Breaking News Live: இரு சக்கர வாகனம் மீது லாரி மோதி 4 பேர் பலி!
Breaking Live :தமிழ்நாடு உள்பட இந்தியா முழுவதும் கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.
LIVE
Background
தமிழகத்தில் பெட்ரோல், டீசல் விலையில் 38வது நாளாக இன்றும் மாற்றமில்லாமல் விற்பனை செய்யப்படுவதால் வாகன ஓட்டிகள் மகிழ்ச்சியடைந்துள்ளனர்.
சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தை கண்டு வருகிறது. கடந்த 2021 ஆம் ஆண்டு நவம்பர் 4 ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழகத்தில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43 க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் இதன் விலை உயர்த்தப்படாமல் இருந்தது.
கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில் உக்ரைன் போர் உள்ளிட்ட பல காரணங்களால் கச்சா எண்ணெய் விலை அதிகரித்ததால் 137 நாட்களுக்குப் பின் மார்ச் 22 ஆம் தேதி ஒரு லிட்டர் பெட்ரோல் விலை உயர்ந்து ரூ.110ஐ எட்டியது. இதனால் அத்தியாவசிய பொருட்களும் விலை உயர்ந்ததால் பொதுமக்கள் அதிர்ச்சியடைந்தனர். இதன் விலையை குறைக்க வேண்டும் என பலரும் கோரிக்கை விடுத்தனர்.
இதனிடையே மத்திய நிதியமைச்சர் நிர்மலா சீதாராமன் கடந்த மே 21 ஆம் தேதி பெட்ரோல் மற்றும் டீசலுக்கான கலால் வரியை குறைத்தார். இதன் காரணமாக பெட்ரோல் மற்றும் டீசல் விலையில் கடந்த மாதம் 22 ஆம் தேதி மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 38வது நாளாக விலை மாற்றமின்றி விற்பனை செய்யப்படுகிறது.
அதன்படி இன்று ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருட்களின் விலை ஏறியது. தற்போது பெட்ரோல் விலை குறைந்த நிலையில் ஏற்றிய விலையை குறைப்பார்களா என்று பொதுமக்கள் கேள்வி எழுப்பி வருவது குறிப்பிடத்தக்கது.
ஜிஎஸ்டி கவுன்சில் கூட்டம்:
மத்திய நிதியமைச்சர் நிர்மலா சீதாராமன் தலைமையில் இன்று சண்டிகரில் ஜிஎஸ்டி கவுன்சில் கூட்டம் நடைபெறுகிறது. இந்தக் கூட்டத்தில் சில முக்கிய முடிவுகள் எடுக்கப்படும் என்று எதிர்பார்க்கப்படுகிறது. மேலும் சில பொருட்களான மறைமுக வரி விகிதமும் மாற்றப்படும் வாய்ப்பு உள்ளதாக கூறப்படுகிறது.
இரு சக்கர வாகனம் மீது லாரி மோதி 4 பேர் பலி!
அறந்தாங்கி அருகே இரு சக்கர வாகனம் மீது லாரி மோதியதில் நான்கு பேர் உயிரிழந்தனர்.
மீமிசலில் இருந்து தொண்டி நோக்கி சென்ற லாரி மோதியதில் சம்பவ இடத்திலேயே 3 பேரும், ஒருவர் சிகிச்சைப் பலனின்றியும் உயிரிழந்தனர்.
அரசு, டிஜிபிக்கு உயர்நீதிமன்றம் நோட்டீஸ்..!
மதுரையை சேர்ந்த ரங்கம்மாள் என்ற பெண்மணி தொடர்ந்த வழக்கில் உயர்நீதிமன்ற மதுரைக்கிளை உத்தரவிட்டுள்ளது. அதில், காவல்துறை சித்திரவதையால் தன் மகன் தற்கொலை செய்துகொண்டதாக தாய் தொடர்ந்த வழக்கில் அரசு, டிஜிபிக்கு உயர்நீதிமன்றம் நோட்டீஸ் அனுப்பியுள்ளது
Breaking News Live: சென்னை தி.நகரில் வாகனங்கள் நிறுத்தும் கட்டணம் உயர்வு
சென்னை தி.நகரில் வாகனங்கள் நிறுத்த கட்டணம் உயர்த்தப்பட்டுள்ளது. அதன்படி 4 சக்கர வாகனத்திற்கு ஒரு மணி நேரத்திற்கு 60 ரூபாயும், 2 சக்கர வாகனங்களுக்கு ஒரு மணி நேரத்திற்கு 15 ரூபாயும் வசூலிக்கப்படும்.
Breaking News Live: சென்னை காசிமேட்டில் 4 மீனவர்கள் மாயம்
சென்னை காசிமேட்டில் மீன் பிடிக்க சென்ற 4 மீனவர்கள் மாயமாகியுள்ளனர்.
Breaking News Live: செஸ் ஒலிம்பியாட் போட்டியால் தமிழ்நாட்டுக்கு பெருமை - முதலமைச்சர் மு.க.ஸ்டாலின்
சென்னையில் விளையாட்டு வீரர்களுக்கான மாநாட்டை முதலமைச்சர் மு.க.ஸ்டாலின் தொடங்கி வைத்தார். நிகழ்ச்சியில் பேசிய அவர், செஸ் ஒலிம்பியாட் போட்டியால் தமிழ்நாட்டுக்கு பெருமை என்றும், இந்த போட்டிக்காக தமிழக அரசு ரூ.92 கோடி நிதி ஒதுக்கியுள்ளதாகவும் தெரிவித்துள்ளார். மேலும் விளையாட்டு துறையில் தமிழகம் முன்னேறி வருவதாகவும், தமிழக விளையாட்டுத்துறை வேகமாகவும், சுறுசுறுப்பாகவும் செயல்பட்டு வருவதாகவும் மு.க.ஸ்டாலின் கூறியுள்ளார்.
தலைப்பு செய்திகள்
ட்ரெண்டிங் செய்திகள்
