Patiala Violence : காளி கோவிலுக்கு அருகே பஞ்சாப் - பட்டியாலாவில் வெடித்த வன்முறை.. காவலர்கள் குவிப்பு..
பஞ்சாப் மாநிலம் பட்டியாலாவில் இன்று காலை நடைபெற்ற பேரணியில் இரு தரப்பினரிடையே மோதல் ஏற்பட்டுள்ளது.
பஞ்சாப் மாநிலம் பட்டியாலாவில் காலிஸ்தான் ஆதரவு நபர்களுக்கும் சிவசேனா அமைப்பினருக்கும் இன்று மோதல் சம்பவம் ஏற்பட்டுள்ளது. இன்று காலை பட்டியாலா பகுதியில் காலிஸ்தான் ஆதரவு நபர்களுக்கு எதிராக சிவசேனா அமைப்பு சார்பில் எதிர்ப்பு பேரணி ஒன்று நடத்தப்பட்டுள்ளது.
அப்போது அந்தப் பகுதிக்கு காலிஸ்தான் ஆதரவு நபர்கள் ஆயுதங்களுடன் வந்ததாக தெரிகிறது. அப்போது அங்கு குவிந்து இருந்த இரு தரப்பினர் இடையே கடும் மோதல் ஏற்பட்டுள்ளது. அப்போது இரு தரப்பினரும் ஒருவரை ஒருவர் தாக்கியதுடன் கற்களை வீசி தாக்கி கொண்டுள்ளனர். இதில் சிலருக்கு பலத்த காயம் ஏற்பட்டுள்ளதாக தெரிகிறது.
#WATCH | Punjab: A clash broke out between two groups near Kali Devi Mandir in Patiala today.
— ANI (@ANI) April 29, 2022
Police personnel deployed at the spot to maintain law and order situation. pic.twitter.com/yZv2vfAiT6
இந்தச் சம்பவம் தொடர்பாக வீடியோ ஒன்று சமூக வலைதளங்களில் வேகமாக வைரலாகி வருகிறது. அதில் இரு தரப்பினரும் ஒருவரை தாக்கி கொள்வது தெளிவாக பதிவாகியுள்ளது. இந்த மோதல் சம்பவத்திற்கு அப்பகுதியில் பலத்த காவல்துறை பாதுகாப்பு போடப்பட்டுள்ளது. அங்கு அசம்பாவித சம்பங்கள் எதுவும் நடைபெறாமல் இருக்க காவல்துறையினர் குவிக்கப்பட்டுள்ளனர்.
The incident of clashes in Patiala are deeply unfortunate. I spoke with the DGP, peace has been restored in the area. We are closely monitoring the situation and will not let anyone create disturbance in the State. Punjab’s peace and harmony is of utmost importance.
— Bhagwant Mann (@BhagwantMann) April 29, 2022
இது தொடர்பாக பஞ்சாப் முதலமைச்சர் பகவத் மான் சிங் தன்னுடைய ட்விட்டர் பக்கத்தில் கருத்து ஒன்றை தெரிவித்துள்ளார். அதில், “பட்டியாலாவில் நடைபெற்றது மிகவும் வருந்ததக்க சம்பவம். காவல்துறை டிஜிபியிடம் இதுகுறித்து கேட்டறிந்தேன். அங்கு தற்போது அமைதியான சூழல் நிலவுகிறது. பஞ்சாப் மாநிலத்தில் நிலவும் அமைதியை யாரும் சீர்குலைக்கவிட மாட்டோம். பஞ்சாப் மக்களின் ஒற்றுமை மற்றும் அமைதியே எங்களுக்கு எப்போதும் முன்னுரிமை” எனப் பதிவிட்டுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Vijay Sangeetha Divorce : விவாகரத்து வழக்கு வாபஸ்! சங்கீதா கொடுத்த திடீர் டிவிஸ்ட் காரணம் என்ன?
தலைப்பு செய்திகள்
ட்ரெண்டிங் செய்திகள்
