PM Modi Speech Highlights | 100 கோடி தடுப்பூசி சாத்தியமானது இப்படித்தான்.. பிரதமர் மோடி சொன்ன முக்கியத் தகவல்கள்!!

இன்று காலை 10 மணிக்கு நாட்டு மக்களிடையே பிரதமர் மோடி உரையாற்றினார்.

பிரதமர் மோடி

இந்தியாவில் 100 கோடி  தடுப்பூசி செலுத்தப்பட்டுள்ளதாக மத்திய அரசு அறிவித்துள்ளது. இதனையடுத்து 100 பாரம்பரிய சின்னங்களை தேசியக்கொடியின் மூவர்ண வண்ணத்தில் ஒளிரச் செய்ய இந்திய தொல்லியல் துறை திட்டமிட்டுள்ளது. சுகாதாரப் பணியாளர்கள், முன்களப் பணியாளர்கள், விஞ்ஞானிகள், தடுப்பூசி உற்பத்தியாளர்கள், பெருந்தொற்றுக்கு எதிராக துணிந்துப் போராடிய நாட்டு மக்கள் ஆகியோரின் தியாகத்தைப் போற்றும் வகையில், அவர்களுக்கு நன்றி செலுத்தும் வகையில் பாரம்பரிய நினைவு சின்னங்களை மூவர்ணத்தில் ஒளிர செய்ய மத்திய தொல்லியல் துறை திட்டமிட்டுள்ளது. மேலும் சுகாதார மையங்கள் மீது மழை போல மலர்தூவவும் திட்டமிடப்பட்டுள்ளது.இந்நிலையில் இன்று காலை 10 மணிக்கு நாட்டு மக்களிடையே பிரதமர் மோடி உரையாற்றினார். அவரது உரையில்,

’’257 நாட்களில் 100 கோடி தடுப்பூசிகளை செலுத்தி கடினமான இலக்கை இந்தியா எட்டியுள்ளது. 257 நாட்களில் 100 கோடி தடுப்பூசிகளை செலுத்தி கடினமான இலக்கை இந்தியா எட்டியுள்ளது. 100 கோடி டோஸ் செலுத்தியது புதிய சாதனையின் தொடக்கமாகும்.  மக்களின் ஒத்துழைப்பு தான் இந்த சாதனை செய்ய காரணமானது. இந்தியாவின் தடுப்பூசி திட்டம் உலக அளவில் ஒப்பிட்டு பார்க்கப்படுகிறது . மிகப்பெரிய சாதனையை நாட்டு மக்களாகிய நாம் படைத்திருக்கிறோம். கடுமையான சோதனைக்கு இடையே இந்தியாவிற்கு கிடைத்த வாய்ப்பாக இது மாற்றப்பட்டுள்ளது.

மக்கள் தொகை அதிகம் கொண்ட இந்தியாவில் எப்படி தடுப்பூசி செலுத்த முடியம் ,பெற முடியும் என்று பேசப்பட்டது. ஆனால் அதை நாம் நிகழ்த்தியிருக்கிறோம்.ந்தேகம் எழுப்பப்பட்ட கேள்விகளுக்கு எல்லாம் 100 கோடி டோஸ் தடுப்பூசி சாதனை பதிலளித்துள்ளது. இந்தியா எத்தகைய கடினமான சூழலிலும் சாதிக்கும் என்பதற்கு இது நல்ல உதாரணம்தடுப்பூசி செலுத்துவதில் முக்கியஸ்தர்களுக்கு முன்னுரிமை என்பதை தவிர்த்தோம். அனைவருக்கும் சமம் என்கிற அளவில் தடுப்பூசி வழங்கப்பட்டது.  தடுப்பூசி கடைக்ககோடியில் இருப்பவருக்கும் செல்வதை அரசு உறுதி செய்தது. அனைவருக்கும் தடுப்பூசி கிடைத்தது. வரலாற்று சாதனை படைக்க உதவிய நாட்டு மக்கள் ஒவ்வொருவரையும் பாராட்டுகிறேன். இந்தியாவின் தடுப்பூசி திட்டம் முற்றிலும் அறிவியல் அடிப்படையில் வகுக்கப்பட்டது. 

கோவின் இணையதளம் தடுப்பூசி திட்டத்தை நாட்டு மக்களிடம் எளிதில் கொண்டு சென்றது கொரோனா தாக்கத்தால் துவண்டு விடாமல் நாட்டின் வளர்ச்சி திட்டங்களில் கவனம் செலுத்தினோம். 18 வயதிற்கு மேற்பட்டோரில் 30 சதவீதம் பேருக்கு கொரோனா தடுப்பூசி செலுத்தப்பட்டுள்ளது இந்தியாவில் தயாரிப்போம் திட்டத்தின் கீழ் எளிய மனிதர்களின் தயாரிப்புகளை வாங்குவதிலும் ஆர்வத்தை காட்டியுள்ளோம். நமது நாட்டில் தயாரித்த தடுப்பூசி மக்களை காப்பாற்றியுள்ளது; இனி வரும் காலங்களிலும் பாதுகாப்பை உறுதி செய்யும். கொரோனா என்ற பெரும் துயரத்தை சந்தித்த நாம் இனி எந்த துயரத்தை சந்திக்கலாம் என்கிற நம்பிக்கையை பெற்றுள்ளோம். பண்டிகைக் காலங்களிலும் பொதுமக்கள் முன்னெச்சரிக்கையாக இருக்க வேண்டும். தொடர்ந்து மாஸ்க் போட வேண்டும்’’ என்றார்