Coconut oil for summer: சுட்டெரிக்கும் வெயில்..வறண்டு போகும் சருமம்..வீட்டில் இருக்கும் மாயிஷரைசர்: தெரிஞ்சிகோங்க...!
Coconut Oil Skin Care: சரும வறட்சிக்கு தேங்காய் எண்ணெய் ஒரு வர பிரசாதம். எப்படி பயன்படுத்துவது என்று பாருங்களேன்..
வெயில் காலம் வந்தாலே பெரும்பாலானவர்கள் பயப்படுவது சூரியனுக்கு தான். அதுவும் பெண்களுக்கு முகம் கருமையாகுமே என சன் ஸ்க்ரீன் லோஷன் போட்டு, முகம் முழுக்க துப்பட்டாவினால் மறைத்துக் கொண்டு செல்வார்கள். அவர்களுக்கு தேங்காய் எண்ணெய் ஒரு வரப்பிரசாதமாகும்.
மார்கெட்டுகளில் கிடைக்கும் ஸன் ஸ்க்ரீன் லோஷன் புற ஊதா கதிர்களிடமிருந்து நம் சருமத்தை காப்பாற்றும்தான். ஆனால் அவற்றில் கலந்துள்ள கெமிக்கல்கள் நம் சருமத்திலேயே தங்கி விடும். தேங்காய் எண்ணெய் புற ஊதாகதிர்களை நம் சருமத்தில் அண்ட விடாத அருமையான கவசமாகும்.
எவ்வாறு உபயோகிக்கலாம்?
தேங்காய் எண்ணெய் போதிய அளவு எடுத்து முகம் ,கைகள் என வெயில் படும் இடங்களில் தடவ வேண்டும். அது விரைவில் சருமத்தினால் உறிஞ்சுக்கொள்ளும். வெயிலின் தீவிரத்தில் சருமத்தின் மேல் ஒரு திரை போன்று செயல் படுகிறது.
தரம் வாய்ந்த சன் ஸ்க்ரீன் லோஷனுடன் தேங்காய் எண்ணெய் கலந்தும் உபயோகிக்கலாம்.
வெளியில் செல்வதற்கு சில நிமிடங்கள் முன்பாக தேங்காய் எண்ணெய் கலந்து சன் ஸ்க்ரீன் அப்ளை செய்தால் நல்ல ரிசல்ட் கிடைக்கும்.
இன்னொரு நல்ல விஷயம் தேங்காய் எண்ணெய், விட்டமின் D-யை, உடல் உறிஞ்சுக் கொள்ள உதவி புரிகிறது. ஆனால் மற்ற சன்-ஸ்க்ரீன் லோஷன்கள் வெயிலிருந்து சருமத்தை காத்தாலும், விட்டமின் D-யை உட்புக விடாமல் தடுக்கின்றன.
ஆகவே இயற்கையான ஸன் ஸ்க்ரீன் தான் எப்போதும் நமக்கு பாதகம் தராது என்பதை புரிந்து கொள்ளுங்கள்.
வீட்டிலேயே பாடி பட்டர் க்ரீம் எப்படி செய்வது என்று தெரிந்து கொள்ள கீழே கொடுக்கப்பட்டிருக்கும் வீடியோவை காணுங்கள்..
தேங்காய் எண்ணெய் சருமத்தில் உள்ள ஈரப்பதத்தைக் கவனமாக பாதுகாக்கிறது. இதை பயன்படுத்துவதால் எவ்வித கெடுதலும் இல்லை. தினமும் தேங்காய் எண்ணெயை சரும பராமரிப்பில் சேர்த்துக் கொள்வதால், சருமம் என்றும் இளமையுடன் பொலிவுடன் மின்னும்.
- தேங்காய் எண்ணெயில் உள்ள சாச்சுரேட்டட் கொழுப்புக்கள் சருமம் வறண்டு போகமால் பாதுகாக்கிறது.
- இதில் காப்ரிக், காப்ரிலிக் மற்றும் லாரிக் ஆசிட் உள்ளது. இவை சருமத்தில் எந்த ஒரு கிருமிகளும் தாக்காமல் தடுக்கும். தேங்காய் எண்ணெயில் சருமத்திற்கு தேவையான வைட்டமின் ஈ மற்றும் புரோட்டீன் நிறைந்துள்ளது.
- தேங்காய் எண்ணெயில் ஆன்டி-பாக்டீரியல் திறன் இருக்கிறது. அதனால் சருமத்தில் நோய் தொற்று ஏற்படாமல் பாதுகாக்கும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
