56 காலிப்பணியிடங்கள் நிரப்ப இருக்காங்க... தகுதியானவர்கள் உடனே விண்ணப்பம் செய்யுங்க!!!
கிருஷ்ணகிரி மாவட்டத்தில் அரசு மருத்துவக்கல்லூரி மற்றும் மருத்துவமனைகளின் உள்ள பல்வேறு பதவிகளுக்கான பணியிடங்களுக்கு விண்ணப்பங்கள் வரவேற்கப்படுகிறது.
கிருஷ்ணகிரி மாவட்டத்தில் ரேடியோகிராப்பர், உதவியாளர் என 56 காலிப்பணியிடங்கள் நிரப்பப்பட உள்ளதாக சுகாதாரத்துறை அறிவித்துள்ளது. தகுதியுள்ளவர்கள் உடனே விண்ணப்பித்து பயன்பெற கேட்டுக் கொள்ளப்படுகிறது.
கிருஷ்ணகிரி மாவட்டத்தை சேர்ந்தவரா நீங்கள்? அரசு மருத்துவமனைகளில் உள்ள ஏராளமான காலிப்பணியிடங்களை நிரப்புவதற்கான வேலைவாய்ப்பு அறிவிப்பு வெளியாகியுள்ளது. மருத்துவர், செவிலியர், அறுவை சிகிச்சை உதவியாளர், டேட்டா எண்டரி ஆப்ரேட்டர் உள்ளிட்ட பணியிடங்கள் நிரப்பப்படுகிறது.
கிருஷ்ணகிரி மாவட்டத்தில் அரசு மருத்துவக்கல்லூரி மற்றும் மருத்துவமனைகளின் உள்ள பல்வேறு பதவிகளுக்கான பணியிடங்களுக்கு விண்ணப்பங்கள் வரவேற்கப்படுகிறது. இதற்கான வேலைவாய்ப்பு அறிவிப்பை மாவட்ட சுகாதார நலவாழ்வு சங்கம் அறிவித்துள்ளது. மொத்தம் 56 காலிப்பணியிடங்கள் நிரப்பப்படுகிறது.
அரசு மருத்துவமனை, அரசு சித்தா மருத்துவமனை மற்றும் ஆரம்ப சுகாதார நிலையங்களில் உள்ள பணியிடங்கள் ஒப்பந்த அடிப்படையில் நிரப்பப்படுகிறது.
மருத்துவ அலுவலர் 1-ரூ.60 ,000, செவிலியர்-38 ரூ.18,000, ஆடியோலோஜிஸ்ட் 1-ரூ.20,000, நிர்வாக உதவியாளர் 1-ரூ.12,000, நுண்கதிர் வீச்சாளர் 4-ரூ.13,300, அறுவை அரங்கு உதவியாளர் 1-ரூ.11,200, ஆலோசகர் (Yoga and Naturopathy) 2-ரூ.40,000. பல்நோக்கு மருத்துவமனைப் பணியாளர் 2-ரூ.10,000, தரவு உள்ளீட்டாளர் 1-ரூ.20,000, மூத்த சிகிச்சை மேற்பார்வையாளர் 1-ரூ.19,800, மூத்த காசநோய் ஆய்வக மேற்பார்வையாளர் 1-ரூ.19,800, காசநோய் சுகாதார பார்வையாளர் 1-ரூ.13,300, ஆக்குபேஷனல் தெரபிஸ்ட்1-ரூ.23,000, சிறப்பு கல்வியாளர் 1-ரூ.23,000 என மொத்தம் 56 காலிப்பணியிடங்கள் நிரப்பப்படுகிறது.
இப்பணியிடங்களுக்கு விண்ணப்பிக்க விரும்புகிறவர்கள் 18 வயது முதல் 59 வயதிற்குட்பட்டவர்களாக இருக்க வேண்டும். சிறப்பு கல்வியாளர் பதவிக்கு மட்டும் 45 வயதிற்குள் இருக்க வேண்டும். மருத்துவ அலுவலர் பதவிக்கு எம்.பி.பி.எஸ் தேர்ச்சி பெற்று, மருத்துவ கவுன்சிலில் பதிவு செய்திருக்க வேண்டும்.
