Vijay TV Pugazh BMW Car: புது காருடன் புகழ் கொடுத்த போஸ்.. இந்த இன்ஃபோ எல்லாம் தெரியுமா பாஸ்..
புகழ் தற்போது bmw நீல நிற கார் பக்கத்தில் நின்று எடுத்த கொண்ட புகைப்படத்தை தனது இன்ஸ்டாகிராம் பக்கத்தில் வெளியிட்டுள்ளார்.
குழந்தைகள் முதல் பெரியவர்கள் வரை பலரின் stress buster ஆகவும், மிகப்பெரிய அளவில் ஹிட் அடித்த ஷோ தான் குக் வித் கோமாளி. மற்ற குக்கிங் நிகழ்ச்சிகளை விட வித்தியாசமாக கோமாளிகளும் பங்கேற்கும் இந்த நிகழ்ச்சியில் மணிமேகலை, புகழ், சிவாங்கி, பாலா, சுனிதா போன்ற பல கோமாளிகள் கலந்துக்கொண்டனர். குறிப்பாக மற்ற கோமாளிகளை விட மக்களிடம் மிகவும் பிரபலமானவர் தான் புகழ். இந்நிகழ்ச்சிகளுக்கு முன்னதாக பல காமெடி நிகழ்ச்சிகளில் பங்கேற்றிருந்தாலும் இந்த நிகழ்ச்சி மட்டுமே புகழுக்கு ஏராளமாக ரசிகர்களைப்பெற்று தந்தது.
இப்படி முதல் சீசன், இரண்டாவது சீசன் என இவரின் லூட்டிகளுக்கு பஞ்சமே இல்லாமல் இருந்தது. குக் வித் கோமாளி கிடைத்த புகழுக்கு பிறகு புகழ் தமிழ் சினிமாவில் வாய்ப்பு கிடைத்து சந்தானத்தின் 'சபாபதி', அஜித்தின் 'வலிமை', அஸ்வின் நடித்த என்ன சொல்லப் போகிறாய், சூர்யா நடித்த எதற்கும் துணிந்தவன் உள்ளிட்ட சில படங்களில் நகைச்சுவை வேடங்களில் நடித்துள்ளார், மேலும் பொன்ராம் இயக்கத்தில் விஜய் சேதுபதியின் புதிய படத்தில் முக்கிய கதாபாத்திரத்தில் நடிக்கிறார்.
புகழ் தற்போது சினிமாவில் தீவிரமாக உள்ளதாகவும், 'மிஸ்டர் ஜூ கீப்பர்' என்ற படத்தில் ஹீரோவாகவும் நடித்து வருவதாகவும் கூறப்பட்டது. இந்த நிலையில் புகழ் தற்போது bmw நீல நிற கார் பக்கத்தில் நின்று எடுத்த கொண்ட புகைப்படத்தை தனது இன்ஸ்டாகிராம் பக்கத்தில் வெளியிட்டுள்ளார். இது குறித்து அவர் கொடுத்த கேப்ஷனில் ”இயலாமல் இறந்து போகலாம்; முயலாமல் முடிந்துவிடவே கூடாது” என்று பதிவிட்டுள்ளார்.
இதை பார்த்த அவரது ரசிகர்கள், இது குக் வித் கோமாளி மணிமேகலை வாங்கிய புது bmw கார் என்று பதிவிட, வேறு சிலர் இது அந்த கார் அல்ல. புகழ் தற்போது வாங்கிய புது bmw கார் என்றும் கருத்து தெரிவித்து வருகின்றனர்.
View this post on Instagram
படங்களில் பிஸியாக நடித்து வரும் புகழ், அவ்வபோது தான் புகழ் பெற்ற குக் வித் கோமாளி நிகழ்ச்சிகளில் தோன்றி வருகிறார். தற்போது குக் வித் கோமாளி சீசன் 3 தொடர் முடிந்த நிலையில் அடுத்த சீசனிலாவது அனைத்து எபிசோட்களிலும் பங்கேற்பாரா என்று அவரது ரசிகர்கள் கேள்வி எழுப்பி வருகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
