இந்தச் செய்தி ஈடுகட்ட முடியாத இழப்பாக மாறியுள்ளது.
தலைப்பு செய்திகள்
ட்ரெண்டிங் செய்திகள்
