Breaking LIVE: அதிமுக அலுவலக சாவியை ஈபிஎஸ்- இடம் ஒப்படைக்க உத்தரவு

Breaking Live :தமிழ்நாடு உள்பட இந்தியா முழுவதும் கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.

Background

சென்னையில் 60வது நாளாக பெட்ரோல், டீசல் விலையில் இன்றும் மாற்றமில்லாமல் விற்பனையாகிறது. 

சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தை கண்டு வருகிறது. கடந்த 2021 ஆம் ஆண்டு  நவம்பர் 4 ஆம் தேதி பெட்ரோல் விலை லிட்டருக்கு ரூ 5ம், டீசல் விலை ரூ 10ம் மத்திய அரசால் குறைக்கப்பட்டது. அன்றைய தினம் தமிழகத்தில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43 க்கும் விற்பனையானது. இதனைத் தொடர்ந்து 5 மாநில தேர்தல் நடைபெற்றதால் இதன் விலை உயர்த்தப்படாமல் இருந்தது.

கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில் உக்ரைன் போர் உள்ளிட்ட பல காரணங்களால் கச்சா எண்ணெய் விலை அதிகரித்ததால் 137 நாட்களுக்குப் பின் மார்ச் 22 ஆம் தேதி ஒரு லிட்டர் பெட்ரோல் விலை உயர்ந்து ரூ.110ஐ எட்டியது. இதனால் அத்தியாவசிய பொருட்களும் விலை உயர்ந்ததால் பொதுமக்கள் அதிர்ச்சியடைந்தனர். இதன் விலையை குறைக்க வேண்டும் என பலரும் கோரிக்கை விடுத்தனர்.

இதனிடையே மத்திய நிதியமைச்சர் நிர்மலா சீதாராமன் கடந்த மே 21 ஆம் தேதி பெட்ரோல் மற்றும் டீசலுக்கான கலால் வரியைக் குறைத்தார். இதன் காரணமாக பெட்ரோல் மற்றும் டீசல் விலையில் கடந்த மாதம் 22 ஆம் தேதி மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 60வது நாளாக விலை மாற்றமின்றி விற்பனை செய்யப்படுகிறது. 

 

அதன்படி இன்று ( ஜூலை 20) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் மாற்றமில்லாமல் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருள்களின் விலை ஏறியது. தற்போது பெட்ரோல் விலை குறைந்த நிலையில் ஏற்றிய விலையைக் குறைப்பார்களா என்று பொதுமக்கள் கேள்வி எழுப்பி வருகின்றனர். அதேசமயம் தொடர்ந்து 2 மாதங்களாக பெட்ரோல், டீசல் விலை எவ்வித மாற்றமில்லாமல் விற்பனையாகி வருவதால் வாகன ஓட்டிகள், பொதுமக்கள் மகிழ்ச்சியடைந்துள்ளனர் என்பது குறிப்பிடத்தக்கது. 

15:23 PM (IST)  •  20 Jul 2022

அதிமுக தொண்டர்கள் உற்சாகம்

அதிமுக அலுவலகத்தை திறக்க உயர்நீதிமன்றம் அனுமதியளித்ததை அடுத்து, பசுமைவழிச்சாலையில் ஈபிஎஸ் ஆதரவாளர்கள் உற்சாகம்.

15:13 PM (IST)  •  20 Jul 2022

ஒரு மாதம் தொண்டர்களை அனுமதிக்கக்கூடாது - உயர்நீதிமன்றம்

சென்னை ராயப்பேட்டையில் உள்ள அதிமுக அலுவலகத்தில் ஒரு மாதம் தொண்டர்களை அனுமதிக்கக்கூடாது - உயர்நீதிமன்றம் 

14:23 PM (IST)  •  20 Jul 2022

அதிமுக அலுவலக சாவியை ஈபிஎஸ்- இடம் ஒப்படைக்க உத்தரவு

அதிமுக அலுவலகம் சீல் வைக்கப்பட்டதை அகற்றக் கோரிய வழக்கில் ஈபிஎஸ் தரப்பிடம் அதிமுக அலுவலக சாவியை ஒப்படைக்க சென்னை உயர் நீதிமன்ற நீதிபதி சதீஷ் குமார் உத்தரவு பிறப்பித்துள்ளார்.

12:31 PM (IST)  •  20 Jul 2022

கள்ளக்குறிச்சி விவகாரம் - பெற்றோர் கருத்து கேட்பு

10 மற்றும் 12 ஆம் வகுப்பு மாணவர்களின் நலன் கருதி கள்ளக்குறிச்சி சக்தி மெட்ரிக் பள்ளியை புனரமைக்க திட்டம். இதை குறித்து பெற்றோரிடம் கருத்து கேட்க உள்ளோம் - அமைச்சர் அன்பில் மகேஷ்.

12:27 PM (IST)  •  20 Jul 2022

தமிழகத்தில் நான்கு நாட்களுக்கு கனமழை தொடரும்

தமிழகத்தில் நான்கு நாட்களுக்கு கனமழை தொடரும். இன்று 13 மாவட்டங்களில் கனமழைக்கு வாய்ப்பு.