Cabbage Rice Recipe: வைட்டமின் கே, ஏ நிறைய வேணுமா.. இந்த சூப்பரான முட்டைக்கோஸ் ரைஸ் செஞ்சு சாப்பிடுங்க!

Cabbage Rice Recipe: முட்டைக்கோஸ் புலாவ் எப்படி செய்வது எனப் பார்க்கலாம்..

முட்டைக்கோஸ் ரைஸ்

Cabbage Rice Recipe: லன்ச் பாக்ஸ் மெனுவுக்கு முட்டைக்கோஸ் புலாவ் எப்படி செய்வது எனப் பார்க்கலாம். 

என்னென்ன தேவை?

வேகவைத்த சாதம் - ஒரு கப்

பொடியாக நறுக்கிய முட்டைக்கோஸ் - ஒரு கப்

பொடியாக நறுக்கிய வெங்காயம் - ஒரு கப்

பொடியாக நறுக்கிய தக்காளி - ஒரு கப்

பூண்டு, இஞ்சி  விழுது - ஒரு ஸ்பூன்

பொடியாக நறுக்கிய பச்சை மிளகாய் - 2-3 

நெய் - ஒரு டேபிள் ஸ்பூன்

சீரகம் - ஒரு ஸ்பூன் 

கிராம்பு - 4

பட்டை- 1

பிரியாணி இலை - 2

தண்ணீர் - 2 கப்

கொத்தமல்லி - சிறிதளவு

செய்முறை

அரிசியை நன்றாகக் கழுவி விடவும். பாஸ்மதி அரிசியையும் பயன்படுத்தலாம். 15 நிமிடங்கள் அரிசியை ஊற வைத்துகொள்ள வேண்டும். மிதமான தீயில் குக்கரில் நெய் ஊற்றி சூடானதும் பட்டை, கிராம்பு, பிரியாணி இலை, ஏலக்காய், சீரகம் போட்டு நன்றாக வதக்கவும். 

பொடியாக நறுக்கிய வெங்காயம், தக்காளி, பச்சை மிளகாய் சேர்த்து நன்றாக வதக்கவும். இதோடு முட்டைக்கோஸ் சேர்த்து கொஞ்சம் வதங்கியதும் ஊற வைத்த அரிசியை சேர்த்து, தண்ணீர் ஊற்றி, குக்கரை மூடி வைக்கவும். 3-4 விசில் வந்ததும் கொத்தமல்லி தூவி இறக்கவும். சூடான முட்டைக்கோஸ் ரைஸ் ரெடி. 

பாலக்கீரை பனீர் பராத்தா

பனீர் பலருக்கும் ஃபேவரைட். பனீர் வைத்து விதவிதமான டிஷ் செய்யலாம்.  பாலக்கீரை பனீர் பராத்தா செய்வது எப்படி என காணலாம்.

தேவையான பொருட்கள்

கோதுமை மாவு - இரண்டு கப்

அரைத்த பாலக்கீரை விழுது - ஒரு கப்

இளஞ்சூடான நீர் - ஒரு கப்

ஓமம் - ஒரு ஸ்பூன்

நெய் - ஒரு டேபிள் ஸ்பூன்

ஸ்டஃப்பிங்

பனீர் - 200 கிராம்

பொடியாக நறுக்கிய வெங்காயம் - 1 கப்

பொடியாக நறுக்கிய கொத்தமல்லி - ஒரு கைப்பிடியளவு

பச்சை மிளகாய் பொடியாக நறுக்கியது - 1 

மிளகாய்த்தூள் - 1 டீ ஸ்பூன்

உப்பு - தேவையான அளவு

செய்முறை

கோதுமை மாவில் வேகவைத்து அரைத்த பாலக்கீரை விழுது, உப்பு சேர்த்து இளம் சூடான நீரை ஊற்றி சப்பாத்தி மாவு பதத்தில் தயார் செய்யவும். 20 நிமிடங்கள் ஊற விடவும்.  ஸ்டஃபிங்கிற்கு பனீரை துருவிக் கொள்ள வேண்டும். அதோடு, பொடியாக நறுக்கிய பச்சை மிளகாய், வெங்காயம், மிளகாய்த்தூள், உப்பு சேர்த்து நன்றாக கலக்கி வைக்கவும். 

தயாராக வைத்துள்ள கோதுமை மாவில் சப்பாத்தி உருட்டி அதில் ஸ்டஃபிங்கை கொஞ்சம் வைத்து மீண்டும் தேய்த்தெடுக்கவும். மிதமான தீயில் தோசைக் கல்லில் கொஞ்சம் நெய் அல்லது எண்ணெய் தடவி சூடானதும் பனீர் பராத்தாவை போட்டு இரு புறமும் பொன்னிறமாக வெந்ததும் எடுக்கவும். சுடச்சுட பாலக் பனீர் பராத்தா, தயிர், நறுக்கிய வெங்காயம் சேர்த்து சாப்பிடலாம்.

---