Fahadh Faasil in Vikram: ரூல்ஸ் அண்ட் ரெகுலேஷன் மீறப்படும்.. ஃபகத்தின் கேரக்டர் பெயர் இதுதான்.. விக்ரம் படக்குழு அறிவிப்பு..!

விக்ரம் படத்தில் நடித்துள்ள பிரபல நடிகர் ஃபகத் ஃபாசில் கதாபாத்திரத்தின் பெயரை படக்குழு வெளியிட்டுள்ளது.

ஃபகத் ஃபாசில்

விக்ரம் படத்தில் நடித்துள்ள பிரபல நடிகர் ஃபகத் ஃபாசில் கதாபாத்திரத்தின் பெயரை படக்குழு வெளியிட்டுள்ளது.

இது குறித்து வெளியாகியுள்ள அறிவிப்பில், “ விக்ரம் படத்தில் ஃபகத் ஃபாசில்  ‘அமர்’ என்ற கதாபாத்திரத்தில் நடித்துள்ளார்” என்று குறிப்பிட்டு உள்ளது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Raaj Kamal Films International (@rkfioffl)

முன்னதாக, கமல்ஹாசன் நடிப்பில் வரும் ஜூன் மாதம் 3 ஆம் தேதி வெளியாக இருக்கும் திரைப்படம் ‘விக்ரம்’. இயக்குநர் லோகேஷ் கனகராஜ் இயக்கத்தில், அனிருத் இசையில் உருவாகியிருக்கும் இந்தப்படத்தின் டீஸர், மேக்கிங் வீடியோக்கள் சமூக வலைதளங்களில் வெளியாகி ரசிகர்கள் மத்தியில் நல்ல வரவேற்பை பெற்றது. விஜய்சேதுபதி, ஃபகத் ஃபாசில் உள்ளிட்ட பல நட்சத்திரங்கள் நடித்துள்ள இந்தப்படத்தில் சூர்யா நடித்துள்ளதாக ரசிகர்கள் கணித்தனர்.  

 

இதனைத்தொடர்ந்து, கடந்த 15ஆம் தேதி படத்தின் ஆடியோ நிகழ்ச்சி பிரம்மாண்டமாக நடைபெற்றது. இதில் டிரெய்லரும் ரிலீஸ் செய்யப்பட்டது. இந்த டிரெய்லர் ரசிகர்களை வெகுவாக கவர்ந்து ட்ரெண்டிங்கிலும் முதலிடம் பிடித்தது. இந்த நிகழ்ச்சியில் இயக்குநர் லோகேஷ் கனகராஜ் சூர்யா நடித்துள்ளதை உறுதி செய்தார். 

முன்பிலிருந்தே சூர்யாவை வைத்து படம் தயாரிக்க வேண்டும் என்று கமல் முயற்சித்து வந்த நிலையில், அந்த திட்டம் பல்வேறு காரணங்களால் தள்ளிப்போய்க்கொண்டே இருந்தது. இந்த நிலையில் அந்தத்திட்டத்தின் தொடக்கமாக, ராஜ்கமல் நிறுவனத்தின் தயாரிப்பில்  ‘விக்ரம்’ படத்தில் ஒரு சிறிய கேமியோ ரோலில், இரண்டு நாட்கள் கால்ஷீட் ஒதுக்கி நடித்துக்கொடுத்துள்ளார் சூர்யா. இந்த நிலையில் நடிகர் சூர்யா தொடர்ந்து ராஜ்கமல் நிறுவனத்தில் படம் நடிக்க உள்ளதாக நடிகர் கமல் கூறியிருக்கிறார். விஜய் டிவிக்கு கொடுத்த நேர்காணலில் அவர் இதனை உறுதி செய்திருக்கிறார்.