செவிலியர் பதவிக்கு நர்சிங் டிப்ளமோ அல்லது பட்டப்படிப்பை முடித்திருக்க வேண்டும். ஒங்கிணைந்த பாடத்திட்டத்தில் படித்தவர்களும் விண்ணப்பிக்கலாம். ஆடியோலோஜிஸ்ட் பதவிக்கு அதற்கான பாடப்பிரிவில் இளங்கலை பட்டப்படிப்பு முடித்திருக்க வேண்டும். நிர்வாக உதவியாளர் பதவிக்கு ஏதேனும் ஒரு பாடப்பிரிவில் பட்டப்படிப்பு மற்றும் MS Office தெரிந்திருக்க வேண்டும். அலுவலக நிர்வாகத்தில் 1 வருடம் அனுபவம் தேவை.
நுண்கதிர் வீச்சாளர் பதவிக்கு வானொலி நோயறிதல் தொழில்நுட்பத்தில் டிகிரி அல்லது டிப்ளமோ முடித்திருக்க வேண்டும். அறுவை அரங்கு உதவியாளர் பதவிக்கு 12-ம் வகுப்பு தேர்ச்சியுடன் 1 வருட சான்றிதழ் படிப்பை முடித்திருக்க வேண்டும். ஆலோசகர் பதவிக்கு BNYS பட்டப்படிப்புடன் இந்திய மருத்துவ கவுன்சிலில் பதிவு செய்திருக்க வேண்டும். பல்நோக்கு மருத்துவமனைப் பணியாளர் பதவிக்கு 8-ம் வகுப்பு தேர்ச்சி மற்றும் தமிழில் எழுதப் படிக்கத் தெரிந்திருக்க வேண்டும்.
தரவு உள்ளீட்டாளர் பதவிக்கு பட்டப்படிப்புடன் 1 வருட கணினி பயன்பாடு டிப்ளமோ முடித்திருக்க வேண்டும். மூத்த சிகிச்சை மேற்பார்வையாளர் பதவிக்கு இளங்கலை பட்டப்படிப்புடன் சான்றிதழ் படிப்பு அல்லது சுகாதார ஆய்வாளர் சான்றிதழ் படிப்பை முடித்திருக்க வேண்டும். மேலும் 2 சக்கர வாகன ஓட்டுநர் உரிமம் கட்டாயமாகும். மூத்த காசநோய் ஆய்வக மேற்பார்வையாளர் பதவிக்கு டிகிரி/ DMLT உடன் சான்றிதழ் படிப்பு பெற்றிருக்க வேண்டும். கணினி இயக்க திறன் மற்றும் ஓட்டுநர் உரிமம் அவசியம்.
காசநோய் சுகாதார பார்வையாளர் பதவிக்கு பட்டப்படிப்பு முடித்திருக்க வேண்டும் அல்லது 12-ம் வகுப்பிற்கு பின்பு MPW/LHV/ANM/சுகாதார ஊழியர்/ சுகாதார கல்வி ஆகியவற்றில் அனுபவம் பெற்றிருக்க வேண்டும். காசநோய் சுகாதார பதவிக்கான சான்றிதழ் படிப்பை முடித்திருக்க வேண்டும். கணினி இயக்கும் திறன் அவசியம்.
ஆக்குபேஷனல் தெரபிஸ்ட் பதவிக்கு அதற்கான இளங்கலை/ முதுகலை முடித்திருக்க வேண்டும். சிறப்பு கல்வியாளர் பதவிக்கு இளங்கலை அல்லது முதுகலை முடித்திருக்க வேண்டும். கிருஷ்ணகிரி மாவட்டத்தில் உள்ள இப்பணியிடங்களுக்கு ஆட்கள் நேர்காணல் மூலம் தேர்வு செய்யப்படுவார்கள் என எதிர்பார்க்கப்படுகிறது.
இப்பணியிடங்களுக்கு விண்ணப்பிக்க தகுதியுள்ளவர்கள் https://krishnagiri.nic.in/notice_category/recruitment/ என்ற இணையதளத்தில் உள்ள விண்ணப்பப் படிவத்தை பதிவிறக்கம் செய்து நேரிலோ அல்லது தபால் வழியாகவோ விண்ணப்பிக்க வேண்டும். பூர்த்தி செய்யப்பட்ட விண்ணப்பத்துடன் 10-ம் வகுப்பு மதிப்பெண் சான்றிதழ், 12-ம் வகுப்பு மதிப்பெண் சான்றிதழ், பட்டப்படிப்பு, சான்றிதழ் படிப்பு சான்றிதழ்கள், வகுப்பு பிரிவு சான்றிதழ், முன அனுபவ சான்றிதழ் மற்றும் சிறப்பு சலுகை இருப்பின் அதற்கான சான்றிதழ் ஆகியவற்றை நகல்களை இணைத்து அனுப்ப வேண்டும்.
தலைப்பு செய்திகள்
ட்ரெண்டிங் செய்திகள்
