உலக புகழ்பெற்ற ஜெகன்நாதர் ரத யாத்திரை 2022: தெரிந்து கொள்ள வேண்டிய தகவல்கள்

உலகப் புகழ்பெற்ற புரி ஜெகன்நாதர் யாத்திரையை நடத்த ஒடிசா தயாராகிவிட்டது. ஒவ்வொரு ஆண்டும் புரி ஜெகன்நாதர் யாத்திரை என்பது ஆஷாத் மாதம் சுக்ல பக்‌ஷ இரண்டாவது தினத்தில் நடைபெறுகிறது.

புரி ஜெகன்நாதர் ரத யாத்திரை

உலகப் புகழ்பெற்ற புரி ஜெகன்நாதர் யாத்திரையை நடத்த ஒடிசா தயாராகிவிட்டது. ஒவ்வொரு ஆண்டும் புரி ஜெகன்நாதர் யாத்திரை என்பது ஆஷாத் மாதம் சுக்ல பக்‌ஷ இரண்டாவது தினத்தில் நடைபெறுகிறது. ஜெகன்நாதர் தனது சகோதரர் பாலபத்ரர் மற்றும் சகோதரி சுபத்ராவுடன் இணைந்து தேரில் பவணி வரும் காட்சி கண்கொள்ளாத காட்சியாக இருக்கும்.

புரி தேர் திருவிழா வரலாறு:

புரி ரத யாத்திரை என்பது ஒடிசா மாநிலத்தின் புரி கடற்கரை நகரத்தில் ஜெகன்நாதர் கோயிலில் குடி கொண்டுள்ள ஜெகன்நாதர், பலபத்திரர், சுபத்திரை ஆகியோர் ஆண்டுதோறும், தனித்தனியாக மூன்று ரதங்களில் ஏறி, புரி நகரத்தை யாத்திரையாக வலம் வந்து பக்தர்களுக்கு காட்சி அளிப்பதைக் குறிக்கும். இத்தேர்த் திருவிழா ஒன்பது நாட்கள் தொடர்ந்து நடைபெறும்.

ஒடிசா மாநிலத்தின் இந்துப் பண்டிகைகளில் புரி ரத யாத்திரை உலகப் புகழ் பெற்றது. இந்த ரத யாத்திரை திருவிழாவின் போது இந்தியா முழுவதிலிருந்தும் லட்சக்கணக்கான பக்தர்கள் பங்கு கொள்வர். ரத யாத்திரை ஆண்டு தோறும் ஆடி மாதம் இரண்டாம் நாள் துவங்கி தொடர்ந்து ஒன்பது நாட்கள் நடைபெறும். தேரோட்டத்திற்காக ஆண்டுதோறும் புதிய மரத்தேர்கள் செய்யப்படுகிறது. தேரோட்டத் திருவிழாவை முன்னிட்டு, 16 சக்கரங்களைக் கொண்ட சிவப்பு, மஞ்சள் நிறத் தேரில் உற்சவ மூர்த்தியான புரி ஜெகன்நாதரும், 14 சக்கரங்களை கொண்ட சிவப்பு, பச்சை நிறமுடைய தேரில் பலபத்திரரும் 12 சக்கரங்கள் கொண்ட சிவப்பு, கறுப்பு நிறத் தேரில் சுபத்ரா தேவியும் எழுந்தருள்வர்.

பாரம்பரிய வழக்கப்படி, தேரோடும் 'ரத்ன வீதி'யைத் தங்கத் துடைப்பத்தால் புரி நகர மன்னர் கஜபதி பெருக்கிச் சுத்தம் செய்வார். முதலில் பலபத்திரர் தேரும், அதன் பின்னர் சுபத்ரா தேவி எழுந்தருளிய தேர்கள் புறப்பட்ட பின்பு, இறுதியாக ஜெகன்நாதர் எழுந்தருளிய தேர் புறப்படும்.குந்திச்சா கோவில் நோக்கிச் செல்லும் ரத யாத்திரியின் ஒரு பகுதியாக, வழியில் உள்ள மவுசிமா கோவிலில் ஜெகன்நாதர் ஓய்வு எடுப்பார். அங்கிருந்து மீண்டும் தேர்கள் புறப்பட்டு புரி ஜெகன்நாதர் கோயிலை வந்தடையும். தேரோட்டத்திற்காக ஆண்டுதோறும் புதிய மரத்தேர்கள் செய்யப்படுகிறது.

ஜூலை 1, 2022:
இந்த ஆண்டு புரி ஜெகன்நாதர் திருவிழாவென்பது ஜூலை 1 ஆம் தேதி நடைபெறும். இந்த ஆண்டு சுக்ல் திவிதிய திதி என்பது ஜூன் 30 ஆம் தேதி காலை 10.49க்கு ஆரம்பித்து ஜூலை 1 காலை 1.09 மணிக்கு முடிவடைகிறது. ஜெகன்நாதர் யாத்திரை ஜூலை 1 வெள்ளிக்கிழமை காலை தொடங்குகிறது.

இதற்காக விரிவான பாதுகாப்பு ஏற்பாடுகள் செய்யப்பட்டு வருகின்றன. இந்த நிகழ்ச்சியில் லட்சக்கணக்கானோர் கலந்து கொள்வார்கள் எனத் தெரிகிறது.