’தூய நரையிலும்...’ - 70 வயதிலும் செக்ஸில் ஆர்வம் குறையாமல் இருக்குமா.. கையாளுவது எப்படி?

70-79 வயதுக்குட்பட்ட 60 சதவிகிதம் பேரும் ஆச்சரியமாக 80 வயதுக்கு மேற்பட்டவர்களில் 32 சதவிகிதம் பேரும் செக்ஸ் ரீதியாக ஆக்டிவ்வாக உள்ளனர்.

உடலுறவு

வயதானால் வாழ்க்கையே முடிந்தது எனப் பலர் நினைப்பார்கள். ஆனால் முதியவர்களில் எடுத்த சர்வேக்கள் வேறு வகை ரிசல்ட்களைச் சொல்கின்றன. இங்கிலீஷ் லாங்கிட்யூட்னல் ஸ்டடி ஆஃப் ஏஜிங் என்கிற சர்வதேச அமைப்பு நடத்திய சர்வேயில் 60-69 வயதுக்கு உட்பட்ட 85 சதவிகிதம் பேர் உடலுறவில் ஆக்டிவ்வாக இருப்பதாகத் தெரிய வந்துள்ளது.மேலும் 70-79 வயதுக்குட்பட்ட 60 சதவிகிதம் பேரும் ஆச்சரியமாக 80 வயதுக்கு மேற்பட்டவர்களில் 32 சதவிகிதம் பேரும் செக்ஸ் ரீதியாக ஆக்டிவ்வாக உள்ளனர். பெரும்பாலும் முதுமையில் செக்ஸ் என்றால் மருத்துவர்களே மண்ணில் தலையைப் புதைத்துக் கொள்ளும் சூழலில் இதுகுறித்துக் கேள்வி எழுப்பவே முதியவர்கள் தயங்குகின்றனர் என்பதே உண்மை.

இன்னும் சொல்லப்போனால் முதுமையில் செக்ஸ் அவர்களது மகிழ்ச்சிக்கான ஹார்மோன்களைத் தூண்டுவதால் மன அழுத்தம் உள்ளிட்ட மன மற்றும் உடல் ரீதியான பிரச்னைகளில் இருந்தும் தீர்வளிக்கிறது. 

ஆனால் பெரும்பாலும் இடுப்புவலி மூட்டுவலி எனச் சிக்கல் அனுபவிப்பவர்கள், உடலுறவு கொள்வதற்கு எண்ணம் இருந்தாலும் கிளர்ச்சி ஏற்படுவதில் சிக்கல் உடையவர்கள், நகர முடியாமல் இருப்பவர்கள் எனப் பல சிக்கல்கள் இருக்கும்போது எங்கே உடலுறவுக்கு நேரம் ஒதுக்குவது எனப் புருவம் உயர்த்துவது புரிகிறது. அவர்களுக்காகவே சில உடலுறவுக்கான டிப்ஸ்களை வழங்குகிறது இந்த இங்கிலீஸ்ஹ் லாங்கிட்யூட்னல் அமைப்பு

இடுப்பு வலி மற்றும் மூட்டுவலி இருப்பவர்கள் படுக்கையில் இடுப்பின் கீழ் ஒரு தலையணையை வைத்தபடி உடலுறவில் ஈடுபடலாம். அதனால் இடுப்பு அதிகம் வளையவேண்டிய தேவையில்லாமல் தேய்மானம் அடைவதையும் தடுக்கும். 

மூட்டு வலி உடையவர்கள், நகர முடியாத சூழலில் இருப்பவர்கள் நாற்காலியில் அமர்ந்து உடலுறவு கொள்ளலாம். இதில் பார்ட்னர் மட்டுமே அதிகம் இயங்குவதால் மூட்டுத் தேய்மானம் குறையும். 
இதுதவிர ஒருவர் பின் ஒருவர் கட்டியணைத்த நிலையில் உடலுறவு கொள்வதும் முதியவர்களில் பரிந்துரைக்கப்படுகிறது. 
இருவருக்குமே இடுப்பு வலி பிரச்னை இருக்கும் நிலையில் மாஸ்ட்ருபேஷன் செய்வதை இவர்கள் பரிந்துரைக்கின்றனர். மாஸ்ட்ரூபேஷனுக்கான செக்ஸ் டாய்ஸ்கள் முதியவர்களுக்கு அதிகம் பயன்படும் என்கின்றனர். உடலுறவில் ஆர்வம் இருந்தாலும் கிளர்ச்சி அடைவதில் சிக்கல் இருப்பவர்கள் ஃபோர்ப்ளேயில் அதிக நேரத்தைச் செலவிடப் பரிந்துரைகின்றனர். உச்சம் அடைய வேண்டும் என்கிற நோக்கமில்லாமல் பார்ட்னருடனான  கிளர்ச்சிக்கான தருணமாக மட்டும் அதனை அணுகுவதால் உச்சமடைய முடியவில்லை என்கிற விரக்தியோ அல்லது அதனால் ஏற்படும் எரிச்சலோ கோபமோ இருக்காது என்கின்றனர். 

முதியவர்களில் குறிப்பாகப் பெண்களில் பெண்ணுறுப்பில் வறட்சி ஏற்படும்போது செக்ஸுக்கான எண்ணம் குறையும் அவர்கள் வறட்சியைத் தணிக்க பெண்ணுறுப்பில் தேங்காய் எண்ணெய் உபயோகிப்பது போன்ற யோசனைகளைத் தருகின்றனர். அவ்வப்போது தேங்காய் எண்ணெயை பெண்ணுறுப்புப் பகுதியில் தடவி வ்ருவது சருமத்தையும் பாதுகாக்கும் அந்தப் பகுதியை ஈரத்தன்மையுடனும் வைத்துக் கொள்ளும் என்கின்றனர்.