India Pakistan: அப்படி வாங்க வழிக்கு”தண்ணீருக்காக அமைதி பேச்சுவார்த்தைக்கு தயார்” பாக் பிரதமர் பேச்சு

ஏப்ரல் 22 அன்று பஹல்காமில் நடந்த பயங்கரவாதத் தாக்குதலில் 26 அப்பாவி பொதுமக்கள் கொல்லப்பட்டனர்.  சிந்து நதி நீர் ஒப்பந்தத்தை இந்தியா நிறுத்தி வைத்தது.

ஷெபாஸ் ஷெரிஃப்

Source : ABP Live

பாகிஸ்தான் பிரதமர் ஷெபாஸ் ஷெரீப்இந்தியாவுடன் அமைதிப் பேச்சுவார்த்தையில் ஈடுபடத் தயாராக இருப்பதாகவும் அது தண்ணீர்காக மட்டுமே  என்று தெரிவித்துள்ளார். 

ஈரான் பயணம்:

பாகிஸ்தான் பிரதமர் ஷெபாஸ் ஷெரீப் ஈரானுக்கு அரசு முறை பயணம் மேற்கொண்டுள்ளார். தெஹ்ரானில் ஈரான் அதிபர் மசூத் பெஷெஷ்கியனுடன் கூட்டு செய்தியாளர் சந்திப்பை நடத்தினார். 
அப்போது இந்தியாவுடனான அமைதி பேச்சுவார்த்தைக்கு தயார் என்று தெரிவித்தார். 

அமைதி பேச்சுவார்த்தைக்கு தயார்:

இது குறித்து பேசிய அவர் இந் நீர் பிரச்சினைகள் குறித்து அமைதிக்காகப் பேச நாங்கள் தயாராக இருக்கிறோம்." அவர் தொடர்ந்தார், "வர்த்தகத்தை மேம்படுத்தவும், பயங்கரவாதத்தை எதிர்க்கவும் நாங்கள் பேசத் தயாராக இருக்கிறோம்," 
"நாங்கள் அமைதியை விரும்பினோம், நாங்கள் அமைதியை விரும்புகிறோம், பேச்சுவார்த்தைகள் மூலம் பிராந்தியத்தில் அமைதிக்காக பாடுபடுவோம், நிலுவையில் உள்ளஎங்கள்  பிரச்சினைகளைத் தீர்ப்போம்," என்று ஷெரீப் கூறினார், "அவர்கள் எனது அமைதி வாய்ப்பை ஏற்றுக்கொண்டால், நாங்கள்   தீவிரமாகவும் உண்மையாகவும் அமைதியை விரும்புகிறோம் என்பதை நாங்கள் காட்டுவோம், " என்றார்

பாக் பிரதமர் தனது துருக்கிய பயணத்தை முடித்த பின்னர் திங்களன்று ஈரானில் இருந்தார். ஈரானைத் தொடர்ந்து, அவர் தஜிகிஸ்தான் மற்றும் அஜர்பைஜானுக்குச் செல்ல உள்ளார்.

பஹல்காம் தாக்குதல்:

ஏப்ரல் 22 அன்று பஹல்காமில் நடந்த பயங்கரவாதத் தாக்குதலில் 26 அப்பாவி பொதுமக்கள் கொல்லப்பட்டனர்.  சிந்து நதி நீர் ஒப்பந்தத்தை இந்தியா நிறுத்தி வைத்தது.

முன்னதாக, வெளியுறவு அமைச்சர் எஸ். ஜெய்சங்கர், 1960 ஆம் ஆண்டு கையெழுத்திடப்பட்ட சிந்து நதி நீர் ஒப்பந்தம், பாகிஸ்தானின் எல்லை தாண்டிய பயங்கரவாதம் காரணமாக நிறுத்தி வைக்கப்பட்டுள்ளதாக மீண்டும் வலியுறுத்தினார். சிந்து நதி மற்றும் அதன் துணை நதிகளில் இருந்து இந்தியாவிற்கும் பாகிஸ்தானுக்கும் இடையிலான நீர்வளங்களைப் பகிர்ந்து கொள்வதை சிந்து ஒப்பந்தம் நிர்வகிக்கிறது.

இது தவிர, பாகிஸ்தானில் இருந்து உற்பத்தியாகும் அல்லது ஏற்றுமதி செய்யப்படும் அனைத்து பொருட்களின் நேரடி அல்லது மறைமுக இறக்குமதி மற்றும் போக்குவரத்திற்கும் உடனடி தடை, அனைத்து இந்திய துறைமுகங்களிலும் பாகிஸ்தான் கப்பல்கள் நுழைவதை நிறுத்துதல், அனைத்து பாகிஸ்தான் விமானங்களுக்கும் வான்வெளியை மூடுதல் மற்றும் அட்டாரி ஒருங்கிணைந்த சோதனைச் சாவடியை உடனடியாக மூடுதல் உள்ளிட்ட பல நடவடிக்கைகளை அரசாங்கம் பாகிஸ்தானுக்கு எதிராக அறிவித்தது.

முன்னதாக, வெளியுறவுத்துறை செய்தித் தொடர்பாளர் ரந்தீர் ஜெய்ஸ்வால், காலநிலை மாற்றங்கள் மற்றும் மக்கள்தொகை மாற்றங்கள் புதிய யதார்த்தங்களை உருவாக்க வழிவகுத்ததாக கூறினார்.