Anti-Valentine's Week 2025: ’ஸ்லாப் டே’ டூ ’ப்ரேக்ப் டே’ - என்ன ஸ்பெசல்? தெரிஞ்சிக்கோங்க!
Anti-Valentine's Week 2025: பிப்ரவரி 15 முதல் கிக் டே, ஸ்லாப் டே என நீள்கிறது. இந்த வாரத்தின் சிறப்பு என்ன என்பதை இங்கே காணலாம்.
காதலர் தினம் (பிப்ரவரி,14) கொண்டாட்டம் முடிந்த அடுத்த வாரம் ‘Anti- Valentine's Week' கொண்டாடப்படுகிறது.
காதலர் தினம் துவங்கும் ஒரே வாரத்திற்கு முன்பே அனைவரும் காதலர் வாரம் (Valentine's week) என்று பிப்ரவரி 7 ஆம் தேதி துவங்கி, அந்த வாரத்தில் ஸ்வீட் டே, பிராமிஸ் டே, கிஸ் டே (Kiss Day) என்று பல்வேறு தினத்தை கொட்டுவது வழக்கம்.
'Anti- Valentine's Week' என்பது காதல் மீதான வெறுப்போ அல்லது காதலை கொண்டாட மறுப்பதோ அல்ல. பிப்ரவரி 15 ஆம் தேதியியில் இருந்து பிப்ரவரி 21 ஆம் தேதி வரை கொண்டாடப்படுகிறது. அந்தவகையில், பிப்ரவரி 15 முதல் கிக் டே, ஸ்லாப் டே என நீள்கிறது. இந்த வாரத்தின் சிறப்பு என்ன என்பதை இங்கே காணலாம்.
காதலர் தினம் முடிந்ததும் அடுத்த வாரம் ‘Anti- Valentine's Week'. அதில் முதல் நாள் ‘ஸ்லாப் டே’ (பிப்ரவரி,15.)
ஸ்லாப் டே என்பது எப்போது தொடங்கியது என்ற வரலாறு என்றெல்லாம் ஏதுமில்லை. இந்த வாரம் கொண்டாடப்பட முக்கியத்துவமே காதல் ஆரோக்கியமானதாக, கூடுதல் மகிழ்ச்சியை அளிக்க கூடியதாக இருக்க வேண்டும் என்பதே.. டாக்ஸிக் உறவுமுறையினால் பாதிக்கப்பட்டவர்கள், காதல் பிரிவின் வலியில் இருப்பவர்களுக்கு இன்றைய நாள் கொண்டாட்டப்பட வேண்டும் என்று சொல்லப்படுகிறது.
ஸ்லாப் டே அன்று முன்னாள் காதலர்களை தேடி சென்று கண்ணத்தில் அறைய வேண்டும் என்பது அர்த்தமில்லை. காதலில் ஏற்பட்ட கசப்பான நினைவுகளை, அதனால் கிடைத்த எதிர்மறையான எண்ணங்களை கைவிடுவதற்கான நாள். கடந்து செல்ல முயற்சிப்பது..புதிய அனுபவங்களுக்கும் பயணத்திற்கும் தயாராக முயற்சிப்பது.. நிகழ்காலத்தை ஏற்றுக்கொள்வது. எல்லாவற்றையும் விட தன்னியல்பில் கவனம் செலுத்துவது. Self-love என்பதை ஏற்று உடல் மற்றும் மன ஆரோக்கியத்திற்கு முன்னுரிமை கொடுப்பதை தொடர்ந்து செய்வது.
ஸ்லாப் டே முக்கியத்துவம்:
‘ஸ்லாப் டே’ - எதிர்மறையான எண்ணங்கள், பழங்களை கைவிடுவதன் மூலம் மட்டுமே நல்லவைகள் நம் வாழ்வில் வரும் என்பதே இந்த நாளின் முக்கியத்துவம்..
வாழ்வில் ஏதோ ஒன்றை கடப்பதற்கு முயற்சி செய்கிறீர்கள் எனில், நிறைய அன்பை உங்களுக்கு அளிக்க மறக்க வேண்டாம். உங்கள் மீது அன்புடன் இருக்க வேண்டும். அதோடு, உங்களை மன்னித்து ஏற்றுகொள்வதும் மகிழ்ச்சியான வாழ்க்கைக்கு வழி என நிபுணர்கள் தெரிவிக்கின்றனர்.
புதிய ஹாபி (Hobby) ஒன்றை உருவாக்கி கொள்ளுங்கள். அதோடு, ‘ஸ்லாப் டே’ வை மகிழ்ச்சியுடனும் கொண்டாடலாம். உங்களுக்குப் பிடித்தவர்களை அன்புடன் அடித்துவிட்டு,, ‘ உன் கண்ணத்திற்கு ஹை-ஃபைவ் (High-Five) கொடுக்க விரும்பினேன்’ என்று சொல்லிடுங்க..
வாழ்க்கையில் ஜெயிப்பது, தோற்பது என்பதெல்லாம் இல்லை. போலவே காதலிலும் அதேதான்.. காதலித்தவரோடு நீண்ட காலம் பயணிக்க முடியாமல் கூட போகலாம். அதற்கு பல காரணங்கள் இல்லாமலும் இருக்கலாம். ஆனால், காதல் பிரிவிற்கு காரணம் நாம் தான் என ஒருவர் தன்னையே குற்ற உணர்ச்சிக்கு ஆளாக்கிவிட கூடாது. காதலில் துளிர்த்தலும் உதிர்தலும் இயல்பே என்பதை உணர்த்தும் வாரம் இது..
