7 AM Headlines: விடிந்ததும், ஒரு நிமிடத்தில் செய்திகள் அறியலாம்.. 7 மணி தலைப்புச்செய்திகள்..!

Headlines 7 AM: கடந்த 24 மணி நேரத்தில் நடந்த முக்கியச் செய்திகளை தலைப்புச் செய்திகளாக இங்கு பார்க்கலாம்.

காலை 7 மணி தலைப்புச்செய்திகள்

தமிழ்நாடு:

• முதலமைச்சர் முக ஸ்டாலினுக்கு ஆங்கில இதழ் பாராட்டு: சிறந்த மாநிலங்கள் தரவரிசை பட்டியலில் தமிழ்நாடு முதலிடம்
• நல்ல பொருளாதார நிலையில் உள்ள கோயில்களில் சிறப்பு தரிசன கட்டணம் ரத்து: அமைச்சர் சேகர்பாபு 
• அரசு பேருந்துகளில் சொந்த ஊர் செல்ல பொங்கல் பண்டிகைக்கு 15,000 பேர் முன்பதிவு: 800 பேருந்துகள் இயக்கம்
• மாநில அரசின் திட்டங்கள், சேவைகள், மானியங்களை பெறுவோர் அடையாள ஆவணமாக ஆதாரை அளிக்க வேண்டும் என தமிழ்நாடு அரசு அரசாணை வெளியிடப்பட்டுள்ளது.
• அண்ணா பல்கலைக்கழகத்தின் கீழ் செயல்படும் அனைத்து பொறியியல் கல்லூரிகளின் இளநிலை மற்றும் முதுநிலை தேர்வுகள் மீண்டும் ஒத்தி வைக்கப்பட்டுள்ளன 
• அம்ருத் 2.0 திட்டம் மற்றும் மூலதன மானிய நிதியின் கீழ் இராமநாதபுரம், திண்டுக்கல் மற்றும் திருவள்ளூர் மாவட்டங்களில் 3 புதிய கூட்டுக் குடிநீர் திட்டங்களை செயல்படுத்த தமிழக அரசு அரசாணை வெளியிட்டுள்ளது.
• ஜனநாயக நாட்டில் மன்னரை போல் திமுக ஆட்சி நடைபெறுவதாகவும் தமிழகத்தில் எல்லா இடத்திலும் கஞ்சா கிடைக்கக்கூடிய வகையில் அரசு செயல்படுவதால் இது இது திராவிட மாடல் அரசு இல்லை எனவும் சி.வி. சண்முகம் குற்றஞ்சாட்டியுள்ளார்.
• தமிழக அரசு 2023ம் ஆண்டுக்கான விடுமுறை நாட்களை அறிவித்துள்ளது.மொத்தம் 24 நாட்கள் விடுமுறை அளிக்கப்படுகிறது.
• ஆவின் பால் விலையை தொடர்ந்து நெய் விலையும் லிட்டருக்கு ரூ.50 உயர்வு

இந்தியா:

• அடுத்த ஆண்டு மே 7 ம் தேதி நீட் தேர்வு; மே 21 முதல் 31 வரை கியூட் தேர்வு - தேசிய தேர்வு முகமை அறிவிப்பு
• மின்துறை சீரமைப்பு செய்தால் மட்டுமே அதிக கடன்; மாநிலங்களுக்கு மத்திய அரசு நிபந்தனை
• சபரிமலை அருகே சென்னை பக்தர்கள் வேன் கவிழ்ந்து 10 வயது சிறுமி பலி: 16 பேர் காயம்
• பிரதமர் நரேந்திர மோடியை  ‘குஜராத்தின் கசாப்புக் கடைக்காரர்’ என விமர்சித்த பாகிஸ்தான் வெளியுறவுத்துறை  அமைச்சர் பிலாவல் பூட்டோவின் கருத்துக்கு இந்திய வெளியுறவுத்துறை அமைச்சகம் கடும் கண்டனம் 
• கடந்த 5 ஆண்டுகளில் 177 வெளிநாட்டு செயற்கைக்கோள்களை இஸ்ரோ வெற்றிகரமாக விண்ணில் செலுத்தியுள்ளதாக அறிவியல் மற்றும் தொழில்நுட்ப அமைச்சர் ஜிதேந்திர சிங் தெரிவித்தார்.
• சி.பி.எஸ்.இ. போன்றே போலி வலைதளம் மூலம் பண மோசடி செய்யும் கும்பலிடம் ஏமாற வேண்டாம் எனவும் பாதுகாப்பாக இருக்க வேண்டும் - மாணவர்களுக்கு சி.பி.எஸ்.இ. எச்சரிக்கை
• உலகமே பாகிஸ்தானை பயங்கரவாதத்தின் மையமாக பார்க்கிறது என மத்திய அமைச்சர் ஜெய்சங்கர் தெரிவித்துள்ளார்.

உலகம்:

• பிரான்ஸ் அடுக்குமாடி குடியிருப்பில் ஏற்பட்ட தீ விபத்தில் 5 குழந்தைகள் உள்பட 10 பேர் உயிரிழப்பு.
• மலேசியா சுற்றுலா தலத்தில் நிலச்சரிவு - 21 பேர் உயிரிழப்பு.
• சீனாவில் புதிதாக 2,157 பேருக்கு கொரோனா பாதிப்பு உறுதி
• ஐ.நா. பெண்கள் உரிமை அமைப்பில் இருந்து ஈரான் நீக்கம்; வாக்கெடுப்பில் பங்கேற்காத இந்தியா
• 2023-ல் கொரோனா பரவல் உலகளாவிய அவசரநிலையாக கருதப்படாது - உலக சுகாதார அமைப்பின் தலைவர்

விளையாட்டு:

• புரோ கபடி லீக்: இறுதிப்போட்டியில் ஜெய்ப்பூர் - புனே அணிகள் இன்று பலப்பரீட்சை
• ரஞ்சி கோப்பை தொடர்: தமிழ்நாடு - ஹைதராபாத் போட்டி டிராவில் முடிந்தது.
• உலக கோப்பை கால்பந்து: 3-வது இடத்திற்க்கான போட்டியில் குரோஷியா-மொராக்கோ இன்று மோதல்
• இந்தியாவுக்கு எதிரான டெஸ்ட் : 3-ம் நாள் முடிவில் வங்காளதேச அணி விக்கெட் இழப்பின்றி 42 ரன்கள் எடுத்துள்ளது.