மக்களை அச்சுறுத்தும் கல்லீரல் புற்றுநோய்: சர்வதேச அளவில் நிலவரம் என்ன?

எல்செவியர் வெளியிட்ட ஹெபடாலஜி இதழில் புதிய ஆய்வில் நோயைக் கட்டுப்படுத்தும் முயற்சிகளுக்கு முன்னுரிமை அளிக்க வேண்டும் என்று கூறப்பட்டுள்ளது.

கல்லீரல்

2020 ஆம் ஆண்டில் 46 நாடுகளில் புற்றுநோய் இறப்புக்கான முதல் மூன்று காரணங்களில் முதன்மை கல்லீரல் புற்றுநோய் இருந்தது என்று ஆய்வில் தெரிய வந்துள்ளது. இதை அடுத்து மேலும் 2040ம் ஆண்டிற்குள் முதன்மை கல்லீரல் புற்றுநோயால் இறப்பவர்களின் எண்ணிக்கை 55 சதவீதத்திற்கும் அதிகமாக உயரக்கூடும் என்றும் ஒரு புதிய ஆய்வு வெளிப்படுத்துகிறது. எல்செவியர் வெளியிட்ட ஹெபடாலஜி இதழில் புதிய ஆய்வில் நோயைக் கட்டுப்படுத்தும் முயற்சிகளுக்கு முன்னுரிமை அளிக்க வேண்டும் என்று கூறப்பட்டுள்ளது. மேலும் "புதிய மற்றும் மேம்படுத்தப்பட்ட உலகளாவிய புற்றுநோய் தொடர்பான நிகழ்வுகள் மற்றும் இறப்பு மதிப்பீடுகளின் அடிப்படையில், கல்லீரல் புற்றுநோய் தொடர்பான புதிய மதிப்பீடுகளை வழங்கவும், தேசிய கல்லீரல் புற்றுநோய் கட்டுப்பாட்டுக்கான அத்தியாவசிய கருவியை உருவாக்கவும் நாங்கள் விரும்புகிறோம்" என்று இதழின் ஆசிரியர் ஹாரியட் ரம்கே விளக்கியுள்ளார். இவர் புற்றுநோய்க்கான சர்வதேச ஆராய்ச்சி நிறுவனத்தில் முனைவர் பட்ட மாணவராக இருக்கிறார்.

"இந்தப் ஆய்வில், உலகெங்கிலும் உள்ள நாடுகளில் புற்றுநோய் கண்டறிதல் மற்றும் இறப்புகளுக்கான வரிசையில் கல்லீரல் புற்றுநோய் எந்த இடத்தில் உள்ளது என்பதை நாங்கள் விவரிக்கிறோம். 2040ம் ஆண்டுக்கான எதிர்கால கல்லீரல் புற்றுநோய் தாக்கத்தைப் பற்றிய கணிப்புகளையும் நாங்கள் முன்வைக்கிறோம்," என்று ஆசிரியர் மேலும் அந்த இதழில் குறிப்பிட்டுள்ளார். 2020ம் ஆண்டில் 8.3 லட்சத்திற்கும் அதிகமான கல்லீரல் புற்றுநோய் இறப்புகள் பதிவாகியுள்ளன. உலகெங்கிலும் உள்ள 185 நாடுகளில் 36 வகையான புற்றுநோய்கள் எவ்வளவு பாதித்திருக்கிறது மற்றும் அதன் இறப்பு மதிப்பீடுகளை தயாரிக்கும் GLOBOCAN 2020 தரவுத்தளத்தின் ஆராய்ச்சிக்கான சர்வதேச ஏஜென்சியிடமிருந்து இந்த முதன்மை கல்லீரல் புற்றுநோய் பாதிப்புகள் மற்றும் இறப்புகள் பற்றிய தரவை ஆய்வாளர்கள் பிரித்தெடுத்தனர்.

ஐக்கிய நாடுகள் சபையால் உருவாக்கப்பட்ட மக்கள்தொகை கணிப்புகளைப் பயன்படுத்தி 2040 ஆம் ஆண்டுக்குள் புற்றுநோய் பரவல் அல்லது இறப்பு எண்ணிக்கையில் கணிக்கப்பட்ட மாற்றம்  மதிப்பிடப்பட்டது. 2020ம் ஆண்டில், 9,05,700 நபர்கள் கல்லீரல் புற்றுநோயால் பாதிக்கப்பட்டுள்ளதாகவும், உலகளவில் 8,30,200 பேர் கல்லீரல் புற்றுநோயால் இறந்ததாகவும் மதிப்பிடப்பட்டுள்ளது. இந்தத் தரவுகளின்படி, கல்லீரல் புற்றுநோய் இப்போது 46 நாடுகளில் புற்றுநோய் இறப்புக்கான முதல் மூன்று காரணங்களில் ஒன்றாகும், மேலும் பல உயர் பொருளாதார நாடுகள் உட்பட கிட்டத்தட்ட 100 நாடுகளில் புற்றுநோய் இறப்புக்கான முதல் ஐந்து காரணங்களில் ஒன்றாகவும் உள்ளது. கிழக்கு ஆசியா, வடக்கு ஆப்பிரிக்கா மற்றும் தென்கிழக்கு ஆசியாவில் கல்லீரல் புற்றுநோய் பாதிப்பு மற்றும் இறப்பு விகிதம் இந்த கணிப்பின்படி அதிகமாக இருந்தது. 

தற்போதைய விகிதங்கள் மாறாது என்று கருதி, அடுத்த 20 ஆண்டுகளில் கல்லீரல் புற்றுநோயால் ஏற்படும் இறப்புகளின் ஆண்டு எண்ணிக்கை 55 சதவீதத்திற்கும் அதிகமாக உயரும் என்று ஆய்வாளர்கள் கணித்துள்ளனர். கணிக்கப்பட்ட கேஸ்களின் அதிகரிப்பு கல்லீரல் புற்றுநோயாளிகளின் பராமரிப்பை மேம்படுத்துவதற்கு தேவையான ஆதாரங்களின் முக்கியத்துவத்தை உணர்த்துகிறது.