கிக் டே (Kick Day) (பிப்ரவரி 16)
காதல் உறவில் பிரிவு ஏற்பட்ட பிறகு, அதனால் ஏற்பட்ட நெகட்டிவிட்டி, துயரம் ஆகியவற்றை கிக் செய்வது இந்த நாள். காதலித்தவரை திருமணம் செய்ய முடியாமல் போனால், அதற்கு காரணம் நான்தான் என்று நினைப்பவர்கள் அதை கைவிட வேண்டும். சிலருக்கு அவர்கள் அளித்த பரிசு மனதை தொந்தரவு செய்யலாம். அப்படியிருக்கையில், அவர்கள் தந்த பரிசுகளோ, அவர்களுக்கு தர வைத்திருந்த பரிசுகளோ எதுவாக இருந்தாலும் அதை உதைத்து விளையாடலாம். உங்கள் வாழ்க்கையில் அதை நீக்கலாம். ஆரோக்கியமான ஒன்றை தேர்வு செய்யும்போது தேவையில்லாதவற்றை கைவிட வேண்டும். மன நிம்மதியை எதெல்லாம் கெடுக்கிறதோ அவற்றில் இருந்து விலகி இருங்கள்.
பெர்ஃபியும் தினம் (Perfume Day) (பிப்ரவரி 17 )
உங்களுக்கு பிடித்த வாசனையில், பெர்ஃபியும் வாங்கி பயன்படுத்தலாம். செல்ஃப் லவ். கான்சப்ட். மற்றவர்களை நேசிப்பதை விட உங்களை நீங்கள் கூடுதலாக, முழுமையாக நேசிக்க வேண்டும். தன்னிறைவாக உணர்வது மட்டுமே பிறர் மீதான அன்பை அதிகரிக்கும். ஆரோக்கியமானதாக வைக்கும். மற்றவர்களுக்கு வழங்கும் அன்பு, காதலைவிட ஒருவர, அவர்மீது அளவுகடந்த காதலுடன் இருக்க வேண்டும்.
ஃப்ளடிங்க் தினம் (Flirting Day) (பிப்ரவரி 18)
உங்களுக்கு க்ரெஷ் யாரென .. உங்களை நீங்கள் அப்சர்வ் செய்து பாருங்கள். உங்களுடைய உணர்வுகளை கவனிக்கலாம். உங்களுடைய விருப்பம், பிடிக்காதவைகள் என ஆகியவற்றை பற்றி சிந்திப்பதும் முக்கியம். டேட் செல்ல முயற்சிக்கல்லாம். டேட்டிங் அழைப்பு வந்திருந்தால் அதை ஏற்கலாம். க்ரெஷ் யாராவது இருந்தால் அவர்களிடம் தெரிவிக்கலாம். உங்களுக்கான பிக்கப் லைன்களை நீங்களே யோசிங்க..
கன்ஃபசன் தினம் (Confession Day) (பிப்ரவரி, 19)
உங்கள் உணர்வுகளை வெளிப்படுத்துவதற்காக நாள். உங்களுக்குப் பிடித்தவர்களிடம் உங்கள் விருப்பதை தெரிவிக்கலாம். நீண்ட நாளாக காதலை வெளிப்படுத்த தயக்கம் இருந்தால், அவர்களிடம் சொல்லலாம்.
மிஸ்ஸிங் தினம் (Missing Day) (பிப்ரவரி, 20)
Missing Day என்பது பொருள்படும்படியாகவே இருக்கிறது. நீங்கள் யாரை மிகவும் மோசமாக மிஸ் செய்கிறீர்களோ அவர்களிடம் அதை தெரிவிக்கலாம். அது யாராக வேண்டுமானாலும் இருக்கலாம், உங்கள் நண்பராக, உங்கள் குடும்ப உறுப்பினராக, காதலராக யாராக வேண்டுமானாலும் இருக்கலாம். (முன்னாள் காதலர்கள் இல்லை...)
பிரேக்கப் தினம் (Breakup Day) (பிப்ரவரி, 21)
காதல் வாழ்வு உங்களுக்கு மகிழ்வாக இல்லை; உங்களின் இயல்பில் இல்லை. மிகவும் டாக்ஸிக்காக இருக்கிறது; இதற்கு மேல் முடியாது. தீர்வே கிடைக்காது என நிலமை இருந்தால், மன அமைதியை பாதிக்கிறது எனில், பிரெக்கப் செய்து விடுங்கள். ஒருவருக்கு ஒருவர் தங்களை பிரச்சனை அதற்கான தீர்வு பற்றி உரையாடலாம். இருவரின் நிம்மதி, மன அமைதியை பாதிக்கும், இருவரும் மகிழ்வாக இருக்கவே சிக்கல் ஏற்படுகிறது, இருவரின் தனிப்பட்ட வளர்ச்சியும் பாதிக்கும் எனில் .. இருவரும் வெவ்வேறு பாதையில் பயணத்தை தொடங்குவது தவறானது அல்ல. மிகவும் அவசியமானது என்பதை உணர வேண்டும். பிரெக்கப் என்பது தவறானது இல்லை என்பதை உணர்த்தவே இந்த நாள்..
தலைப்பு செய்திகள்
ட்ரெண்டிங் செய்திகள்
