Vaadivasal Title Look: நாளை வெளியாகிறது சூர்யாவின் வாடிவாசல் டைட்டில் லுக்!

இதனை படத்தின் தயாரிப்பு நிறுவனமான வி கிரியேஷன்ஸ் அறிவித்துள்ளது. எழுத்தாளர் சி.சு.செல்லப்பாவின் வாடிவாசல் கதையை மையமாக வைத்து அதே தலைப்பில் உருவாகிவரும் இந்த படத்துக்கு ஜி.வி.பிரகாஷ் இசையமைக்கிறார்.

சூர்யா - வெற்றிமாறன்

இயக்குநர் வெற்றிமாறன் இயக்கத்தில் சூர்யா நடிப்பில் உருவாகிவரும் ’வாடிவாசல்’ திரைப்படத்தின் டைட்டில் லுக் நாளை வெளியாகவிருக்கிறது. இதனை படத்தின் தயாரிப்பு நிறுவனமான வி கிரியேஷன்ஸ் அறிவித்துள்ளது. எழுத்தாளர் சி.சு.செல்லப்பாவின் வாடிவாசல் கதையை மையமாக வைத்து அதே தலைப்பில் உருவாகிவரும் இந்த படத்துக்கு ஜி.வி.பிரகாஷ் இசையமைக்கிறார். படத்தின் டைட்டில் ஃபர்ஸ்ட் லுக் நாளை மாலை 5;30 மணிக்கு வெளியாகிறது. 

The day has finally arrived and we have an update that you were eagerly waiting for!
We are thrilled to present the Title Look of #VaadiVaasal at 5:30pm tomorrow. Set your alarm now! #VaadiVaasalTitleLookTomorrow @Suriya_offl @VetriMaaran @gvprakash #VaadiVaasal pic.twitter.com/Ja50irO2Dp

— Kalaippuli S Thanu (@theVcreations) July 15, 2021

முன்னதாக சூர்யா நடிப்பில் வெளியான சூரரைப் போற்று திரைப்படம் இந்தியில் ரீமேக் செய்யப்பட இருக்கிறது என அறிவிப்பு வெளியானது குறிப்பிடத்தக்கது. மற்றொரு பக்கம் நெட்பிளிக்ஸில் வெளிவர இருக்கும் ஆந்தாலஜி நாடகமான ‘நவரசா’விலும் சூர்யா நடித்திருக்கிறார். இதனால் சூர்யா ரசிகர்கள் இந்த ஆண்டு தொடர்ச்சியாகப் பல சர்ப்ரைஸ்களை எதிர்பார்க்கலாம். 

Excited to announce our association with @Abundantia_Ent lead by @vikramix for #SooraraiPottru in Hindi, Directed by #SudhaKongara@CaptGopinath#Jyotika @rajsekarpandian @ShikhaaSharma03 @2D_ENTPVTLTD pic.twitter.com/ECjSpO9OOT

— Suriya Sivakumar (@Suriya_offl) July 12, 2021

தமிழ் சினிமாவின் முன்னணி நடிகர் சூர்யாவின் நடிப்பில் சுதா கொங்ரா இயக்கத்தில் வெளியான படம் ’சூரரைப் போற்று ‘. இந்த படம் இந்தியாவில் எளியோரும் பயணம் செய்யும் வகையில் பட்ஜெட் விமான சேவையை அறிமுகப்படுத்திய  ஏர் டெக்கான் நிறுவனர் கேப்டன் ஜி.ஆர்.கோபிநாத்தின் வாழ்க்கை வரலாற்றைத் தழுவி எடுக்கப்பட்டிருந்தது. இந்த படத்தில் சூர்யாவிற்கு ஜோடியா அபர்ணா பாலமுரளி நடித்திருந்தார்.  ஜி.வி.பிரகாஷ் இசையமைத்திருந்தார். பிரபல ஒடிடி தளமான அமேசான் பிரைமில் வெளியான சூரரைப்போற்று திரைப்படத்திற்கு ரசிகர்கள் மத்தியில் நல்ல வரவேற்பு கிடைத்தது. பல பிரபலங்களும் படத்தை வெகுவாக பாராட்டினர்.  சூர்யாவும் ஒரு தனிமனிதன் பலருக்கான கனவுகளை சுமந்துக்கொண்டு எப்படி சிரமப்படுகிறார் என்பதை அப்படியே திறையில் நடித்து காட்டியிருந்தார். அவருக்கு ஈடாக அபர்ணா பாலமுரளியும் கலக்கியிருந்தார். இந்த நிலையில் படத்தை ஹிந்தியில் ரிமேக் செய்ய இருப்பதாக அதிகாரப்பூர்வ அறிவிப்பு வெளியாகியுள்ளது. இது குறித்த விவரங்களை நடிகர் சூர்யா தனது சமூக வலைத்தள பக்கங்களில் பதிவிட்டுள்ளார்.

சூர்யாவின் தயாரிப்பு நிறுவனமான 2டி என்டர்டெய்ன்மென்ட் மற்றும் அபண்டன்ஷியா என்டர்டெய்ன்மென்ட்(Abundantia Entertainment) நிறுவனங்கள் இணைந்து சூரரைப்போற்று இந்தி பதிப்பை தயாரிக்க உள்ளனர். தமிழில் இந்தப்படத்தை இயக்கிய சுதா கொங்கரோவே இந்தியிலும் இயக்க உள்ளார் என்பது கூடுதல் சிறப்பு. படத்தில் சூர்யா கதாபாத்திரத்தில் எந்த பாலிவுட் நடிகரை நடிக்க வைக்க உள்ளனர் என்பது குறித்த அறிவிப்பு  விரைவில் வெளியாகும் என எதிர்பார்க்கப்படுகிறது. அதேபோல மற்ற நடிகர்கள் குறித்த விவரங்களையும் படக்குழு விரைவில் வெளியிடுவார்கள்.