சபரிமலை செல்லும் ஐயப்ப பக்தர்களுக்கு முக்கிய அறிவிப்பு! 24 மணி நேர தகவல் மையங்கள்: முழு விபரம் இதோ!
சபரிமலை செல்லும் ஐயப்ப பக்தா்களுக்காக 24 மணி நேரமும் செயல்படும் தகவல் மையங்கள் அமைக்கப்பட்டுள்ளதாக இந்து சமய அறநிலையத் துறை அமைச்சா் பி.கே.சேகா்பாபு தெரிவித்துள்ளாா்.
பிற கோயில்கள் போல ஐயப்பன் கோயில் அனைத்து நாட்களும் திறக்கப்படாது. கேரள மாநிலத்தில் உள்ள சபரிமலை ஐயப்பன் கோயில் மிகவும் பிரசித்தி பெற்றவையாகும். இந்த கோயிலுக்குச் செல்ல மாலை அணிந்து கடுமையான விரதம் இருந்து மலையேறி பக்தர்கள் ஐயப்பன் சாமியை வழிபடுவார்கள். ஒவ்வொரு மாதத்தின் 5 நாட்களும் சபரிமலை ஐயப்பன் கோயிலின் நடை திறக்கப்படுவது வழக்கம். சபரிமலையில் ஐயப்பனுக்கு 41 நாட்கள் நடைபெற்ற சிறப்பு பூஜைகளுக்கு பின்னர் தங்க அங்கி அணிவிக்கப்பட்டு மண்டலபூஜை நடைபெறும். இதில் ஆயிரக்கணக்கான பக்தர்கள் கலந்து கொண்டு சரண கோஷத்துடன் தரிசனம் செய்வார்கள்.
தற்போது சபரிமலை சீசன் துவங்கியுள்ள நிலையில், தமிழகத்திலிருந்து சபரிமலை செல்லும் ஐயப்ப பக்தா்களுக்காக 24 மணி நேரமும் செயல்படும் தகவல் மையங்கள் அமைக்கப்பட்டுள்ளதாக இந்து சமய அறநிலையத் துறை அமைச்சா் பி.கே.சேகா்பாபு தெரிவித்துள்ளாா்.
இது குறித்து அவா் வெளியிட்ட அறிக்கையில், சபரிமலை ஸ்ரீதா்ம சாஸ்தா (ஐயப்பன்) திருக்கோயிலில் மண்டல பூஜை நவ.17 முதல் டிச.27-ஆம் தேதி வரையிலும், மகரவிளக்கு ஜோதி திருவிழா டிச.30-ஆம் தேதி முதல் ஜன.19-ஆம் தேதி வரையிலும் நடைபெறுவதை முன்னிட்டு சபரிமலை பயணம் மேற்கொள்ளும் தமிழக ஐயப்ப பக்தா்களுக்கு உதவுவதற்காக சென்னையில் உள்ள இந்து சமய அறநிலையத் துறை ஆணையா் அலுவலகத்திலும், மாநில எல்லையான கன்னியாகுமரி மாவட்டம் களியக்காவிளையிலும், கேரள மாநிலம்-சபரிமலையிலும் 24 மணி நேரமும் இயங்கும் தகவல் மையங்கள் அமைக்கப்பட்டுள்ளன. இத்தகவல் மையங்கள் ஜன.20 வரை செயல்படும்.
சென்னை ஆணையா் அலுவலகத்தில் அமைக்கப்பட்டுள்ள தகவல் மையத்தை 1800 425 1757 என்ற கட்டணமில்லா தொலைபேசி எண்ணிலும், களியக்காவிளை தகவல் மையத்தை 94880 73779, 94862 70443, 94428 72911 ஆகிய எண்களிலும் தொடா்பு கொள்ளலாம். அதேபோன்று சபரிமலையில் அமைக்கப்பட்டுள்ள தகவல் மையத்தை தொடா்பு கொள்ள வேண்டிய தொலைபேசி எண்கள் விவரம்: நவ.17 முதல் டிச.2 வரை வி.சிவக்குமாா் (94439 94342), ஆா்.பிரேம்குமாா் (63858 06900), சி.சந்தீப்குமாா் (85310 70571) ஆகியோரையும், டிசம்பர் 3 முதல் டிசம்பர்17-ஆம் தேதி வரை எம்.சோ்ம ராஜா (83440 21828), எல்.லால் கிருஷ்ணன் (70949 06442), எஸ்.சதீஷ்குமாா் (75588 39969) ஆகியோரையும் தொடா்பு கொள்ளலாம்.
அதேபோன்று டிசம்பர் 18ம் தேதி முதல் ஜனவரி 2ம் தேதி வரையிலான நாள்களில் எம்.சுந்தா் (89219 37043), ஆா்.சிவசங்கா் (90806 50431), கே.சஜ்ஜீவன் (99405 76898) ஆகியோரையும், ஜனவரி 3 முதல் ஜனவரி 20ம் தேதி வரையிலான நாள்களில் ஹெச்.வெங்கடேஷ் (98433 70229), சுதாகா் (99425 05466), வி.ரமேஷ் (84384 44770) ஆகியோரையும் தொடா்பு கொள்ளலாம். இத்தகவல் மையங்களின் சேவையை தமிழகத்திலிருந்து சபரிமலைக்கு செல்லும் ஐயப்ப பக்தா்கள் பயன்படுத்திக் கொள்ளலாம் என அதில் தெரிவிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
