Watch: செல்ஃபி எடுக்க வந்த ரசிகர்… தட்டிவிட்ட ஷாருக்கான்… இன்ஸ்டாகிராமில் வெளியான வீடியோ வைரல்!

ஒரு ரசிகர் அவருடன் செல்ஃபி எடுக்க முயன்றபோது, கையைத் தள்ளிவிட்டு அவரைப் பார்த்து முறைத்தார். இதைத் தொடர்ந்து, ஷாருக்கின் பாதுகாப்பு அதிகாரிகள் அவரை அவரது காருக்கு அழைத்துச் சென்றனர்.

செல்போனை தட்டுவிடும் ஷாருக் (image: instagram)

நடிகர் ஷாருக்கான் மும்பை விமான நிலையத்தில் ஒருவருடன் செல்ஃபி எடுக்க மறுத்த வீடியோ சமூக வலைதளங்களில் வைரலாகி வருகிறது. கடந்த புதன்கிழமை இன்ஸ்டாகிராமில் பகிரப்பட்ட வீடியோவில், ஷாருக் தனது மேலாளர் பூஜா தத்லானியுடன் விமான நிலையத்திலிருந்து வெளியேறுகிறார், அப்போதுதான் இந்த சம்பவம் நடந்துள்ளது.

செல்ஃபியை மறுத்த ஷாருக்

விமான நிலையத்தில் ரசிகர்கள் அவரை வரவேற்றபோது, ஷாருக் அனைவருக்கும் ஃப்ளையிங் கிஸ் கொடுத்தார். சிறிது நேரம் கழித்து, ஒரு ரசிகர் அவருடன் செல்ஃபி எடுக்க முயன்றபோது, கையைத் தள்ளிவிட்டு அவரைப் பார்த்து முறைத்தார். இதைத் தொடர்ந்து, ஷாருக்கின் பாதுகாப்பு அதிகாரிகள் அவரை அவரது காருக்கு அழைத்துச் சென்றனர். பயணம் முடித்து வந்த அவர், கருப்பு டி-சர்ட் மற்றும் லெதர் ஜாக்கெட் உடை, ஒரு நீல நிற பேன்ட் அணிந்திருந்தார். களைப்பாக இருந்த நேரத்தில் செல்பி கேட்டதால் கோபடைந்திருக்கலாம் என்று ரசிகர்கள் கமெண்ட் செக்ஷனில் பேசி வருகின்றனர். 

காஷ்மீரில் செல்ஃபி எடுத்துக்கொண்ட ஷாருக்

கடந்த வாரம், ராஜ்குமார் ஹிரானியின் டன்கி திரைப்படத்தின் படப்பிடிப்பிற்காக ஷாருக்கான் காஷ்மீர் சென்றிருந்தார். அப்போது ஆன்லைனில் வெளிவந்த ஒரு புகைப்படத்தில், ஷாருக் பனி விழும் காஷ்மீரில் நின்று தனது ரசிகர்களுடன் செல்ஃபி எடுத்துக் கொண்டிருந்தது குறிப்பிடத்தக்கது.

ஸ்ரீநகர் விமானநிலையத்தில் சூழ்ந்த ரசிகர்கள்

இதே போல, ஸ்ரீநகர் விமானநிலையத்தில் அவரை மக்கள் சூழும் வீடியோவும் ட்விட்டரில் வெளியானது. அந்த வீடியோவில், விமான நிலையத்தில் நடிகர் கூட்டத்தால் இழுத்து தள்ளப்பட்டார். பலர் இந்த தருணத்தை தங்கள் மொபைலில் பதிவு செய்ய முயன்றனர். இதையடுத்து அவரை பாதுகாப்புப் படையினர் கூட்டத்திலிருந்து மீட்டு அழைத்து சென்றனர்.

 

 

 

 

 

View this post on Instagram

 

 

 

 

 

 

 

 

 

 

 

A post shared by @varindertchawla

ஷாருக்கானின் லைன்அப்

இயக்குனர் ராஜ்குமார் ஹிரானி இயக்கத்தில், நடிகை டாப்ஸி பன்னுவுடன் இணைந்து நடிக்கும் ஷாருக்கின் டன்கி திரைப்படத்தை, இந்த ஆண்டு இறுதியில் திரையரங்குகளில் வெளியிட திட்டமிட்டுள்ளனர். ஷாருக் கடைசியாக சித்தார்த் ஆனந்த் இயக்கத்தில் பதான் படத்தில் நடித்திருந்தார். இந்த படம் ஜனவரி மாதம் வெளியானது மற்றும் தீபிகா படுகோன் மற்றும் ஜான் ஆபிரகாம் ஆகியோர் முக்கிய வேடங்களில் நடித்திருந்தனர். பதான் பாக்ஸ் ஆபிஸில் ₹500 கோடிக்கு மேல் வசூலித்தது. அதே நேரத்தில் இயக்குனர் அட்லியின் ஆக்‌ஷன் த்ரில்லர் படமான ஜவான் படத்தில் நயன்தாரா மற்றும் விஜய் சேதுபதியுடன் நடித்துள்ளார். ஜவான் ஜூன் 2, 2023 அன்று திரையரங்குகளில் வர உள்ளது. செய்தி நிறுவனம் ANI இன் படி, சல்மான் கானின் டைகர் 3 இல் ஷாருக்கானின் சிறப்பு கேமியோ உள்ளது என்று கூறப்பட்டுள்ளது. சல்மான் முன்னதாக ஷாருக்கின் பதான் படத்தில் நடித்தது குறிப்பிடத்தக்கது.