Beast Shooting Set Pics | சென்னை கனமழையில் வெள்ளக்காடான ’பீஸ்ட்’ ஷூட்டிங் செட்!

பீஸ்ட் படத்தின் அடுத்தக்கட்ட படப்பிடிப்பில் கலந்துகொள்வதற்காக , படத்தின் நாயகி பூஜா ஹெக்டேவும்  சென்னையில் முகாமிட்டுள்ளார் என்பதும் குறிப்பிடத்தக்கது

பீஸ்ட்_(2)

கனமழை எதிரொலி காரணமாக சென்னை முழுவதும் வெள்ளக்காடாக காட்சியளித்துக்கொண்டிருக்கிறது. இந்த நிலையில் விஜய் நடிப்பில் மிகுந்த எதிர்பார்ப்பிற்கு மத்தியில் உருவாகி வரும் , பீஸ்ட் திரைப்படத்திற்காக அமைக்கப்பட்ட செட்டை சுற்றிலும் தண்ணீர் சூழப்பட்டுள்ளதால் தற்போது படப்பிடிப்பு தள்ளிவைக்கப்பட்டிருப்பதாக செய்திகள் வெளியாகியுள்ளது.நெல்சன் இயக்கத்தில் விஜய்யின் நடிப்பில் ஆக்‌ஷன் காட்சிகளுக்கு பஞ்சமில்லாத படமாக உருவாகி வருகிறது பீஸ்ட். மக்கள் அதிகளவு கூடும் ஷாப்பிங் மால் ஒன்றில் தீவிரவாதிகள் புகுந்து மக்களை பிணைக்கைதிகளாக பிடித்துவிடுகிறார்கள். இதனையடுத்து தளபதி விஜய் பீஸ்ட் மோடுக்கு சென்று தீவிரவாதிகளிடமிருந்து மக்களை காப்பாற்றுகிறார் என்பதுதான் படத்தின் ஒன் லைன் என்று செய்திகள் உலாவிக்கொண்டிருக்கிறது.

actress @Samanthaprabhu2 via Instagram Story , #Beast Shopping Mall set 🔥#Master @actorvijay #Thalapathy66 pic.twitter.com/uwWX4c5qyX

— 𝗔𝗟𝗟 𝗞𝗘𝗥𝗔𝗟𝗔 𝗧𝗛𝗔𝗟𝗔𝗣𝗔𝗧𝗛𝗬 𝗙𝗔𝗡𝗦 (@aktf__official) November 11, 2021

அதற்கு ஏற்றார் போல சென்னையின் முக்கியமான பகுதி ஒன்றில் , ஷாப்பிங் மால் போல் செட் அமைத்து அதில் பீஸ்ட் படத்தில் பெரும்பான காட்சிகள் படமாக்கப்பட்டு வந்தன. தற்போது அந்த மால்-ஐ சுற்றிலும் தண்ணீர் குளம் போல சூழ்ந்துள்ளது.இது சமந்தா வெளியிட்ட இன்ஸ்டாகிராம் ஸ்டோரி மூலம் தற்போது தெரியவந்துள்ளது. கடந்த சில வாரங்களாக அந்த மாலில்தான் பீஸ்ட் படத்தின் முக்கியமான காட்சிகள் படமாக்கப்பட்டு வந்தன.வெள்ளம் சூழ்ந்திருந்தாலும் அது செட்டை பாதிக்கவில்லை என கூறப்படுகிறது. இதனால் நிம்மதி பெருமூச்சு விட்டுள்ளனராம் தயாரிப்பாளர் தரப்பு.  தற்போது அந்த பகுதியில்  சூழ்ந்துள்ள தண்ணீர் முற்றிலுமாக வடிந்த பிறகு மீதமுள்ள காட்சிகளை படமாக்க திட்டமிட்டிருக்கிறாராம் இயக்குநர் நெல்சன் . 

பீஸ்ட் படத்தின் அடுத்தக்கட்ட படப்பிடிப்பில் கலந்துக்கொள்வதற்காக , படத்தின் நாயகி பூஜா ஹெக்டேவும்  சென்னையில் முகாமிட்டுள்ளார் என்பதும் குறிப்பிடத்தக்கது.படத்தின் 85 சதவிகித காட்சிகள் படமாக்கப்பட்ட சூழலில் , இறுதி காட்சிகளை  காஷ்மீரில் எடுத்துக்கொள்ளலாம் என திட்டமிட்டிருந்தது படக்குழு. ஆனால் பாதுகாப்பு நலன் கருதி படம் அங்கு எடுக்கப்படவில்லையாம் . எனவே ஜார்ஜியாவில் காஷ்மீர், இந்தியா-பாகிஸ்தான் எல்லை போன்று செட் அமைத்து மீதமுள்ள காட்சிகளை எடுத்துக்கொள்ளலாம் என திட்டமிட்டிருக்கின்றனராம். விறு விறு கதைக்களத்துடன் உருவாகி வரும் பீஸ்ட் படத்தின் மீது விஜய் ரசிகர்களுக்கு மட்டுமல்லாமல் ஒட்டுமொத்த சினிமா ரசிகர்களுக்குமே மிகுந்த எதிர்பார்ப்பு உள்ளது.அதற்கு காரணமாக நெல்சன் இயக்கத்தில் சமீபத்தில் வெளியான டாக்டர் படத்தையும் கூறலாம்.பீஸ்ட் திரைப்படத்தை சன் பிக்சர்ஸ் நிறுவனம் தயாரித்து வருகிறது. படத்திற்கு ராக் ஸ்டார் அனிருத் இசையமைத்து வருகிறார். படத்தில் செல்வராகவன் , யோகி பாபு மலையாள நடிகர் டாம் சாக்கோ உள்ளிட்ட ஏராளமானோர் நடித்து வருகின்றனர் என்பது குறிப்பிடத்தக்கது.