Odisha Train Accident: சென்னையில் தயாராக இருக்கும் மருத்துவக்குழு; முதலமைச்சரால் முடுக்கிவிடப்பட்டுள்ள முன்னேற்பாடுகள் என்னென்ன?

ஒடிசாவில் ஏற்பட்ட ரயில் விபத்தினால் பாதிக்கப்பட்டவர்களை மீட்கவும், மீட்டவர்களில் தமிழ்நாட்டைச் சேர்ந்தவர்களை தமிழ்நாடு கொண்டுவரவும் அரசு செய்துள்ள முன்னேற்பாடுகள் குறித்த அறிக்கையை வெளியிட்டுள்ளது. 

விபத்தில் உருக்குலைந்துள்ள ரயில் பெட்டிகள் - முதலமைச்சர் மு.க. ஸ்டாலின்

ஒடிசாவில் ஏற்பட்ட ரயில் விபத்தினால் பாதிக்கப்பட்டவர்களை மீட்கவும், மீட்டவர்களில் தமிழ்நாட்டைச் சேர்ந்தவர்களை தமிழ்நாடு கொண்டுவரவும் தமிழ்நாடு அரசு இதுவரை செய்துள்ள முன்னேற்பாடுகள் குறித்த அறிக்கையை வெளியிட்டுள்ளது. 

அந்த அறிக்கையில், “ஒடிசா மாநிலம் பாலசோரில் ஏற்பட்ட பெரும் இரயில் விபத்தில் காயமடைந்த தமிழ்நாட்டைச் சேர்ந்த பயணிகளுக்குத் தேவையான மருத்துவம் மற்றும் இதர உதவிகளைச் செய்திடவும் உயிரிழந்தவர்களைக் கண்டறிந்து அவர்கள் குடும்பத்தினருக்கு உதவிடவும் தமிழ்நாடு முதலமைச்சர் அவர்களின் உத்தரவின்பேரில் மீட்புக் குழு அமைக்கப்பட்டது

இக்குழுவில் இளைஞர் நலன் மற்றும் விளையாட்டு மேம்பாட்டுத் துறை அமைச்சர் உதயநிதி ஸ்டாலின் போக்குவரத்துத் துறை அமைச்சர் எஸ்.எஸ்.சிவசங்கர் போக்குவரத்துத் துறை கூடுதல் தலைமைச் செயலாளர் க.பணீந்திர ரெட்டி ஐஏஎஸ் ஆகியோர் விபத்து நடந்த பாலசோர் என்ற இடத்தில் நடந்து வரும் மீட்புப் பணிகளைக் கவனித்து வருகின்றனர். மற்றொரு குழுவான வருவாய் மற்றும் பேரிடர் மேலாண்மைத் துறை கூடுதல் தலைமைச் செயலாளர் குமார் ஜயந்த்,  ஆசிரியர் தேர்வாணையக் குழுவின் தலைவர் அர்ச்சனா பட்நாயக் ஆகியோர் ஒடிசாவில் இதற்கென பிரத்யேகமாக அமைக்கப்பட்டுள்ள கட்டுப்பாட்டு அறையில் இரயில் விபத்தில் உயிரிழந்த மற்றும் காயமடைந்தவர்களின் விபரங்களை சேகரித்தும் மீட்புப் பணிகளுக்கான நடவடிக்கைகளை துரிதப்படுத்தியும் வருகின்றனர்

இந்நிலையில் இன்று அதிகாலை 4.30 மணியளவில் ஒடிசாவிலிருந்து சிறப்பு  இரயில் மூலம் 137 பயணிகள் சென்னை வருகை தந்தனர் இவர்களை இரயில் நிலையத்தில் வருவாய் மற்றும் பேரிடர் மேலாண்மைத் துறை அமைச்சர் கே கே எஸ் எஸ் ஆர் இராமச்சந்திரன் மருத்துவம் மற்றும் மக்கள் நல்வாழ்வுத் துறை அமைச்சர் மா சுப்பிரமணியன் வருவாய் நிர்வாக ஆணையர்/கூடுதல் தலைமைச் செயலாளர் எஸ் கே பிரபாகர் ஐஏஎஸ் மருத்துவம் மற்றும் மக்கள் நல்வாழ்வுத் துறை முதன்மைச் செயலாளர் ககன்தீப் சிங் பேடி, ஐஏஎஸ் ஆகியோர் வரவேற்றனர் வருகை தந்த பயணிகளுக்கு காலை சிற்றுண்டியும் வழங்கப்பட்டது இன்று காலை இவர்களில் 36 பயணிகளுக்கு மருத்துவ பரிசோதனை மேற்கொள்ளப்பட்டது 34 பயணிகள் இராஜீவ் காந்தி அரசு மருத்துவமனைக்கு அனுப்பி வைக்கப்பட்டனர் அனுப்பி வைக்கப்பட்ட இவர்களில் 3 பயணிகள் உள்நோயாளிகளாக அனுமதிக்கப்பட்டுள்ளனர் மற்ற பயணிகள் சிறு சிகிச்சைக்குப் பிறகு அவர்களது இல்லத்திற்கு அனுப்பி வைக்கப்பட்டனர்.

அடிப்படையில், தமிழ்நாடு ஒடிசா முதலமைச்சர்  உத்தரவிட்டதன் பேரில் சென்னை சென்ட்ரல் இரயில் நிலையத்திற்கு வந்தடைகின்ற பயணிகளுக்கு தேவையான பரிசோதனை மற்றும் மேல் சிகிச்சை மேற்கொள்ள 30 மருத்துவக் குழுக்கள் அமைக்கப்பட்டுள்ளன. மேலும், இவர்களுக்குத் தேவையான போக்குவரத்து வசதிக்கென அரசு மேலும், இவர்களுக்குத் தேவையான போக்குவரத்து வசதிக்கென அரசு போக்குவரத்துக் கழகம் மூலம் 7 பேருந்துகளும், காவல் துறை மூலம் 50 டாக்ஸிகளும் ஏற்பாடு செய்யப்பட்டு தயார் நிலையில் உள்ளது கூடுதலாக 10 அவசரகால ஊர்தியும் நிறுத்தி வைக்கப்பட்டுள்ளது இரயில் நிலையத்தில் வீல்சேர், ஸ்டிரெச்சர் வசதிகளும் ஏற்பாடு செய்யப்பட்டுள்ளது மேலும் வருவாய்த் துறை, சுகாதாரத் துறை அலுவலர்கள் வருகின்ற பயணிகளுக்குத் தேவையான உதவிகள் செய்திட பணியமர்த்தப்பட்டுள்ளனர்” என குறிப்பிட்டுள்ளது.