(Source: ECI/ABP News/ABP Majha)
Muralidhar Rao Controversy: ‘பிராமணர்கள் என் பாக்கெட்டில்...’ -பாஜக செயலாளர் சர்ச்சை கருத்து!
முரளிதர் ராவின் இந்தக் கருத்து, பிராமணர் மற்றும் பனியா சமூகங்களை அவமதித்ததாக காங்கிரஸ் கட்சி எதிர்ப்பு தெரிவித்தது.
பிராமண மற்றும் பனியா சமூகத்தைச் சேர்ந்தவர்கள் தனது பாக்கெட்டுகளில் இருப்பதாக பாஜக பொதுச் செயலாளர் பி.முரளிதர் ராவ் கூறியது சர்ச்சையை ஏற்படுத்தியுள்ளது.
மத்திய பிரதேசம் மாநிலம் போபாலில் உள்ள பாஜகவின் மாநிலத் தலைமையகத்தில் செய்தியாளர் கூட்டத்தில் பேசிய அக்கட்சியின் பொதுச் செயலாளர் பி.முரளிதர் ராவ், தனது கட்சியும் அதன் அரசாங்கங்களும் பழங்குடியினர் மற்றும் பட்டியலினத்தவரை வாக்கு வங்கிகளாக பார்க்கவில்லை. அவர்களின் வேலைவாய்ப்பு மற்றும் கல்வி போன்ற கவலைகளை நிவர்த்தி செய்வதில் கவனம் செலுத்தும். பிராமணர்களும் பனியாக்களும் என் பாக்கெட்டுகளில் உள்ளனர். பெரும்பாலான தொழிலாளர்களின் வாக்கு வங்கிகளும் இந்தப் பிரிவைச் சேர்ந்தவர்களாக இருந்தபோது ஊடகத்தினர் எங்களை பிராமணர் மற்றும் பனியா கட்சி என்று அழைத்தீர்கள்” என்று பேசினார்.
பாஜகவை "பிராமணர்கள்-பனியாக்கள்" என்ற அரசியல் கட்சியாகக் கருதும் போது, பட்டியல் மற்றும் பழங்குடியினருக்கு சிறப்பு கவனம் செலுத்துவது பற்றி ஏன் பேசுகிறீர்கள் என்று ஒரு பத்திரிகையாளர் கேட்டதற்குப் பிறகு, முரளிதர் ராவ், இந்தக் கருத்தைத் தெரிவித்தார்.
மேலும், “குறிப்பிட்ட பிரிவைச் சேர்ந்தவர்களின் எண்ணிக்கை அதிகமாக இருந்தபோது, கட்சி தங்களுக்கு சொந்தமானது என்று மக்கள் கூறினர். எஸ்சி/எஸ்டி பிரிவினரின் குறைந்த பிரதிநிதித்துவத்தைக் கண்டறிந்து எங்கள் கட்சியில் மேலும் பலரை சேர்க்க நாங்கள் பணியாற்றி வருகிறோம். நாங்கள் அனைவரையும் அணுகி ஒவ்வொரு பிரிவினருக்கும் பா.ஜ.க.வை ஒரு கட்சியாக ஆக்குகிறோம்” என்றும் கூறினார்.
முரளிதர் ராவின் இந்தக் கருத்து, பிராமணர் மற்றும் பனியா சமூகங்களை அவமதித்ததாக காங்கிரஸ் கட்சி எதிர்ப்பு தெரிவித்தது.
இந்த சர்ச்சையான கருத்துக்கு மாநில காங்கிரஸ் தலைவர் கமல்நாத் பாஜகவை கடுமையாக சாடினார். "இந்தப் பிரிவினர் மீது பாஜக உரிமை கோருவதால் இது அவர்களை அவமதிக்கும் செயலாகும். பாஜகவைக் கட்டியெழுப்புவதில் முக்கியப் பங்காற்றிய இந்த வகுப்பினருக்கு என்ன மரியாதை?. பாஜக தலைவர்கள் அதிகாரத்தின் காரணமாக திமிர்பிடித்துள்ளனர். இந்த சமூகத்தினரிடம் பாஜக மன்னிப்பு கேட்க வேண்டும்” என்று கூறினார்.
பெரும் பின்னடைவுக்குப் பிறகு, சமூகத்தின் அனைத்துப் பிரிவினரையும் "துரோகம் செய்து பிளவுபடுத்துகிறது" என்று குற்றம் சாட்டி, உண்மைகளையும் அறிக்கைகளையும் திரிபுபடுத்துவதை காங்கிரஸ் வழக்கமாகக் கொண்டுள்ளது என்று ராவ் கூறினார்.
இதனைத்தொடர்ந்து, காங்கிரஸ் உண்மைகள் மற்றும் அறிக்கைகளை திரித்து செய்யும் பழக்கத்தைக் கொண்டுள்ளது என்று கூறிய முரளிதர் ராவ், சமூகத்தின் அனைத்து பிரிவுகளையும் காட்டிக் கொடுத்து பிளவுபடுத்துகிறது என்று குற்றம் சாட்டினார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
