Breaking News Tamil LIVE : தொடங்கியது பட்டிணப் பிரவேசம் விழாவின் முக்கிய நிகழ்ச்சி
Breaking News Tamil LIVE Updates: தமிழ்நாடு உள்பட இந்தியா முழுவதும் நடைபெறும் பல்வேறு முக்கிய நிகழ்வுகளை விரைவுச்செய்திகளாக கீழே காணலாம்.
LIVE
Background
மத்திய நிதியமைச்சர் நேற்று பெட்ரோல் மற்றும் டீசலுக்கான கலால் வரியை குறைத்தார். இதன்காரணமாக பெட்ரோல் மற்றும் டீசல் விலையில் இன்று மாற்றம் ஏற்பட்டுள்ளது. இதன்படி, இன்று ஒரு லிட்டர் பெட்ரோல் விலை 102.63 ரூபாய்க்கு விற்கப்பட்டு வருகிறது. அதேபோல், டீசல் விலை லிட்டருக்கு 94.24 ரூபாய்க்கு விற்பனை செய்யப்பட்டு வருகிறது. இன்று பெட்ரோல் லிட்டருக்கு ரூ8.22 காசுகளும், டீசல் விலை ரூ6.70 காசுகளும் குறைந்துள்ளது.
முன்னதாக நேற்று இந்தியா முழுவதும் பெட்ரோல் மற்றும் டீசலுக்கான கலால் வரியைக் குறைப்பதாக நிதியமைச்சர் நிர்மலா சீதாராமன் கூறினார். பெட்ரோல் விலை ரூபாய்க்கும் 8-ம், டீசல் விலை ரூபாய்க்கும் 6-ம் கலால் வரியை குறைத்துள்ளதாக அறிவித்தார்.
கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில், கடந்த சில மாதங்களாகவே பெட்ரோல், டீசல் விலை கடுமையாக ஏறி வந்தது பொதுமக்கள் மத்தியில் மிகுந்த அவதியை ஏற்படுத்தியது. தமிழ்நாட்டில் தி.மு.க. அரசு பெட்ரோல் மீதான வரியை ரூபாய் 3 குறைத்து பெட்ரோல் விலையை ரூபாய் 100க்கு கீழ் கொண்டு வந்தது. ஆனாலும், மீண்டும் விலை ஏறியதன் விளைவாக சென்னையில் கடந்த 40 நாட்களாக பெட்ரோல் விலை ரூபாய் 110க்கு விற்பனையாகி வந்தது.
இந்த சூழலில், பெட்ரோல், டீசல் மீதான சுங்கவரியை குறைத்து பெட்ரோல், டீசல் விலையை அதிரடியாக குறைத்ததால் வாகன ஓட்டிகள் நிம்மதி பெருமூச்சுவிட்டுள்ளனர். இந்த விலை குறைப்பு மக்களின் நலன் கருதி இந்த முடிவு எடுக்கப்பட்டுள்ளதாக பிரதமர் மோடி தெரிவித்துள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
பட்டிணப் பிரவேசம் விழாவின் முக்கிய நிகழ்ச்சி
மயிலாடுதுறை தருமை ஆதினத்தின் பட்டிணப் பிரவேசம் விழாவின் முக்கிய நிகழ்ச்சியான சிவிகை பல்லக்கு தூக்கும் நிகழ்ச்சி தொடங்கியது.
நெல்லை கல்குவாரி விபத்து ; 6ஆவது நபர் உடல் மீட்பு
நெல்லை கல்குவாரி விபத்தில் உயிரிழந்த 6ஆவது நபரின் உடல் தற்போது மீட்கப்பட்டுள்ளது. கற்குவியலுக்கு கீழே லாரியில் சிக்கியிருந்த ராஜேந்திரனின் உடலை மீட்புக் குழுவினர் மீட்டனர்.
முதலமைச்சர் ஸ்டாலினுக்கு இலங்கை பிரதமர் நன்றி
இலங்கை மக்களுக்கு நிவாரணப் பொருட்கள் வழங்கியதற்காக தமிழ்நாடு முதலமைச்சர் மு.க. ஸ்டாலினுக்கு இலங்கை பிரதமர் ரனில் விக்ரம சிங்கே நன்றி தெரிவித்துள்ளார்.
Sri Lanka today received Rs. 2 Billion worth Humanitarian aid including milk powder, rice and medicines from India. Our sincere gratitude to the Tamil Nadu Chief Minister Hon. @mkstalin and the People of India for the support extended (1/2)
— Ranil Wickremesinghe (@RW_UNP) May 22, 2022
தென் ஆப்பிரிக்காவிற்கு எதிரான டி20 தொடர்- இந்திய அணியில் தினேஷ் கார்த்திக்
தென் ஆப்பிரிக்காவிற்கு எதிரான டி20 தொடருக்கான இந்திய அணியில் தமிழ்நாட்டிச் சேர்ந்த தினேஷ் கார்த்திக், இடம் பிடித்துள்ளார்.
தனியார் மாலில் அனுமதியின்றி மது விருந்தால் ஒருவர் உயிரிழப்பு- 3 பேர் கைது
சென்னை அண்ணாநகர் உள்ள தனியார் மாலில் அனுமதியின்றி மது விருந்து நடத்தி ஒருவர் உயிரிழந்த வழக்கில் , பார் மேலாளர் உட்பட மூன்று பேர் கைது செய்யப்பட்டுள்ளனர்.
தலைப்பு செய்திகள்
ட்ரெண்டிங் செய்திகள்
