Breaking News Live: தமிழ்நாட்டில் கொரோனா தொற்று கொண்டவர்களில் 98.3% பேர் குணமடைந்துள்ளனர்
Breaking News LIVE In Tamil: இன்றைய தினத்தின் முக்கியச் செய்திகள் உடனுக்குடன்...
LIVE
Background
Breaking News LIVE In Tamil:
அதிமுகவின் சிறுபான்மையினர் நலப்பிரிவுச் செயலாளரும் முன்னாள் எம்.பி.,யுமான அன்வர்ராஜாவை அதிமுகவில் இருந்து நீக்கி கட்சியில் ஒருங்கிணைப்பாளர் ஓ.பன்னீர் செல்வம் மற்றும் இணை ஒருங்கிணைப்பாளர் எடப்பாடி பழனிச்சாமி ஆகியோர் உத்தரவிட்டுள்ளார்.
மாவட்ட செயலாளர்கள் கூட்டத்தில் அன்வர்ராஜா பங்கேற்ற போது, அவர் அதற்கு முன் இபிஎஸ்.,யை ஒருமையில் பேசியதாக வெளியான ஆடியோ விவகாரம் குறித்து முன்னாள் அமைச்சர் சி.வி.சண்முகம் பிரச்சனை எழுப்பியதும், அன்வர்ராஜாவை கூட்டத்திலிருந்து வெளியேற்ற கூறியதும் அக்கூட்டத்தில் விஸ்வரூபம் எடுத்தது. அதன் பின் அந்த விவகாரத்தை அங்கிருந்த நிர்வாகிகள் பேசி சமரசம் செய்த நிலையில், அதன் பின் பல்வேறு தொலைக்காட்சிகளில் நேர்காணல் அளித்த அன்வர்ராஜா, கூட்டத்தில் நடந்தபல உண்மைகளை கூறியிருந்தார்.
அது மட்டுமல்லாமல், சசிகலா குறித்தும் கருத்து தெரிவித்திருந்தார். அத்தோடு பாஜக கூட்டணியை விரும்பவில்லை என்றும் கருத்து தெரிவித்திருந்தார். இந்நிலையில் தான் சற்று முன் அவரை கட்சியின் அடிப்படை பொறுப்பு உள்ளிட்ட அனைத்து பொறுப்புகளில் இருந்தும் நீக்கி அதிமுக தலைமை உத்தரவிட்டுள்ளது.
நிர்பயா நிதிக்கு கடந்த 3 ஆண்டுகளில் ரூ.3856.70 கோடிக்கு ஒப்புதல் : மத்திய அமைச்சர் தகவல்
நாடு முழுவதும் பெண்களின் பாதுகாப்புக்கு, பல திட்டங்களை மத்திய உள்துறை அமைச்சகம் அமல்படுத்துகிறது. இதுவரை மாநிலங்கள் மற்றும் யூனியன் பிரதேசங்களுக்கு மத்திய அரசு ரூ.3856.70 கோடி அனுமதித்துள்ளது. இதில் ரூ.2282.59 கோடி இது வரை வழங்கப்பட்டுள்ளது. தமிழகத்துக்கு கடந்த 3 ஆண்டுகளில் ரூ. 461.16 கோடி ஒதுக்கப்பட்டு, ரூ.276.88 கோடி வழங்கப்பட்டுள்ளது
பொருளாதாரத்தில் வேகமாக வளர்ந்து வரும் நாடுகளில் இந்தியா இடம்பெற்றுள்ளது.
பொருளாதாரத்தில் வேகமாக வளர்ந்து வரும் நாடுகளில் இந்தியா இடம்பெற்றுள்ளது.
வாக்காளர் பட்டியல் வரும் 9-ம் தேதி வெளியிடப்படுகிறது
நடைபெறவுள்ள நகர்ப்புற உள்ளாட்சித் தேர்தலுக்கான புகைப்படத்துடன் கூடிய வாக்காளர் பட்டியல் வரும் 9-ம் தேதி வெளியிடப்படுகிறது.
அமெரிக்கா: பள்ளியில் நடந்த துப்பாக்கி சூட்டில் மூன்று மாணவர்கள் கொல்லப்பட்டனர்
அமெரிக்காவின் மிச்சிகன் மாகாணத்தில் உள்ள பள்ளியில் நடந்த துப்பாக்கி சூட்டில் மூன்று மாணவர்கள் கொல்லப்பட்டனர். மேலும் 8 பேர் காயமடைந்தனர்
தமிழ்நாட்டில் கடந்த 24 மணிநேரத்தில் புதியதாக 709 பேர் பாதிக்கப்பட்டுள்ளனர்
தமிழ்நாட்டில் கடந்த 24 மணிநேரத்தில் புதியதாக 709 பேர் பாதிக்கப்பட்டுள்ளனர். இதன் மூலம், மாநிலத்தின் மொத்த கொரோனா பாதிப்பு எண்ணிக்கை 27,27,635 ஆக அதிகரித்துள்ளது.
குணமடைவோர் எண்ணிக்கை: கடந்த 24 மணிநேரத்தில் 751 பேர் குணமடைந்துள்ளனர். இதன் மூலம், குணமடைந்தவர்களின் மொத்த எண்ணிக்கை 26,82,943 ஆக அதிகரித்துள்ளது. அதாவது, கோவிட்19 தொற்று கொண்டவர்களில் இதுவரை 98.3% குணமடைந்துள்ளனர். இறப்பு எண்ணிக்கை: கடந்த 24 மணிநேரத்தில், கொரோனா தொற்று காரணமாக 11 பேர் உயிரிழந்துள்ளனர். இதன்மூலம், மாநிலத்தின் மொத்த கொரோனா இறப்பு எண்ணிக்கை 36,492 ஆக அதிகரித்துள்ளது.
தலைப்பு செய்திகள்
ட்ரெண்டிங் செய்திகள்
