India vs USA: ரஷ்யாவிடமிருந்து எண்ணெய் வாங்குவோம்! அமெரிக்காவுக்கு இந்தியா பதிலடி? நிதியமைச்சர் அதிரடி அறிவிப்பு!

ரஷ்யாவிலிருந்து எண்ணெய் வாங்க இந்தியா மீது அமெரிக்காவின் அழுத்தம் அதிகரித்து வரும் நிலையில், நிதியமைச்சர் நிர்மலா சீதாராமன், ரஷ்யாவிலிருந்து இந்தியா தொடர்ந்து கச்சா எண்ணெயை வாங்கும் என்று கூறினார்.

ரஷ்யாவிலிருந்து எண்ணெய் வாங்கும் இந்தியா

Source : India vs China News crude oil news

ரஷ்யாவிடமிருந்து இந்தியா தொடர்ந்து கச்சா எண்ணெய் வாங்கும் என்று மத்திய நிதியமைச்சர் நிர்மலா சீதாராமன் கூறியுள்ளது பரபரப்பை கிளப்பியுள்ளது

எண்ணெய் வாங்கும் இந்தியா;

ரஷ்யாவிலிருந்து எண்ணெய் வாங்க வேண்டாம் என்று அமெரிக்கா இந்தியாவை தொடர்ந்து அழுத்தம் கொடுத்து வருகிறது. இதற்காக, இந்தியப் பொருட்களுக்கு கூடுதலாக 25 சதவீத வரி விதிக்கப்பட்டது. இதன் மூலம், இந்தியாவின் மீதான வரி இப்போது 50 சதவீதமாக அதிகரித்துள்ளது.

இதற்கிடையே, நிதியமைச்சர் நிர்மலா சீதாராமனின் பெரிய அறிக்கை ஒன்று வெளியாகியுள்ளது. ரஷ்யாவிடமிருந்து இந்தியா தொடர்ந்து கச்சா எண்ணெய் வாங்கும் என்று மத்திய நிதியமைச்சர் நிர்மலா சீதாராமன் தெரிவித்துள்ளார்.

இந்தியா தனது தேவைகளுக்கு ஏற்ப முடிவெடுக்கும். 

செய்தி நிறுவனம் ஒன்றிருக்கு அளித்த பேட்டியில், நிர்மலா சீதாராமன் தெரிவித்தாவது, "இந்தியா ரஷ்யாவிலிருந்து எண்ணெய் வாங்குவதைத் தொடரும். நமது தேவைகளுக்கு ஏற்ப எங்கிருந்து எண்ணெய் வாங்குவது என்பதை நாம் தீர்மானிக்க வேண்டும். நாட்டின் நலனின் அடிப்படையில் இந்த முடிவு எடுக்கப்படும்" என்று கூறினார். மேலும், "ரஷ்யாவிலிருந்து எண்ணெய் வாங்குவது அல்லது வேறு ஏதாவது... விலைகள், தளவாடங்கள் மற்றும் பல விஷயங்கள் தொடர்பாக நமது தேவைகளுக்கு ஏற்ப ஒரு முடிவை எடுப்போம். எண்ணெய் வாங்குவது அந்நியச் செலாவணி தொடர்பானது, எனவே நமது வசதிக்கேற்ப ஒரு முடிவை எடுப்போம். நிச்சயமாக ரஷ்யாவிலிருந்து எண்ணெய் வாங்குவதைத் தொடருவோம்" என்று கூறினார். கச்சா எண்ணெய் இறக்குமதிக்கு இந்தியா அதிக செலவு செய்கிறது என்று நிர்மலா சீதாராமன் கூறினார். 

இந்தியா மீது அமெரிக்கா குற்றம் சாட்டுகிறது. 

ரஷ்யாவிடமிருந்து எண்ணெய் வாங்குவதன் மூலம் உக்ரைன் ரஷ்யப் போரை ஊக்குவிப்பதாக அமெரிக்க அதிபர் டொனால்ட் டிரம்ப் குற்றம் சாட்டி வரும் நேரத்தில் நிதியமைச்சரின் இந்த பேச்சு வந்துள்ளது. இதைக் கருத்தில் கொண்டு, ஆகஸ்ட் 27 முதல் இந்தியப் பொருட்களுக்கு அமெரிக்கா 50 சதவீத வரியை விதித்தது, மேலும் வரும் மாதங்களில் கூடுதல் தடைகளை விதிக்கப்போவதாகவும் எச்சரித்துள்ளது.

இந்த ஆண்டு ஜனவரியில் அதிபராகப் பொறுப்பேற்ற டிரம்ப், ரஷ்யாவுடன் வணிகம் செய்யும் நாடுகளுக்கு எதிராக 'கட்டம்-2' மற்றும் 'கட்டம்-3' வரிகளை விதிப்பதாக மிரட்டினார். சீனாவிற்குப் பிறகு ரஷ்யாவின் இரண்டாவது பெரிய எண்ணெய் வாங்குபவர் இந்தியா என்று வர்ணித்த அவர், இந்தியா ரஷ்யாவிலிருந்து எண்ணெய் இறக்குமதி செய்வதைத் தொடர்ந்தால், அதற்கு அபராதம் செலுத்த வேண்டியிருக்கும் என்று கூறியிருந்தார். இவை அனைத்திற்கும் பதிலளித்த நிர்மலா சீதாராமன், ஜிஎஸ்டி விகிதங்களில் சீர்திருத்தம் கட்டண அழுத்தத்தைக் குறைக்க உதவும் என்று கூறினார்.