7 AM Headlines: இதுதான் இதுவரை நடந்தது! இன்றைக்கு நடக்கப்போவது..? சுடச்சுட காலை தலைப்பு செய்திகள் இதோ!

7 AM Headlines : கடந்த 24 மணிநேரத்தில் நடந்த முக்கிய நிகழ்வுகளை தலைப்புச் செய்திகளாக பார்க்கலாம்.

இன்றைய தலைப்புச்செய்திகள்

தமிழ்நாடு:

• தூத்துக்குடி இருந்து சென்னை நோக்கி வந்த சரக்கு ரயில் காவல்நிலைய ரயில்வே கேட் பகுதியில் தடம் புரண்டது; நல்லவேளையாக உயிர் சேதம் இல்லை.
• புயல் வெள்ளத்தால் பாதிக்கப்பட்டு ஒரு வாரம் மூடப்பட்டிருந்த பள்ளி, கல்லூரிகள் இன்று திறப்பு; அரையாண்டு தேர்வு 13ம் தேதி தொடக்கம்
• மழை, வெள்ளத்தால் பாதிக்கப்பட்ட மக்களுக்கு ரூ.6,000 நிவாரண நிதி ஒரு வாரத்தில் வழங்கப்படும் - அமைச்சர் உதயநிதி அறிவிப்பு
• சென்னையில் வெள்ள நிவாரண தொகையை வங்கிக் கணக்கில் நேரடியாக செலுத்த வேண்டும் - அண்ணாமலை
• வெள்ள நிவாரண நிதியாக ரூ.10 லட்சத்துக்கான காசோலையை முதலமைச்சர் பொது நிவாரண நிதிக்காக நடிகர் சிவகார்த்திகேயன் வழங்கினார். 
• சென்னை வெள்ளத்தில் சிக்கிய பொதுமக்களுக்கு தண்ணீரும், பாலும் கொடுக்க முடியாமல் இந்த அரசு கையாலாகாத அரசாக உள்ளது - சி.வி.சண்முகம் காட்டம்
• மழையால் பழுதான வாகனங்களை சரிசெய்ய சிறப்பு ஏற்பாடு; உதவி எண்கள் அறிவிப்பு - தமிழ்நாடு அரசு
• மிக்ஜாம் புயல் நிவாரணத் தொகையை ரூ 12,000 ஆக உயர்த்தி தர தமிழ்நாடு அரசை எடப்பாடி பழனிசாமி வலியுறுத்தியுள்ளார்.
• ஆரூத்ரா நிதி நிறுவன மோசடி வழக்குத் தொடர்பாக, துபாயில் இருந்து சென்னை திரும்பிய நடிகர் ஆர்.கே. சுரேஷிடம் விமான நிலையத்தில் குடியுரிமைத்துறை அதிகாரிகள் விசாரணை மேற்கொண்டனர். 

இந்தியா: 

• பெரும் எதிர்பார்ப்பை கிளப்பியுள்ள ஜம்மு காஷ்மீர் வழக்கின் தீர்ப்பு இன்று (டிசம்பர் 11) வெளியாக உள்ளது.
• சத்தீஸ்கர் மாநிலத்தின் அடுத்த முதலமைச்சரை தேர்வு செய்வதில் தொடர் இழுபறி நீடித்து வந்த நிலையில், புதிய முதலமைச்சர் அறிவிக்கப்பட்டுள்ளார்.
• மாயாவதி தனது இளைய சகோதரர் ஆனந்த் குமாரின் மகன் ஆகாஷை அரசியல் வாரிசாக அறிவித்துள்ளார். 
• எல்லை தாண்டி மீன் பிடித்ததாக நாகை, காரைக்கால் மீனவர்கள் 25 பேர் சிறைபிடிப்பு - இலங்கை ராணுவம் மீண்டும் அட்டூழியம்
• மருத்துவமனையில் சிகிச்சை பெற்றுவரும் சந்திரசேகரராவை சந்தித்து நலம் விசாரித்தார் தெலங்கானா முதலமைச்சர் ரேவந்த்ரெட்டி
• திருப்பதி ஏழுமலையான் கோயிலில் ஆழ்வார் திருமஞ்சனத்தை முன்னிட்டு டிசம்பர் 19ல் நான்கு மணி நேரம் தரிசனம் ரத்து என்று தெரிவிக்கப்பட்டுள்ளது.

உலகம்: 

• அமெரிக்காவில் உள்ள வெள்ளை மாளிகைக்கு வருமாறு உக்ரைன் அதிபருக்கு ஜோ பைடன் அழைப்பு.
• ஹமாசை ஒழிக்கும் வரை போர் தொடரும் என இஸ்ரேல் திட்டவட்டமாக தெரிவித்துள்ளது.
• பிரேசிலில் நிலமற்ற தொழிலாளர்கள் இயக்க முகாமில் தீ விபத்து: 9 பேர் பரிதாபமாக உயிரிழப்பு.
• சிரியாவில் பயங்கரவாதிகள் நடத்திய தாக்குதலில் 7 ராணுவ வீரர்கள் உயிரிழப்பு

விளையாட்டு: 

• ப்ரோ கபடி லீக் சீசன் 10ல் தமிழ் தலைவாஸ் அணியை வீழ்த்தி பெங்கால் வாரியர்ஸ் அணி வெற்றி பெற்றது.
• இந்த உலகக் கோப்பையில் நிகழ்ந்த ஒரு நல்ல விஷயம் என்னவென்றால் நாம் பந்து வீச்சாளர்களை பற்றி அதிகமாக பேச துவங்கியுள்ளோம் என கவுதம் காம்பீர் தெரிவித்துள்ளார். 
• தென்னாப்பிரிக்கா- இந்தியா இடையிலான முதல் டி 20 போட்டி மழையால் கைவிடப்பட்டதாக அறிவிக்கப்பட்டது. 
• 2021 டி20 உலகக் கோப்பைக்குப் பிறகு முதல் முறையாக, இங்கிலாந்து அணிக்கு எதிரான டி20 தொடரில் வெஸ்ட் இண்டீஸ் அணிக்கு ஆண்ட்ரே ரஸல் திரும்பியுள்ளார்.