SSC JHT Recruitment 2024: இந்தி மொழியில் பட்டம் பெற்றவரா?மத்திய அரசுப் பணி- விண்ணப்பிக்க நாளையே கடைசி!

SSC JHT Recruitment 2024: Sமத்திய அரசு பணியாளர் தேர்வாணையம் வெளியிட்ட வேலைவாய்ப்பு பற்றிய விவரங்களை காணலாம்.

மத்திய அரசு பணியாளர் தேர்வாணையத்தில் உள்ள வேலைவாய்ப்பு

Source : SSC

மத்திய அரசு பணியாளர் தேர்வாணையம் (Staff Selection Commission) வெளியிட்ட 312 இந்தி மொழிபெயர்ப்பாளர் பணியிடங்களுக்கு விண்ணப்பிக்க நாளையே (26.08.2024) கடைசி. 

பணி விவரம்:

• ஜூனியர் மொழிபெயர்ப்பு அதிகாரி
• ஜூனியர் இந்திய மொழிபெயர்ப்பாளர் 
• சீனியர் இந்திய மொழிபெயர்ப்பாளர் 

Central Secretariat Official Language Service (CSOLS), Armed Forces Headquarters (AFHQ), மத்திய அரசு துறைகள், அமைச்சக அலுவலகங்கள் உள்ளிட்டற்றில் உள்ள பணியிடங்களுக்கான வேலைவாய்ப்பு அறிவிப்பு இது. 

கல்வித் தகுதி:

• இதற்கு விண்ணப்பிக்க ஆங்கிலம், இந்தி ஆகிய துறைகளில் முதுகலைப் பட்டம் பெற்றிருக்க வேண்டும். அதோடு, இரண்டு ஆண்டுகள் மொழிபெயர்ப்பு பணியில் அனுபவம் அல்லது டிப்ளமோ தேர்ச்சி பெற்றிருக்க வேண்டும். 
• சீனியர் மொழிப்பெயர்ப்பாளர் பணிக்கு விண்ணப்பிக்க ஆங்கிலம், இந்தி ஆகிய துறைகளில் முதுகலைப் பட்டம் பெற்றிருக்க வேண்டும். அதோடு, மூன்று ஆண்டுகள் மொழிபெயர்ப்பு பணியில் அனுபவத்துடன்  டிப்ளமோ படிப்பில் தேர்ச்சி பெற்றிருக்க வேண்டும். 

வயது வரம்பு விவரம்:

இந்த பணியிடங்களுக்கு விண்ணப்பிக்க18  வயது பூர்த்தியடைந்தவராகவும் 30 வயதுக்கு மிகாமலும் இருக்க வேண்டும். 

ஊதிய விவரம் :

• ஜூனியர் மொழிபெயர்ப்பு அதிகாரி - Level-6 (ரூ.35400- 112400) 
• ஜூனியர் இந்தி மொழிபெயர்ப்பாளர் - Level-6 (ரூ.35400- 112400)
• சீனியர் இந்தி மொழிபெயர்ப்பாளர் - Level-7 (ரூ.44900- 142400)

தேர்வு செய்யப்படும் முறை:

இந்த பணியிடங்களுக்கு கணினி வழி தேர்வு (Computer Based Examination) மற்றும் திறனறிவுத் தேர்வு (மொழிபெயர்ப்பு செய்தல்) ஆகியவற்றின் மூலம் தகுதியானவர்கள் தேர்வு செய்யப்படுவார்கள்.

விண்ணப்பிக்கும் முறை:

இதற்கு விண்ணப்பிக்க https://ssc.gov.in/ -என்ற இணைப்பை க்ளிக் செய்து  ஆன்லைனில் விண்ணப்பிக்க வேண்டும்.

விண்ணப்பக் கட்டணம்:

இதற்கு விண்ணப்பிக்க பொதுப்பிரிவினருக்கு  ரூ.100,  கட்டணமாக செலுத்த வேண்டும். பழங்குடியின / பட்டியலின  பிரிவினர் மற்றும் பெண்கள்,முன்னாள் இராணுவ பணியாளர் மற்றும் மாற்றுத்திறனாளிகள் ஆகியோருக்கு கட்டணம் செலுத்துவதில் இருந்து விலக்கு அளிக்கப்பட்டுள்ளது.

விண்ணப்பிக்க கடைசி தேதி : 25.08.2024

இந்த அறிவிப்பு தொடர்பாக மேலும் விவரங்கள் அறிய https://ssc.gov.in/api/attachment/uploads/masterData/NoticeBoards/Notice_of_CHTE_2024_08_02.pdf -  என்ற இணைப்பை க்ளிக் செய்து காணவும்.

முக்கிய தேதிகள்:

விண்ணப்ப கட்டணம் செலுத்த கடைசி தேதி - 26.08.2024 23:00 மணி வரை

விண்ணப்பங்களில் திருத்தம் மேற்கொள்ள கடைசி தேதி - 26.08.2024 - 05.09.2024 (23:00 மணி வரை)

கணினி வழி தேர்வு நடைபெறும் நாள் - அக்டோபர் - நவம்பர், 2024
 

---